﷽
رواية :- وسط عيناك جحيمي .
- الكاتبه :- ازهار علي .
- يا بذات يا گطعي يا ما تهتم
كتبنالك قصايد نبجي بيهن دم.
__________
"جُمانه"
- بعد ما طلع جبُر من المُستشفى .
عمي سوه عشاء على سلامته والهوسه واصله لوين من الصُبح اني والبنات نركض .
وبنات عمهم ما حركن نفسهم غسل كون .
صحت على شمس من حركت كلبي الشغُل فوك راسي وهيَّ تلعب بـ الماي فوك الخامس مره ابدل الها والله تعبت .
شفت رأجس من بعيد عيونه ناطه تطاير شرار .
رأجس :- جُمانه كدامي فوك بساع .
- بـ استغراب .
جُمانه :- شكو ؟
- صعدت مثل ما طلب دخل وسد الباب بـ كُل قوته لو عنده السان كان صاح على هل ضربه .
جُمانه :- شكو رأجس شبيك معصب ؟
رأجس :- هو الي عنده مثلج يشوف خير شهل صوت ليكول صوت .... عدنه زلم تارسه الديوان وانتِ اصرخين شكو مات ابوج .
- اختنكت من طريقة اسلوبه وياي وفوك كُل هذه محد يحجي ويه الثاني من قبل الحادث .
جُمانه :- ترى بنتك تعبتني وانت كاعد بره ما عليك شي غير الشغل كاسر ضهري وهيَّ توصخ صح بيها ما قصدي اصيح .
بعدين الساعه صارت بـ 8 بـ الليل يا وادم بقت لحد هسه بس كول اني اريد حجه ارزلج والله والله يا رأجس اذا تُبقى هيج اترُك كُلشي واروح الاهلي .
- صرخت نهاية كلامي وهو فك عينه متعجب .
رأجس :- عفيه عليج هيج تصيحين بوجهي جُمان ؟
هاي تاليتها تهددين ترحين الاهلج تخوفيني شنو ؟
جُمانه :- مو انت هذه الي تريده تعبت وانت ما تفهم عليَّ طكت روحي افهم عاد وين تريد توصل بـ هذه عنادك راح يُخرب بيتنه .
- ضرب راسي بـ اصبعه .
رأجس :- مو عنادي هذه الي راح يخرب بيتج .
جُمانه :- هو اني الي غلطانه هسه ؟ مو تجي بـ 3 الصُبح اكُلك وين جنت تكول شُغل يا شُغل هذه حرامي واني ما ادري بيك ؟
رأجس :- غضب على راسج ولج اني وين وانتِ وين لجج شُغل يا غضب شُغل مو تعرفين هذه الشي منو ترس راسج عليَّ .
ماكو غيرها مرت ابوج ول بويه فكي الاحجاره الي بـ صماخج وشوفي منو ضد ومنو يشتغل وياج شوفي شنو جاي اسوين .
جُمانه :- اني لو انت راح يصير شهر على عركتنه وانت بـ الكذب ما اعتذرت او حتى تفهمني ليش هيج تسوي وياي .
رأجس :- لا أزيديها عليَّ واليرحم والديج .
- من كال هيج خليت أيدي على بطني ورحت امشي حيل اختنكت من بروده شخص بـ هذه البرود ما ينعاش ويا يعاقب المُقابل بـ البرود من اغلط ابد ما يضرب بس موتني بـ هذه الأسلوب .
أنت تقرأ
وسط عيناك جحيمي
Детектив / Триллерهي من فقدت حنان امها وابيها في هذا الحياة اهلكت عندما كانت طفله لاكن اقسمت ان تأخذ، حقها وثارها من مصدر امانها الذي رماها في دار الايتام بدل ان يرميها بين احضانه هي الذي سوف تعـود لهـم على هيـئت جحيم لذلـك لقبـت بالجحيـم
