َ﷽
- رواية :- وسط عيناك جحيمي .
- الكاتبه :- ازهار علي .
ــــــــــــــــــــــــــــــــــ
- ياهو اليدري بيك
ليا سبب گاعِد؟!
وياهو اليدري بيك
شگد صِرت بارد .
__________
"دمار"
- شهكت دموعي اخذن مسارهن بعد كلام الدكتور .
الدكتور :- ما اعرف شنو اكول بس الي علينه سوينا والباقي على الله حالياً توقف النزف بس أحتمال يرجع النزف مره ثانيه حالتها خطره واذا ما تعدت الـ أربعه و عشرين ساعه من هسه احتمال تدخل غيبوبه .
- وكع التلفون من أيد جون رأدف بـ غضب .
جون :- تضحك علينه انت ساعه دكول احتمال يرجع ينزف جا شنو سويت لزكتها و شنو غيبوبه ترى كدامك دكتور وبهل حاله اذا ما أستجابت للـ علاج تدخل غيبوبه زمنيه لا تحرك دمنه وأحجي الزبده .
- مسكت أيده من راد يضرُب الدكتور الي عصب من رد فعل جون هزيت اله راسي بـ بلى سحب أيده وطلع .
كعدت منزله راسي امسح بـ وجهي .
تخلى كدامي بطُل مي .
رفعت عيوني شفت رأسل يطمني بـ عيونه .
اخذته منه شُربت شوي .
رأسل :- توها خلصت كم ساعه على وقتها ليش هل تشاؤم يا معزوزة الـ عين .
دمار :- طول عُمري اذا روحي صارت بـ شخُص يروح منها صُرت احس نفسي اني وجه شئم على عائلتي .
اول ما نولدت اتوفة امي بعد عُمر سنتين بـ سببي بعدها بـ عُمر الـ 18 اتوفه والدي من أتعلقت بي وهسه جيهان .
- قاطع كلامي يخلي أيده على حلكي مانعني اكمل حديثي .
- كعد يمها .
رأسل :- تفكيرج غلط يعني هسه اذا مات شخص لازم يكون السبب شخص ثاني يحبه ؟
لا وأنما قدر ربج و ما شاء فعل كُلنه بـ النهايه ذكريات حلوه او مو حلوه نُبقى بـ گلوب أحبابنه وحتى أعدائنه .
مهما صار وراح يصير لا تفكرين بـ هذه السلبيه لأن الروح ياخذها الي انطاها .
امج ماتت مو بـ سبب احد وانتِ ما دخلج .
- قاطعته رأدفه بـ شفاف ترجف وروح مقهوره .
دمار :- امي ماتت بـ سببي والله العظيم كان وقتها عُمري سنتين توني امشي وكان جون تارك الباب الخارجي مفتوح واني رحت العب بره بـ الشارع
وهي شايفتني من الكامرات وطالعه تركُض للـ شارع العام .
- رجف كلبي واني اذكر الماضي .
دمار :- كان وقتها الـ شارع بي سيارات وهي تركُض وراي لا شال ولا عبايه بس بـ ملابسها اجت سياره تمشي سريع هه الي يسوق أبن النائب ... مُراهق مسوي سُباق وقتها من شافني ما سيطر على سيارته وهوَ صغير رعب امي اجت تركُض شالتني عبرتني بـ ما لحكت تعبُر .
بـ هذه الطريقه ماتت امي أثر حادث مروع .
- رفعت راسي مبرطمه وعيوني مليانه دموع .
دمار :- هسه كُلي مو اني صُرت سبب موتها ها ؟
تخيل لحد هسه التسجيل عندي و كُل ما تمُر ذكرته وفاتها اشوفه .
- نزل عيونه عاصرهن بـ قوه هز راسه بـ لا .
رأسل :- المفروض تفتخرين بـ هيج ام فضلت بنتها على روحها وهذه جان يومها والي قاسمه ربج صار كُلنه رايحين بـ يوم من الأيام الحياة فانيه .
أنت تقرأ
وسط عيناك جحيمي
Mystery / Thrillerهي من فقدت حنان امها وابيها في هذا الحياة اهلكت عندما كانت طفله لاكن اقسمت ان تأخذ، حقها وثارها من مصدر امانها الذي رماها في دار الايتام بدل ان يرميها بين احضانه هي الذي سوف تعـود لهـم على هيـئت جحيم لذلـك لقبـت بالجحيـم
