﷽
- رواية :- وسط عيناك جحيمي .
- الكاتبه :- ازهار علي .
- أنتَ وَ النورس صِدگ تتشابهُون
تِنسى روحَك وَين مَاصحلك نهر .
__________
"جيهان"
- عشنه حياة هادئة بعيده عن المشاكل وكُل فتره اخوزني يجون الي .
مر كم شهر صرت اراجع دكتوره اسمها " روشان " مثل اسم اخُتي ومن جبت ملفها اسم الأب والأب يختلفن فقدت اخر ذرة امل .
دأمس :- وين صافن الصلف .
- التفتت رادفه .
جيهان :- فززتني شمالك .
دأمس :- من ملامج شبيج معصبه .
- زفرت انفاسي مبرطمه .
جيهان :- ابنك تعبني ثكيل ابو راس وغف على كلبي .
- ابتسم طابع بوسه على بطني مسبب الي قشعريه .
- اردف بـ رفعة حاجب .
دأمس :- صاير أثر عليج تستحين مني من شوكت صلافتج مختفيه لازم ؟
- باوعت اله بـ طرف عيني .
جيهان :- ترى الجو بارد وقشعر جسدي مو منك .
- كرص انفي داخل يغسل .
بس لا ضاج !
نزلت نضري الـ بطني الي صايره تعيق حركتي حتى نومتي غميتها وكمت حضرت ملابسي وملابس دأمس اليوم عدنه مُراجعه يم الدكتوره .
- طلع ينشف بـ شعره الي يعجبني بـ دأمس من يطلع من الحمام لابس ملابس كامله حتى ما يسبب الى حرج كُل ما اشوفه بدون ملابس انحرج ومن حاجيته بطل هذه الشي .
سحبت المشط مالته و وكفت مقابليه .
دنك راسه الي بقيت اسرح شعره وهوَ مطوق خصري بـ أيدي طابع قُبله على شفايفي وأبتعد .
كعد يخطط واني كعدت يمه ارطن عليه وهوَ يهز راسه يستمع الكلامي .
- تغيرت نبرة صوتي .
جيهان :- من تعرفت عليك بـ المحكمه تغيرت حياتي جذرياً .
- ترك القلم شابك أيدي .
دأمس :- شلون تغيرت ؟
جيهان :- امم مثل اول مره دخلت بيعا الـ شركتك راسمه بـ عقلي ادمرها شلون اخليك تفشل بـ كُل شي ردت ادمر حياتك .
- ابتسم ابتسامه هادئه هاز راسه بـ معنى كملي .
جيهان :- احم بس الي صار ما جنت متوقعه أن راح يجي يوك واتحد وياك بعد ما تعرفت عليك اكتشفت ان انت مو مثل ما حجو الي عنك ومن خطفتني وضح عندي كُلشي وليش ميمون طلبني خص نص منا اني احب شُعيب نن اتفق وي ميمون وبـ فضلك عرفنه هل خبر من رحت تكُله على حيدر وليش ساجنه وقتها سجلت انت كُلشي وبـ هاي الطريقه صرنه فريق عليهُم انهدم كُلشي يخص الـ زُراع والـ شُعيب سُفيان و ميمون نحكم عليهم مُؤبد خسارة رأجح و سوريال خروج حيدر و جون من السجن خرب هواي عليهُم و الضربه القاضيه الهُم زواجنه من بعد وراها زواج رأسل ودمار خله كُل كلب يرجع الحفرته ينطم بيها .
أنت تقرأ
وسط عيناك جحيمي
Misterio / Suspensoهي من فقدت حنان امها وابيها في هذا الحياة اهلكت عندما كانت طفله لاكن اقسمت ان تأخذ، حقها وثارها من مصدر امانها الذي رماها في دار الايتام بدل ان يرميها بين احضانه هي الذي سوف تعـود لهـم على هيـئت جحيم لذلـك لقبـت بالجحيـم
