﷽
- رواية :- وسط عيناك جحيمي .
- الكاتبه :- ازهار علي .
ــــــــــــــــــــــــــــــــــــــ
- كون تجمَعنا الصدف
بـأقرب وقت
صار تقريباً سنه ما ملتقين
ما تحس تأخرت ؟
تدري منَك اني كاره منطقتنه
ورايد بصفَك احول
يا حبيَبي من حضنتك
چنت اريد الدنيا توكف
حتى اطول .
__________
"ليان"
- راسي بـ حُضن روشان .
استمع الها بـ روح خاويه من التعب مُجرد استمع الكلامها اول مره ما يأثر بـ روحي .
جذبني صوتها وهيَّ تكول .
روشان :- مو احجي وياج ليلو ما تردين امي حبيبتي كولي شنو بيج افصحي عن مشاعرج .
- هزيت راسي نافيه .
ما اريد احجي شي تعبت من الكلام حياتي متلخبطه من جهة رجوع مُؤمل وضغط أبلج عليَّ وخياره يا ازوج منه يا يقتل مُؤمل .
لو بـ أيدي اني قتلته بس خطيه الاطفال ما اريدهم يعيشون اليتم ويضيعون .
مرات اكول هوَ هم خطيه ما سوه شي حتى اني ازعل بس من اذكر حياة روشان شكد جانت صعبه اكره .
اذكر مره اني بيها سادس وما عندي فلوس اشتري ملزمه برغم ما ابونه غني بس بخيل ربع ما ينطي رحت ابجي يمها وجان بس فلوس علاجها عدها شالتهن وانطتهن الأمير يجيب الملزمه واتحملت ألم حساسية الشري الي بـ الدم علمود اني اطلع من السادس وما احتاج احد ليش ؟
هيَّ اخذت دور الأب والأم والأخ الكبير .
تحملت مسؤوليه مو حملها من الأساس .
جانت تكدر تذبنه من طردنها ابوي هيَّ والي اسمها امها بـ الشارع وتبتعد حتى لو تكرهنه بس هيَّ سوت العكس وبقت على تواصل ويانه .
روشان :- مو احجي وياج ام اصماخ وين شارد بالج ؟
- دمغتني بـ خفه بوست أيدها وهيَّ تسحبها ما تقبل اردفت وعيوني بـ عيونها .
ليان :- هاي الأيد الي لازم تنباس صُبح وليل مو أيد امهاتنه الخايسات .
روشان :- انجبي يلا اني زعلانه عليج .
- دارت وجها للـجهه الثانيه وكتفت أيديها الـ صدرها مبوزه شفايفها صاحت بـ عناد .
روشان :- ترى اني زعلانه ست ليان .
ليان :- فديت الزعلان بوسه من هل خد الي يشعشع ترضين .
- زهكتها بـ بوساتي وهيَّ تصرخ جواي هيَّ ضعيفه مدري اني سمينه شو نجعصت ؟
ضحكت عليها .
بعدني ادغدغ بيها ودخل بُراق يركض شُمر روحه عليَّ لزم شعري يجر بي ويصيح .
بُراق :- الفثعه تفوو تطكين ناني اموتج " الفزعه الكفو مامي اموتج .
- متت ضحك حتى ما بيَّ ابعده عن شعري وهوَ معصب خدوده حُمر عباله اضرب روشان .
شوي واسمع صرخة روشان التفتنه عليها بـ فزع تركني وطفر الها واني ويا .
بُراق :- ثار ناني ثار بيج دوده . " شصار مامي .
ضحكت واني خايفه على اخُتي من كال بيج دوده وهيَّ ضحكت مرجعه أيدها تتحس بطنها وتهمس بـ كلمات عجزت افهم شي منها .
أنت تقرأ
وسط عيناك جحيمي
Mystery / Thrillerفي عالمٍ تتشابك فيه الجروح مع العيون، تبدأ حكاية وسط عيناك جحيمي... قصة شاب احترقت روحه قبل أن يشتعل انتقامه، وفتاة وجدت نفسها بين نارين: نار الماضي الذي يطاردها، ونار النظرة التي كسرت حصونها. هو لم يكن يبحث عن الحب، بل عن ثأرٍ يبرد صدره... وهي لم ت...
