الـبـارت الـثـانـي والاربـعـون
تفاعلوا التفاعل يحفزنيي... قرأءة ممتعه 🌷
ـــــــــــــــــــــــــــــــ
حمد
صحى من نومه وطلع يجلس مع ابوه وام اصيل و وعد واطفالها فالصاله يفطرون ومن بين السوالف نطق ابو اصيل: حمد ترا اليوم الجمعه
ناظره حمد: يبه ماودك نأجل يعني شهرين او كذا
هز ابو اصيل راسه: لا ياولدي لا اليوم يعني اليوم
تنهّد حمد ونطق ابو اصيل: بنخطبها لك اليوم وانت حدد متى تبي زوجك ان شاء الله لو بعد سنتين
سكت حمد وهو يلاعب غيث وليث
ـــــــــــــــــــــــــــــــ
بيت ابو فجر
دخل راكان و فجر وكانوا كلهم يفطرون وانصدموا من فجر اللي جات بهالوقت ولا قالت لهم
ابو فجر: عسى خير؟
راكان بغضب: وييين خير؟ فجر طالعه تبكي من عند هاللي ما ينتسمى
جلست فجر وحضنتها امها وبكت فجر على طول وانجن ابو فجر اللي ما يرضى عليها اي شيء
ابو فجر: وش فيك وش مسوي صقر؟
فجر بشهقات وهي تبعد من حضن امها: ي.. يبه م.. ابيه مابيه قول له يطلقني..
ام فجر: ليه يمه وش السالفه
انهارت فجر مره ثانيه بحضن امها والتفت ابو فجر لأمها: هدوها ولا تخلونها تبكي كثير وانت يا راكان مشينا لهاللي ما يستحي
طلع راكان وابوه لديرة صقر وهم محتارين باللي صاير وراكان يقول لأبوه كيف فجر دقت عليه وكانت تبكي
اما فجر كانت منهاره انهيار مو طبيعي لأول مره تحس نفسها انها طرف ثالث وان وجودها مع صقر غلط
لأول مره تحس بهالشعور الموجع
كأنها بدت تحس ان صقر يدخل قلبها لكن فجأة بدون اي سبب يعترف بنومه انه يحب جميلة ، عاد ليته يحب اي وحده
جميلة !، جميلة الرخيصه اللي باعت شرفها مع حبيبها
ـــــــــــــــــــــــــــــــ
بيت صقر
كانت ام صقر تسوي فطورها وهي متخذه قراره تجاه محمد وتنتظر صقر يصحى وتقول له ، طلعت وهي تحط فطورها بالصاله لكن قاطعها صوت جرس الباب
لبست جلالها و وقفت خلف الباب تنطق: مين؟
ابو فجر: ويين صقر؟
استغربت ام صقر صوت الشخص ونطقت: موجود
ابو فجر: ناديه بسرعه
مشت ام فجر لجناح صقر ودقت الباب اكثر من مره ولا رد احد ، دخلت واتجهت لغرفة صقر وفجر ودقت الباب وبعد محاولت طلع صقر وفاتح عين ومسكر عين: هلا يمه
ام صقر: صقر فيه رجال برا يبيك
صقر: لا إله إلا الله ضيوف الصبح ذولا ! تو الساعه 7
ام صقر: اخلص تراه ينتظر برا بسرعه
لف صقر يغسل ويبدل وطلع وهو يفتح باب الحوش وعقد حواجبه وهو يشوف ابو فجر و راكان
راكان: ما بغيت ؟
ابو فجر: سلام عليكم
صقر: وعليكم السلام تفضلوا حياكم
دخلوا للمجلس وابو فجر يهمس لراكان يسكت ولا يقول شيء جلسوا ونطق صقر: دقايق بجيب القهوه
ابو فجر: لا ما يحتاج نبيك بموضوع مهم وسريع اجلس
استغرب صقر وجلس ينطق: وش موضوعكم؟
ابو فجر: وش مسوي لفجر؟؟
عقد حواجبه بأستغراب: فجر؟
ابو فجر: وش مسوي؟
صقر: ما سويت شي ، بعدين فجر داخل عند امي لو تبي اناديها لك
راكان: يااعييني بس ، فجر داخل ؟ فجر داقه علي بعد الفجر تبكي منك وتقول مابيه خلوه يطلقني تستهبلل؟؟
ابو فجر: راكان بس
صقر انصدم بمعنى الكلمه وايش هو مسوي اصلا البارحه كان وضعهم مثل دايم وكانوا مروقين وهادين شلون هي تبكي وتبي الطلاق
ابو فجر: تكلم وش سويت لها؟
صقر: والله ما سويت شيء..
قاطعه راكان بغضب: تسوووقهااا انتتت بعععديييين اصلاااا مييين انتت عشااان تبكيي فجر يال...
ابو فجر: راااكان !
سكت راكان وابو فجر يدري لو راكان استمر بالكلام كان بيسب صقر ويقوله كلام ما ينقال لكن ابو فجر يبي يعرف ايش اللي صاير بالتفصيل وبالهدوء وهو يعرف ان فجر ما بكت الا من غلاة صقر عندها ، يدري لو ان فجر ما كانت تحب صقر كان ما بكت لكن بكائها يدل على حبها له
ابو فجر: والكلام الاخير وش انت مسوي؟
صقر: يا جماعه اقسسم بالله ما سويت شيء البارحه كنا سمن على عسل ماسسويييت لها شيء واليوم الفجر رجعت من الصلاة ولقيتها تصلي وانا نمت وهي باقي تصصلي وما صحيت الا على جيّتكم
تنهّد ابو فجر و وقف: اكرمكم الله
طلعوا ولحقهم صقر: لححظه
ناظره راكان بعييون غاضبه وهو ينطق: شتبي بعد؟
صقر: فجر عندكم؟
راكان: لا بنخليها عندك؟
تجاهله صقر وهو يناظر ابو فجر: ابي اتكلم معها
ابو فجر: مو الحين
صقر: الا الحين ابي اعرف وش سويت لها عشان تبكي و تروح عندكم
ابو فجر: فجر مو ناقصتك لا تجي الحين تعال العصر لأنك لو جيت الحين انا نفسي ماراح اخليها تطلع لك يكفي اللي فيها مشينا يا راكان
وموعدنا معك العصر يا صقر
طلعوا وصقر قيد الصدمه ومو مستوعب ولا يدري ليه فجر راحت لأهلها بدون سبب ، البارحه كانوا جالسين طبيعي ويتابعون ومنسجمين ولا عندهم للشيطان طاري وش صار الحين عشان تتركه فجر بدون سبب
أنت تقرأ
شفته ولا كنت داري بيوم اني بعشقه حبيته وانا قلبي عن الحب تايب
De Todoتحكي عن بطلنا اللي يطرده ابوه من البيت بسبب كلام زوجة ابوه عنه ويرجع في يوم من الايام ويصير محامي لأخوه ولا احد يعرفه..
