َ﷽
- رواية :- وسط عيناك جحيمي .
- الكاتبه :- ازهار علي .
ـــــــــــــــــــــــــــــــــــ
- انه العَاف روحَه تِهون گدامـَه
اليِضحك چذب لُو بـ أسوء أيَامه
اعَاند روحِي واعرف ما يِغير شيِ
مِثل الضال يِسگي بوردة ذَبلانه .
__________
"ريم"
- رجعت من الدوام مشي وحدي .
جذاب كال اجي ارجعج بس اخلص الجلسه اني اعلمه الـ موغف .
دخلت للـ بيت تلكتني عمتي وجها مكلوب سترك يا ربي .
جميله :- ويامن اجيتي وين فاروق ؟
ريم :- وحدي فاروق بعده بـ المحكمه .
- مشيت اريد اصعد وصاحت .
جميله :- هاي اخر مره تجين وحدج عوزنه نعرض بـ نسوانه بره والله اليعلم جم واحد تمعن بيج .
ريم :- ترى جنت بـ نُص الجامعه وكُلها ولد عاد خُفتي من الطريق الفارغ ؟
بعدين كولي هذه الحجي الأبنج الي عافني منتضره ساعه بـ الشمس .
جميله :- تعاي اخذيلج راشدي بدون تربيه تعلين صوتج عليَّ خلي يجي الـ مكرن مالتج و يشوف صرفه وياج يا ساقطه .
ريم :- لا اله الا الله . شبيج عمه عرك من الباب على شنو حاركه دمج ؟ خليج ريلاكس هادئه لا يرتفع سكرج .
- خليتها وصعدت أرتاح هاي من اول يوم عرسي صار أربع اشهر وهي كُل يوم تكعدنه على مُصيبه اول يوم عرسي كلبت الدنيا علينه بـ الصريخ علمود شي تافهه و بقيت ساكته سالفه ما تنجرع والكعبه كُل يوم نفس العرك لعبت نفسي .
- فرشت السجاده و كعدت اصلي احسن شي اسوي هو الصلاة قابل باجر تفيدني المشاكل لو انسى صلاتي من وراهم كملت صلاة كعدت اقره قُرآن كم ورقه كُل يوم وي تسبيح الزهراء [ عليها السلام ] و دُعاء الفرج هاي الاعمال راحه نفسيه بعد كُل صلاة .
- كملت نزلت احضر الغده اني و الولد نرجع متأخرين فـ نتغده سوه .
واكفه اصب التمن و دخل فاهر ينشف بـ شعره .
فاهر :- ميت جوع ولج خلصي بسااع .
- خليت الطوس والجمجه بـ أيده .
ريم :- صُب مرك على ما اخلص الـ بيدي .
باهر :- انا راح اخبُط اللبن وانتم كملوا يلا عندي شغُل .
ريم :- ديلا كثر ملح .
- كُل شخص كمل شغُله رتبنه السُفر و دخل فاروق كلبت وجهي عليه اني الانا والانا تالي خلاني بـ الشمس ادك بي وهو ماكو .
فززني صوت فاهر .
فاهر :- كومي صُبي الـ رجلج لو ملتهيه بـ بطنج .
ريم :- ما تكوم انت تصُب الاخوك .
فاهر :- جا هو مزوجني لو مزوجج .
ريم :- بس يُبقى اخوك واني احمم اليوم زعلانه .
أنت تقرأ
وسط عيناك جحيمي
Mystery / Thrillerهي من فقدت حنان امها وابيها في هذا الحياة اهلكت عندما كانت طفله لاكن اقسمت ان تأخذ، حقها وثارها من مصدر امانها الذي رماها في دار الايتام بدل ان يرميها بين احضانه هي الذي سوف تعـود لهـم على هيـئت جحيم لذلـك لقبـت بالجحيـم
