[ အခန်း ၁၃ ]
ခပ်သွက်သွက်ပြင်ဆင်ကာ
လေယာဉ်ကွင်းအထိ လိုက်လာခဲ့တာမို့
သုရဲ့ပုံစံလေးက ဘယ်လိုတောင်
ဖြစ်နေတယ်မသိ !!
တက္ကစီသမားဦးလေးကြီးကို
ပိုက်ဆံထုတ်ပေးလိုက်ကာ
ကားမှန်ကိုကြည့်၍
ပွယောင်းယောင်းဖြစ်နေတဲ့ ကိုယ်ဆံပင်လေးကို
သေချာသပ်လိုက်ကာ
လေဆိပ်ထဲသို့ ခပ်သွက်သွက်လေး
ပြေးတော့သည်။
" သုသု "
" ဟင် "
အသံလာရာကိုလှည့်ကြည့်လိုက်တော့
သုကိုလက်ပြကာ
သူရှိတဲ့နေရာလှမ်းခေါ်နေတဲ့
အမရာ့ကို တွေ့လိုက်ရသည်။
သုလည်း အမရာရှိရာဘက်သို့
ခပ်မြန်မြန်လေးလျှောက်သွားလိုက်ကာ
အမရာ့ကိုတွေ့တာနဲ့ ဖက်ထားလိုက်၏။
" ခါတိုင်းလဲ ရှော့ပင်အတူထွက်နေတာ
ဆိုပြီး
ဒီနေ့အမရာပြန်မှာကို စိတ်ထဲသွင်းမရ
ဖြစ်သွားတာ "
" ရပါတယ်ရှင် ကျွန်မက
ရှင်လေးရောက်မလာမှာကိုသာ စိတ်ပူနေတာ "
တွေ့ခဲ့ရတာက အချိန်ခနလေးဆိုပေမဲ့
အဲ့ဒီအချိန်ခနလေးမှာပဲ
အမရာနဲ့သူမလေးဟာ အတော်လေး
သံယောဇဉ်တွယ်သွားကြတာဖြစ်သည်။
ရှော့ပင်အတူထွက် မုန့်အတူပတ်စားကြနဲ့
နှစ်ယောက်သားဟာ
အတော်လေး တွဲဖက်ညီခဲ့ကြတာ
မဟုတ်လား ...
" အမရာ ဟိုရောက်တာနဲ့
ဖုန်းတန်းဆက်မယ်သိလား
သုတစ်ယောက်တည်း ကျန်တော့တာဆိုပြီး
စိတ်ညစ်မနေနဲ့နော် "
" အမရာက ပြန်သွားပြီဆိုမှတော့
သုက လက်တစ်ဖက်ပြုတ်ပြီပဲသိလား "
နှုတ်ခမ်းလေးဆူကာ ချွဲနေပုံလေးက
မသိရင်ဘဲ ရည်းစားကပြန်တော့မှာမို့
စိတ်မကောင်းဖြစ်နေတဲ့ပုံစံလေး
ဖြစ်နေတော့သည်။
" အမရာမရှိလဲ ဘာဖြစ်လဲသုရယ်
အမရာ့ကိုကို ရှိနေတာပဲ
သုအားလို့ အပြင်ထွက်ချင်တဲ့အချိန်တိုင်း
ကိုကို့ကို အဖော်ခေါ်သွားလေ "
" အမယ်လေး သူ့ကိုခေါ်သွားမဲ့အစား
ကျားမြီးပဲပြေးဆွဲလိုက်ချင်တယ်
မျက်နှာကြီးက တည်တင်းမှုန်ကုပ်နေတယ်
ဆိုတာများ
မသိရင်ပဲ တလောကလုံးသူ့လုပ်စာ
ထိုင်စားနေတဲ့ရုပ် "
YOU ARE READING
ခက်ထန်သော နှလုံးသား
Romanceမင်းက ပါးတစ်ချက်ဆို ကိုယ်က အနမ်းတစ်ပွင့်ပဲပေါက်စ အဟွန်း !! နဲနဲတော့ကြမ်းမှာပေါ့
