َ ﷽
- رواية :- وسط عيناك جحيمي .
- الكاتبه :- ازهار علي .
- بعد مَا اكتِب عَليج
و كمِت امسَح بلقصايد
و كل صُورچ شككتهن
حالهِن حَال الكواغِد
و حتى إذا تلگين غيري
اني ميعوضني واحد.
__________
"دأمس"
- خذلني عيونها ؟
بيهن حجي ؟
- همس بـ صوت رايح .
دأمس :- يُمه على شنو متفقه من وره ضهري واني زلمتج ؟
- ام دأمس " خديجه "
خديجه :- الي سويته علمودكُم ما اريد اضيعكُم من أيدي انت عاقل يبعد امك راح تتفهم موقفي .
دأمس :- هزيت راسي بـ نفي واني اكول بـ داخلي الي تفكر بي غلط امك ما تسويها .
يُمه احجايه وحده احجيها وبردي كلبي الغده نار .
- تكلم بـ أبتسامه حقيره وهو ينضر للنار الي كدامه الي مُمكن تحركه بـ يوم من الايام .
ميمون :- امك صارت زوجتي رسمياً والجنطه الي جبتها هيَّ ملابسي لازم اعيش ويه عائلتي .
دأمس :- انكسرت من امي .
- ليش هيج تسوين ؟
حجيت وياها بـ لوم وأني انضر الها بـ خُذلان .
سُرعان ما تغيرت نضرتي وصارت نضرات قرف للموجودين .
طال نضره بـ عيون لبوته الي خذلته .
و كأن يتعاتبون بـ النضرات بس بعديش .
شيفيد العتب .
وانا روحي غرگانه بـ تعب كُلش غميج .
- تكلم وهو بُركان .
حيدر :- ماما اعترضي على كلامه كولي ديكذب عليكُم حتى احرك كلب دأمس لا تسكتين .
خديجه :- اس ولا صوت اخذ اخوتك وادخل جوه .
حيدر :- يعني صدُك الي كاله مو ؟
من اليوم ماتت امي .
لو ميته امي جان ابوي ما سوه سوايتج .
- ضحك بـ أستهزاء .
كأن الكُل منصدم من رد فعله وهو طفل .
عقله اكبر من عُمره .
- كمل موجه كلامه لـ اخوي الي صار شُبه جثه .
حيدر :- امشينه خلي ناخذ اخواتنه ونطلع حتى تاخذ راحتها ويا ...
- سكت ما مكمل جُملته بـ سبب الكف الي اتلقى من والدته .
- انتفض دأمس من فعلتها دفع أيدها واخذ اخو وره ضهره .
دأمس :- ليش كلامه جرح مشاعرج ؟
نفسج شلون راح تتقبل اخو زوجج الي ما صار سنتين من مات .
عجيب واني اكول شلون امي ناسيه ابوي وتغير حالها ثاري لكت ونيسها .
- صح ضغطنه عليها بـ الكلام وجرحناها بس تستاهل على الي سوته بينه .
دأمس :- مو كُل ام جوه اقدامها الجنه ابوي دوم هيج يكول واليوم ثبتي كلامه بـ فعلتج .
أنت تقرأ
وسط عيناك جحيمي
Mystery / Thrillerهي من فقدت حنان امها وابيها في هذا الحياة اهلكت عندما كانت طفله لاكن اقسمت ان تأخذ، حقها وثارها من مصدر امانها الذي رماها في دار الايتام بدل ان يرميها بين احضانه هي الذي سوف تعـود لهـم على هيـئت جحيم لذلـك لقبـت بالجحيـم
