شفته ولا كنت داري بيوم اني بعشقه حبيته وانا قلبي عن الحب تايب

البارت الثاني عشر

الـبـارت الـثـانـي عـشـر

الساعه 8
وصل اصيل الرياض ووقف قدام بيت مشاري ودق الباب
طلع مشاري: هلا وغلا ارحب
اصيل: تسلم
سلموا على بعض وجلسوا في المجلس صب مشاري القهوه
ونطق: فيك شي؟
اصيل: فيني
مشاري: وش فيك؟
اصيل: ابيك بفزعه ان كنت تقدر
مشاري: ابشر بي ولا يهمك آمر ؟
اصيل: حمد مسجون
مشاري: ليش؟
اعتدل اصيل وبدأ يروي كل شي لـمشاري
اصيل: واذا تقدر ابيك تدبر له محامي
مشاري: ابشر بعزك مشينا لشركة المحاماه ونختار المحامي الكفو
اصيل: يلا

طلعوا للشركه، وصلوا ودخلوا ونطق مشاري: شوف انت تعرف بتال اللي جاء معنا للكشته ذاك اليوم؟
اصيل: اي
مشاري: هو محامي ويمكن يساعدك

التفتوا وشافوه طالع ويغني مع منصور ضحك مشاري: مهابيل
اصيل: هذا؟
مشاري: اي
اصيل: يارجال شوفه كيف واضح مايفهم شي !!
انفجر مشاري ضحك ونطق: لا لايغرك تراه ماقد خسر الا قضية وحده بس
رفع صوته: بتااال؟
التفتوا ونطق منصور: هذا نعرفه صح؟
بتال: ايه
راحوا لهم ونطق مشاري: اشوفك فرحان؟
ابتسم بتال: الحمدلله
مشاري: اي صح خويي اصيل
ابتسم منصور: معروف الاصيل
مشاري: مكتبك فاضي؟
بتال: اي تعالوا
دخلوا مكتب بتال وجلسوا ونطق مشاري: انت فاضي ماعندك قضايا ولازم تمسك قضية اصيل
تحرك بتال بالكرسي: اي بس انت شدخلك؟ هو يتكلم
اصيل: انا مستغرب اصلا انه ماخذ دوري فالكلام
التفت مشاري: ياخي ابي افزع !
اصيل: اي بس ماتوصل انك تتكلم بدالي !
بتال: مشاري ومنصور اطلعوا شوفوا لكم شي اشغلوا نفسكم فيه وخلونا ناخذ راحتنا
وقف منصور: يلا ميشو

طلعوا وقام بتال وجلس قدام اصيل ونطق: اتوقع انك تعرفني؟
ابتسم اصيل: معروف
تربع بتال فوق الكنبه ونطق: شالسالفه؟
اعتدل اصيل وبدأ يروي كل شي ونطق بتال بتفكير: لازم اجلس معه وافهم السالفه ؟
اصيل: اللي ملخبطني ان خويه خالد هو اللي مبلّغ عليه
بتال: خالد هذا وراه بلا
اصيل: وش نسوي الحين؟
بتال: هو بأي سجن ؟
اصيل: حولوه لسجن الرياض هنا
بتال: طيب مشينا له تعرف مكانه؟
وقف اصيل: اي يلا

طلعوا وكان منصور ومشاري جالسين يسولفون على جمب
منصور: لاحظت شي؟
مشاري: وش؟
منصور: خويك هذا وبتال يتشابهون
ضحك مشاري: اي الشبه بينهم كبير
منصور: مو بس فالشبه حتى في طريقة الكلام والمشيه والضحكه وكل شي
مشاري: اي طيب خلاص خلهم يتشابهون
منصور: طيب وين رايحين؟
مشاري: بتال لازم يمارس طقوس التحقيق مع طقوس المحاماه
تلقاهم رايحين يشوفون طريقه يحلون فيها المشكله

ـــــــــــــــــــــــــــــــ

ركبوا سيارة بتال ومشوا لمركز الشرطه، دخلوا وجاب العسكري حمد وجلس قدامهم ويدينه مكلبشات ومتوتر
اصيل: حمد قول كل شي من البدايه
حمد: ياااخي ماسويت شي ماسويت شي !!
بتال: اششش هدوء شوي ، متى طلعت من البيت؟
حمد: العصر بعد الصلاة
بتال: وين رحت؟
حمد: البقاله
بتال: وش اخذت من البقاله؟
حمد: اصيل وش جايب انت هذا وش؟؟
بتال: ياولد؟ اهدئ وتكلم وش اخذت من البقاله؟
حمد: مويه واغراض للبيت
بتال: اول مانزلت قفلت سيارتك؟
حمد: لا
بتال: غبي
حمد: احترم نفسك
بتال: المهم ، وين رحت بعد ماخلصت؟
حمد: رحت لأخوياي متجمعين في الحاره
بتال: من هم خوياك؟
حمد: خالد و راشد
بتال بتفكير: واللي بلّغ عليك خالد يعني خالد هذا له يد في السالفه اذا انت كنت بريء
حمد: لا مستحيل خالد خويي من زمان مستحيل يسوي كذا
ضحك بتال: وش دراه ان سيارتك فيها مخدرات اكيد هو اللي حطها ولا له يد فيها ؟