الـبـارت الـحـادي عـشـر
الفجر
صحى اصيل وهو يسمع صوت الاذان، وقف وبدل ملابسه وتوضى وطلع وشاف ابوه وحمد طالعين من غرفهم
تجاهلهم ومشى للمسجد قبلهم وبدأ يصلي سنته
جاوا وصلوا وطلعوا متجهين للبيت
دخلوا وجلس ابو اصيل وحمد في الحوش ودخل اصيل وشاف وعد تسوي فطورهم
اصيل: صباح الخير وعود؟
التفتت وعد: اهلين صباح النور كيفك؟
اصيل: تمام، المهم ترا بروح
وعد: وين انتظر افطر معنا
اصيل: لامشغول وبفطر في مطعم مابي تنسد نفسي مع السلامه
طلع ونطق ابو اصيل: وين؟
اصيل: فيه ناقه تمخض وبروح لها
ضحك ابو اصيل بأستهزاء: ايييه عسى تعرف ؟
ابتسم اصيل: ازهل
طلع وركب سيارته ومشى للعزبه ونزل وفك البل وعلفها والتفت للناقه وشافها بتولد ورضع الحاشي وحطهم في الشبك وشاف الساعه وكانت 8 الصباح
مسح وجهه والتفت وهو يشوف فهد جاي: سلام عليكم
ابتسم اصيل: وعليكم السلام ياهلا يالفهد
سلم عليه وجلسوا يسولفون وبعد شوي نطق فهد: ابي اسألك عن شي
اصيل: اسأل؟
فهد: بيتكم البارح فيه صوت صارخ صاير شي؟
تنهّد اصيل وهو يقلب مسبحته: مشاكل عاديه معليك
فهد: بسبب مزون؟
ناظره اصيل لثواني ونطق: ايه
تنهّد فهد: الله يعينكم
ـــــــــــــــــــــــــــــــ
بيت منصور
جهز ولبس وطلع متجه للدوام، دخل الشركه وشاف بتال بيدخل مكتبه
منصور: بتال؟
التفت بتال: هلا صباح الخير
منصور: صباح النور
سلموا ونطق: متحمس؟
منصور: يعني
ضحك بتال: معليك المهم هذا مكتبك جمب مكتبي
منصور: زين
راح لمكتبه وجلس وهو يشوف المكتب ويحس مو عاجبه
ونطق: ونرجع للساحات
ـــــــــــــــــــــــــــــــ
دخلت بيّان وشافت سلطان داخل: صباح الخير بيّان
بيّان: صباح النور
دخلوا مكتب سلطان وجلسوا ونطق: ها اخترتي منصور ولا معاذ؟
بيّان بتفكير: متى رجع منصور محامي؟
سلطان: امس، يعني انتي لو اخترتيه بتكونين اول قضاياه
بيّان: امس؟؟، وكيف تقول لي انه اشطر محامي؟
ابتسم سلطان: مايحتاج انتي عارفه قبل كيف كان ماخذ كل الاضواء ومغطي على الكل ولا خسر اي قضيه
ضحكت بيّان بأستهزاء ونطقت: نختاره عشان امي يلا
ابتسم سلطان: خذي هذا ملف قضية اخوك
اخذته بيّان: شكرا
طلعت وقعدت تتلفت للمكاتب ماتدري اي مكتب لـمنصور
شافت بتال طالع ومعه منصور تعرفهم زين
بيّان: لو سمحت؟
التفتوا وانصدم منصور بس حاول يسيطر على نفسه
بيّان: ابي منصور
بلع ريقه ونطق: هلا؟
رفعت الملف اللي بيدها: ق قضيه
منصور: زين تعالي المكتب
دخلوا المكتب وبتال راح مكتبه وجلس منصور وهو يحس بكتمه
خايف انه يرجع يكتئب بس يحاول يسيطر على نفسه
بيّان: اضنك تعرفني ولا؟
منصور: معروفه، قضية تميم؟
بيّان: اي وياليت تكون قد مهنتك هذي وقد هالمكان
رفع حاجبه ونطق: متى جلسته؟
بيّان: بعد كم شهر وابي الدليل يطلع
منصور: يصير خير
وقفت ونطقت بنبرة حزن: تكفى ابيه يطلع مابي يصير فيه ولا في امي شي
ناظرها ونطق: ان ماطلعته بصير خباز
ضحكت بخفه وطلعت لدوامها
أنت تقرأ
شفته ولا كنت داري بيوم اني بعشقه حبيته وانا قلبي عن الحب تايب
De Todoتحكي عن بطلنا اللي يطرده ابوه من البيت بسبب كلام زوجة ابوه عنه ويرجع في يوم من الايام ويصير محامي لأخوه ولا احد يعرفه..
