َ﷽
- رواية :- وسط عيناك جحيمي .
- الكاتبه :- ازهار علي .
- البَارحة وياهُم أشو مَا أجيتنِي ؟
وأشگَد أدوَر بالحَلم خَليتنِي .
__________
"ليان"
- كُلنه التفتنه على صرخة جبُر .
دخل بـ كُل هيبته وملابس الدوام جاي بيهم دقتت بـ كُل تفاصيله ملابسه السوداء الي يلمعن لمع من النضافه .
البُسطال الي قطرة تُراب ما بي .
ضخامته شواربه عيونه الي طاكات من العصبيه دمارات أيده الي بارزات .
فززني صوته وهوَ يعيط بـ فاهر لأن لحد الأن ما شايل روشان .
اخذها بين أيده طاير بيها .
وأني مفهيه .
فاهر :- اتحركي يلا مو حتى اخُتج وصلت للمُستشفى وانتِ صافنه .
ليان :- بـ الله لا تصيح عليَّ شكد كُلت الك شيلها وانت صافن عليَّ تستحرم هيَّ غير واكعه جا عليمن خابرتك اباوع على طولك بـ الله .
فاهر :- صوتج لا اطيح حضج أدبسُز شكو تصيحين يلا خلي شي على راسج وأمشينه الهُم .
- ردت احجي انطاني خزره كفيله تسكتني لحد ما صعدنه بـ السياره .
فاهر ::- عيني عليها شلون ترجف وأسمعها تدعي .
ليان :- يارب ما يصير بيها شي والله بعد ما اجذب عليها ولا اسوي شي من وراها اصلاً بعد ما اضوجها والله وحتى غرفتي انضفها بس لا يصير بيها شي .
- نشغت تبجي .
ما عندي غيرها يا ربي لا تحرمني وتحرم بُراق منها .
- صدُك ضحكت عليها التفت الي تخوزر .
ليان :- لا تضحك عليَّ .
عود هاي انت الخير هيج تسوي بيَّ بدل لا تخفف عليَّ .
- بـ ضحكه .
فاهر :- شخفف عليج انضف غرفتج .
ليان :- عزاا والعباس انت فد واحد ما تستحي .
فاهر :- وصلنه عيني نزلي بعدين كملي نزلت ركعة الباب حيل .
لا يا زماله .
ليان ::- دخلت وهوَ اجه وراي يركُض .
- ها شعندك لاحكني ؟
فاهر :- دنجبي شلون تمشين وحدج ها ادبسُز .
تنفرز الواحد كوه بـ سوالفها .
- شفنه جبُر بـ الممر يخابر .
جبُر :- اي هسه خلي تطلع من يمها ونشوف شبيها لا ان شاء الله ما انساج .
فاهر :- ها جبُر شبيها روشي .
- رفع حاجبه ما عاجبه .
جبُر :- اسمها روشان واذا تكول اخُتي بعد احسن .
فاهر :- يابه عوف الغيره واحجي شبيها ؟
- سئلت .
ليان :- الغيره شنو ؟
وليش بـ الله يغار على اخُتي بـ صفته منو ؟
أنت تقرأ
وسط عيناك جحيمي
Misterio / Suspensoهي من فقدت حنان امها وابيها في هذا الحياة اهلكت عندما كانت طفله لاكن اقسمت ان تأخذ، حقها وثارها من مصدر امانها الذي رماها في دار الايتام بدل ان يرميها بين احضانه هي الذي سوف تعـود لهـم على هيـئت جحيم لذلـك لقبـت بالجحيـم
