َ﷽
- رواية :- وسط عيناك جحيمي .
- الكاتبه :- ازهار علي .
ــــــــــــــــــــــــــــــــ
- عُرفَت شلونْ أحط ألِروح بِالتابوت
لَتعلِمني ماخذ عالنِجف شَمره .
__________
"روشان"
- مسحت جبيني من العرق بعد ما انتهيت من العمليه طلعت من الغُرفه .
- بشري دكتوره زوجتي شلونها ؟
- أبتسمت واني اشوف حُبه و خوفه على زوجته حتى ما سئل على الطفل . أردفت بـ هدوء .
روشان :- الحمدلله بـ خير صحت وحالياً بـ غُرفة الأفاقه .
شو ما سئلت على الطفل والي عرفته من زوجتك أن ما تعرفون جنس البيبي ما تريد تعرف شنو صار عدك ؟
- أردف بـ ثقه .
- مو مُهم شنو صار المُهم صارت عندي ذُريه وأهم شي أتمام الخلقه والصحه ما يفرق اذا بنت او ولد ثنينهُم رزُق من الله سُبحانه و تعالى .
روشان :- أطمنت أن عدنه مثل حضرتك ما تفرق بين الجنسين و ألف مبروك صار عدكُم بنوته ماشاء الله عليها تشبه الكُمر بعد شتردون .
- ضحك مُستبشر .
- الف الحمدلله و الشُكر يا ربي بنيه ولا ولد جان أنشلع گلبنه يطلع على خواله طگه ونُص .
- ضحك الي بـ صفه .
- أبتسمت .
أترخصت منهُم رحت اشوف باقي المريضات الي أمس سويت الهُم عمليات واليوم أكتب الهُم خروج .
أنهلكت بـ الشُغل كنت كاعده أقره تقارير مريضاتي وأجتي دكتوره .
رُقيه :- اخذي أستراحه مو أنهلكتي من الشُغل .
- أتنهدت ذابه القلم .
روشان :- وهذه الشي صح بـ نضرج ؟
أنقصر بـ الشُغل واحنا شُغلنه حساس ؟
اقل غلط مُمكن نخسر حياة المريض هذه الشي ينراد اله تركيز و أنتباه و شُغل مضبوط اذا هسه أخذ أستراحه وهوَ مو وقت أستراحه زين من انروح العالم البرزخ والأخره .
راح نتحاسب على هذه الشي صح شوفي شي عادي بس اذا ما كان عندج شي مُهم كملي شُغل وخلي الراتب الي تاخذي كُل شهر بـ تعبج من صدُك مو بـ ترك الشُعل على غيرج اني بعد ما أخذ مكانج قبل كنت أعذرج و أكول ام هسه شنو عذرج ؟
رُقيه :- على كيفج عيني هسه اني شكُلك الج وكعدتي تنطين حكم و مواعض كولي غاثج حملي ؟
- بـ الله هاي شنو احجي وياها واذا حامل ؟ أردفت .
روشان :- اني وين احجي وانتِ وين صدُك فارغه .
رُقيه :- مُزعج الكلام وياج دروحي .
- بقيت فاكه حلكي شكد ادبسُز .
فوك ما أنصحها واكُلها هذه الشي حرام وراح تتحاسبين عليه بـ الأخره والله هل ناس مغسوله غسل .
- رجعت اكمل الي بـ أيدي وهيج خلص الصُبح لحد ما صارت الساعه بـ الـ 2 ونُصف الى طلعت للـ بيت .
وأعترض طريقي جبُر !
خير شنو صاير ؟
أنت تقرأ
وسط عيناك جحيمي
Детектив / Триллерهي من فقدت حنان امها وابيها في هذا الحياة اهلكت عندما كانت طفله لاكن اقسمت ان تأخذ، حقها وثارها من مصدر امانها الذي رماها في دار الايتام بدل ان يرميها بين احضانه هي الذي سوف تعـود لهـم على هيـئت جحيم لذلـك لقبـت بالجحيـم
