شفته ولا كنت داري بيوم اني بعشقه حبيته وانا قلبي عن الحب تايب

البارت التاسع عشر

الـبـارت الـتـاسـع عـشـر

اليوم الثاني
ركب بتال سيارته واتجه للديره وهو يتذكر هالطريق كيف كان المره اللي مضت جاي مع مشاري و منصور ومستانسين ويضحكون و طريق رجعتهم كان مليئ بالحزن والكئابة وهذا هو الحين ماشي مع نفس الطريق اللي قضى فيها الوناسه وقضى فيه الحزن والكئابة ويتمنى انه يرجع مع هالطريق وهو مستانس ويضحك...

ـــــــــــــــــــــــــــــــ

بيت منصور
صحى الصباح ونزل يفطر مع امه واخته وهو باقي ما قال لهم من الضيوف اللي امس و ايش غايتهم بعد ما خلص فطوره نطق: اريام؟
التفتت اريام: هلا؟
منصور: متعب يخطبك وش رايك؟
ناظرته اريام بتردد والتفتت لأمها اللي نطقت: من متعب؟
منصور: متعب ولد خوي ابوي هذاك اللي اسمه فايز
انصدمت ام منصور: وكيف لقيته هذا من زمان منتقل لأبها كيف رجع للرياض؟
منصور: يقول عشان اشغال عياله رجع هنا ها يا اريام وش رايك؟
ناظرته اريام لثواني ونطقت: بكيفك
ضحك منصور: اقول تم؟
اريام ابتسمت: بكيفك
ام منصور: مابي اسمع بكيفك قولي لأخوك اي او لا رايك مهم تكلمي !
اريام بعد ثواني: اي موافقه
منصور: ماتبين نسأل عنه؟
اريام هزت راسها: ما يحتاج
منصور: زين

ـــــــــــــــــــــــــــــــ

بيت ام صقر
صحت من النوم وقعدت تدور فالبيت وتشوف عيالها كلهم نايمين رجعت لغرفتها و وليد نايم معها على سريرها جلست جمبه وباسته قامت وراحت قدام المرآيا تحط عطر وفتحت الدرج تبي تمشط شعرها وابتسمت وهي تشوف الورقة اللي كتبها ابو صقر هذاك اليوم ولا فتحتها للحين مدت يدها واخذتها وغمضت عيونها بهدوء لما قرأت المكتوب على الورقه من الخارج
" إلى هنوفي "
فتحتها و رجف قلبها وهي تقرأ اول الكلمات

" هنوفي "
" تقبلين إعتذاري عن ما بدر مني لك ؟
اني وهبتك روحي المجروحه و ذنوبي الكثيرة ودموعي المنسية أتقبلين ؟
أتقبلين زلاتي التي جرحت نواعسك ، واخطائي وآخر قيظ آمالي ، وندمي أتقبلين ؟
انا آسف ضاع آخر ادراكي وما عهدت من انا ولا الموج ما زال يعرفني ، ونسيت مين انا ولم انسى يوماً مين انتي..
انا راحل بلا ميعاد ولا تذكار
انا كنت على جرف الحياة من قبلك الملم جثث الاقدار وامسح بباطن كفي على الاوجاع ، مجهولا دونك لا مينا ولا اوطان
امشي مائل الخطوة لا الجرح يشكي ولا الآهات ، ادور في بلاد الحزن لا الدار لي ولا الأغراب.. وأعود بلا ميعاد أتقبلين ؟
واذا نسيت الهدايا والافراح لن انسى قلبي بين يدي أناولك بإثمه وحزنه وحبه لك أتقبلين ؟
أتقبلين قلبي أعتذار عن زلاتي وخيباتي والآلام ؟
اني احبك حين تشرق الشمس و تغيب و تحت ضوء القمر وشجرة الياسمين و حتى يردد العاشقين
ليلة لو باقي ليلة بعمري ابيك الليلة وكل ليالي العمر ..
انا هنا بين الضلوع العوج عايش و اتركي الارض للناس..
واحبك طول عمري... احب الهنوف.. "