China Beijing ...
' ယောကျာ်း ...။'
' ဘာတုန်းကွာ ...။'
' ရှင် ကလည်း ဘာလို့ စိတ်မရှည်တဲ့ လေသံ နဲ့ ပြန်ထူးနေတာလဲ။'
အမျိုးသား ၏ စိတ်ထဲတွင်တော့ ဒီမိန်းမ ဘာတွေ စိတ်အလိုမကျ ဖြစ်ပြန်ပြီလဲ ဆိုပြီး တွေးနေပေမယ့် အပြင်ဘက်တွင်တော့ ...
' ဘာဖြစ်လို့လဲ? ဗိုက်က တစ်ခုခု ဖြစ်လို့လား? နေရတာ မကောင်းလို့လား?'
အမျိုးသမီး သူ့ဗိုက် သူ ပွတ်သပ်လိုက်ရင်း ...
' ဗိုက် က နေရတာ မကောင်းတာတော့ မဟုတ်ဘူး။ ဒါပေမယ့် ...။'
အမျိုးသား လည်း ဒါပေမယ့် ဆိုတဲ့ စကား ကြားတာနဲ့ မျက်ခုံး တစ်ဖက် လှုပ်နှင့်နေပါတော့သည်။ သို့ပေမယ့် အခုချိန် သူ့မိန်းမ ကို စိတ်အလို လိုက်ပေးတာက အကောင်းဆုံးဆိုတာ သိထားပြီးသား ဖြစ်တာကြောင့် အခုလည်း မိန်းမ က သူ့ စကား နောက် လိုက်ပြောစေချင်လို့ တမင် စကား ချန်နေတာကို အလိုက်သိစွာ နောက်ဆက်တွဲ စကားကို မေးပေးလိုက်သည်။
' ဒါပေမယ့် ဘာဖြစ်လို့လဲ? မင့် သား က ဘာတွေ ပြောပြီး ဘာထပ်လိုချင်ပြန်ပြီ တဲ့လဲ?'
အမျိုးသမီး သူ့ ယောကျာ်း စကားကြောင့် မျက်စောင်းထိုးလိုက်ပြီး ...
' ရှင်ကလဲ...။'
' ကဲ ... ပြောမှသာ ပြောပါ။'
' အဟင်း ...။'
အဲ့ဒီတော့မှ အမျိုးသမီး ရဲ့ မျက်နှာ ပြုံးယောင်သမ်းလာရင်း သူ့ ယောကျာ်းကို ဟီး ခနဲ ရယ်ပြပြီး ...
' ဒီလိုလေ သားသား ကို ကိုယ်ဝန် စ လွယ်ပြီး လ နည်းနည်း ရင့်လာကတည်းက ကျမ ဘောလုံးပွဲ ကြည့်ရတာ ဝါသနာ ပါလာတာ ရှင် သိတယ်မလား?'
' သိတယ်လေ။ အဲ့ဒါ ဘာဖြစ်လဲ။ ကလေး က မမွေးခင်က တစ်ခုခု ကို ဝါသနာ ပါလောက်ပေမယ့် မွေးလာပြီးမှ တစ်ခြား တစ်ခုခု ကို စိတ်ဝင်စားသွားတာလဲ ဖြစ်နိုင်တာပဲ။ ဗိုက်ထဲမှာ ရှိနေတာကို အရမ်း sensitive မဖြစ်ပါနဲ့။'
' မသိဘူး။ ကျမ အခု ကမ္ဘာ့ ဖလား ပွဲကို သွားကြည့်ချင်စိတ် ဖြစ်နေတယ်။ အဲ့ဒါ ရှင် လိုက်ပို့ပေး။'
YOU ARE READING
Same heart in many different ( Completed )
Fantasyလူ အမျိုးမျိုး ပုံစံ အထွေထွေ ရှိပါတယ်။ ဒါပေမယ့် လူ ဖြစ်စေ၊ တိရစ္ဆာန် ဖြစ်စေ အသည်းနှလုံး ကတော့ တစ်ခု ပဲ ရှိတာပါ။ အဲ့ဒါကလည်း ချစ်တတ်တာချင်း တူညီကြပါတယ်။ Story no. 19 လူ အမ်ိဳးမ်ိဳး ပုံစံ အေထြေထြ ရွိပါတယ္။ ဒါေပမယ့္ လူ ျဖစ္ေစ၊ တိရစာၦန္ ျဖစ္ေစ အသည္းႏွလုံ...
