شفته ولا كنت داري بيوم اني بعشقه حبيته وانا قلبي عن الحب تايب

البارت الثاني والثلاثون

الـبـارت الـثـانـي والـثـلاثـون

تفاعلوا فضلاً وليس أمرا 🌷🌷

.........

متعب
كان جالس في الشقه اللي فوق اهله ويفطر هو واريام
ناظرها متعب وهو يشوف كيف ساكته ولا تاكل الا الزيتون بس
متعب: اريام فيك شيء؟
ناظرته اريام: لا
متعب: طيب ليه ما تاكلين؟
اريام: مالي نفس
متعب: لا وش اللي مالك نفس لازم تاكلين بتتعبين كذا
ابتسمت اريام بتسليك وهي تشرب الشاهي وقاطعهم صوت الباب
قام متعب يفتحه وشاف هند: صباح الخير
متعب: صباح النور
هند: تعال انت افطر معنا يلا
متعب: لا والله هذاني افطر مع اريام افطروا انتوا بالعافيه
هند: وامي اللي تكلفت وهي من الساعه 6 فالمطبخ حتى تسوي لك الفطور اللي تحبه واخرتها تفطر مع اريام وتعب امي ما يهمك ولا وش ؟
سكت متعب والتفت لأمه اللي جات بأبتسامه: صباح الخير
ابتسم متعب وهو يبوس رأسها: صباح النور
ام متعب: تعال افطر يمه يلا
بلع ريقه ونطق: ا.. انا افطر مع اريام
ناظرته ام متعب لثواني والتفتت لهند اللي نطقت: مفضل اريام على تعب امك ولا وشو؟
ام متعب: هند اذلفي يلا ، خلاص افطروا بالعافيه بس الغداء تعال تغداء معنا زين؟
هز رأسه: ابشري
مشت هند وامها ينزلون ورجع متعب يدخل وهو يتذكر وجه امه لما قال انا افطر مع اريام يدري انها تكلفت وسوت كل الاصناف اللي يحبها بس قد افطر مع اريام
جلس وهو يشرب الكوب واريام ساكته وهي سامعه كل شيء وكلام هند وزاد حقدها عليها

ـــــــــــــــــــــــــــــــ

تحت
اجتمعوا عالفطور ونطق ابو متعب: وينه متعب ؟
هند: ساحب علينا عشان يفطر مع حبيبة قلبه حتى تعب امي اللي من الساعه 6 بالمطبخ ما قدره ولا اهتم له اصلا
ام متعب: هند اص ولا قومي غرفتك مابي اسمع حسك
هند: يمه هذا جزاي اللي ابي ابوي يعلمه بالله يبه يرضيك انه يقول لأمي مابي بفطر مع اريام؟
ام متعب: ماقال بفطر مع اريام قال انه الحين يفطر مو باقي
ابو متعب تنهّد: خلاص سموا بالله
بدأو ياكلون وام متعب تناظر الكرسي اللي كان يجلس عليه متعب دايم تنهّدت وهي ترجع انظارها للفطور وتشوف الاصناف اللي سوتها من كل نوع وشكل عشان متعب ، تنهّدت وهي تاكل بهدوء

ـــــــــــــــــــــــــــــــ

اصيل
كان يفطر مع تولين وهو يشوف كيف وجهّا ذبلان وتعبان نفس امس
اصيل: تولين بعد الفطور بنروح المستشفى
تولين: بس..
قاطعها اصيل: لا بس ولا غيره انتي شايفه شكلك وتعبك لازم نشوف شفيك
تنهّدت تولين وهي مالها اي خلق تجادل وتحاوره بالكلام وبعد الفطور قامت تلبس عبايتها وطلعوا للمستشفى

سوو التحاليل و قعدوا ينتظرون النتيجه وبعد دقايق جات الدكتوره: سلام عليكم
اصيل: وعليكم السلام
الدكتوره: تعالوا معي المكتب
استغرب اصيل والتفت لتولين اللي مستغربه بعد ومشوا معها للمكتب وجلست تولين واصيل واقف جمبها
الدكتوره: بحسب الاشعه والتحاليل ان تولين حامل
ابتسم اصيل ابتسامه عريض بس شد انتباهه كلام الدكتوره: لكن الحمل خارج الرحم
اصيل: شلون ؟
الدكتوره: خارج الرحم
تولين بخوف: يعني كيففف وضحيي؟
الدكتوره: الجنين لازم يطلع لازم نسوي له جراحه ونطلعه لأنه مستحيل يبقى حي ابد وفوق هذا هالشيء يهدد حياتك انتي ممكن يصير لك شيء او يضرك وممكن ما تقدرين على الانجاب مره ثانيه لازم نخرج الجنين بأسرع وقت
التفتت تولين لأصيل بعيون تملئها الدموع وهمست: انا خايفه
مد اصيل يده يطبطب على كتفها: متى انسب وقت للعملية؟
الدكتوره: هالايام اذا تبون بعد يومين
اصيل: تم
الدكتوره: تمام تعال وقع الاوراق وضبط تحويلها للرياض لأن مستحيل حنا نسوي العملية هنا
قرب اصيل ياخذ الاوراق ويوقع ويكتب ويخلص الاوراق وينطق: خلاص
وقفت تولين وهي خايفه وناظرها اصيل: خلاص يابنت الحلال شفيك
اعطته الدكتوره الورقه وطلعوا من المستشفى وركبوا السياره ونطقت تولين: اصيل خايفه
مد اصيل يده يمسك يدها: انا موجود وش له تخافين ؟
تولين: اصيل ليش خارج الرحم
تنهّد اصيل: مدري
سكتت تولين وهي خايفه من هالعملية لكن احسن لها حتى تقدر على الانجاب مره ثانيه
مشوا للبيت واصيل يحاول يهديها ويطمنها بس هي خايفه للحين ، واصيل قلبه ناغزه من هالعملية ولا هو متطمن لها لكن يحاول يتجاهل