Our love ( Sinhala gl )

Chapter 3

Recap :-

" ආ එන්න එන්න. ගෑනු ළමයෙක් එන වෙලාවද මේ. "

"අනේ අප්පා තාම තුනයි."

"අනේ මගෙන් ගුටි නොකා ඉදපන් චූටි."

________

"ඇයි අනේ."

බොරුවට කෑ ගහන්නේ ඇයි අනේ අපේ අම්මත්. තුනට ගෙදරට ආවට මොකද අනේ. ඉස්සර අපේ අයියා ඉස්කෝලෙ යන කාලේ ගෙදර ආවේ හතරත් පහු වෙලා. එතකොට නම් අපේ අම්මා අනේ එන්න පුතේ මහන්සිත් ඇතිනේ මම බොන්න මොනාද හරි හදන්නද කියාගෙන තමා ඉන්නෙ. පුහ් ඒකට මට.........

" ඇයි තමා. ආයෙ නම් පරක්කු වෙන්න එපා හරිද."

" හා හා බලමු."

හා කියන්න බෑ ඉතින් මම ආස නෑ බොරු පොරොන්දු දෙන්න. ඒක නිසා බලමු කියලා කිව්වෙ මොකද මම දන්නවා මම කොහොමත් කලින් එන් නෑ කියලා..

"අනේ චූටි මේ. ආන් අයියා ඇවිල්ලා."

"ඈ"

අයියෝ මගෙ රජ සැප ඉවරයි. අපේ අයියා ගැන කිව්වොත් ඕක කැම්පස්. එන්න මාසෙකට සැරයක් වගේ.ඕකට 22ක් දැන්. ළගදීම වෙඩිමක් කරවන්න කියලා අපේ තාත්තට කියන්න ඕනේ. එතකොට මට සෆාන් එකේ ඉන්න පුළුවන් තනියම. ඔව් ඔව් එහෙම කරන්න ඕනෙ.

මොනාද කිව්වත් මට සිරාවටම ඒකා නැතුව පාළුයි ඉතින්. රණ්ඩු වෙන්නත් ඉන්නෙ සන්තකේටම එකිනේ. හයියෝ. හැබැයි එක අතකින් ඒක විතරක් ඇති නැත්තම් මට පොඩි වුන් බලාගන්නත් වෙයි. ඕනෝ......

කොහොම වුණත් දැන් අපේ අයියා ගෙදර නිසා එයාට සැලකිලි වැඩී. එහෙමයි කියලා මම සැලෙන් නෑ ඉතින්. ඉදපන්කෝ මම ඕකට දෙනවා වීසි වෙන්න.

" ඔව් ඔව් දවල් ආවෙ. ඔයා එනකම් බලන් හිටියා අයියා. ගිහින් බලන්න ඇයි කියලා."

"ඒ මොන එකකටද එයා බලන් ඉන්නෑ. මේ අම්මා අයියා කෑමක් වත් ගෙනාවද දන්නෑ නේද මට."

කියන්න බෑ මට කෑමක් වත් ගෙනාවද දන්නෑ නේ. අනේ මගෙ අයියා පැට්ටා.

" පිස්සුද ළමයෝ. කෝ වොෂ් එකක් දාගන්න. "

"හා හා."

මේ අසරණ මට අපේ අම්මා දැන් ඔයා කතා කරේ සාලෙට වත් යන්න නොදී. හිටගෙන තමා මේ මාත් එක්ක කතා කරේ. අන්තිමට කියන්න ඕනේ සේරම දේවල් කියලා යනවා ගෙට මටත් දැන් යන්න කියලා. පිස්සු අනේ අපේ ගෙදර අයට.