« مجاديف الغرام »

« ٤ »

..
« دُرر »
بعد هوشة دُرر وجفاف، مرت الأيام وماعاد يكلمون بعض ويتجاهلون بعض بينما فياض الجالس في صدر الأستراحة ويرتشف من كوب الشاهي واخوياه أمامه يلعبون بلوت حتى أردف مشعل : فيياض يامفيضهم
ضحك فياض : تغريني يعني ؟
ضحك مشعل : تعال العب قدامي، وضاح سبيكة
عقد حجاجه وضاح : ولله صح بس ماحسبتوها لي
فياض : لا ماودي، وهايف وينه ؟
رفع كتوفه همام : أكيد أنه يفحط ولا يتسـ
قاطع كلامه هايف إلي دفع الباب بقوة يدخل : ياعيال
لف عليه فياض بإستغراب : أسلم
أخذ نفس هايف وأردف : هاليزيد .. ماينفع معه شيء !
عدل جلسته فياض وأردف : وش سوا هالتسلب بعد ؟
أردف هايف بغضب : رايح مدرسة أختي يتغزل بالبنات
عقد حجاجه فياض بغضب : ماترك عنه القزقزه هالواطي ؟ أنا بطى على غاربه اليوم
هز رأسه هايف : حيك، مشينا
وقف فياض يخرج وخلفه العيال متوجهين نحو مدرسة البنات
بينما دُرر الجالسة على الكرسي تنتظر الجرس يدق وينتهي يومها الدراسي وجالسة على كرسيها تضع رجل على رجل وأمامها صديقتها ميس
أردفت ميس : بتداومين الخميس ؟
دُرر : لا، يمكن أداوم والعن شكله إلي يلحقني بسيارته كل مامشيت
هزت رأسها ميس : عطيني خبر عشان العنه معاك
بينما دُرر تسولف مع ميس، مرّت من أمامهم ريمان وأردفت بسخرية : بنات تخييلو أمي تبيعني عشان ولد !
ضحكو صديقاتها ووقفت دُرر تدفع الكرسي بقوة وعقدت حجاجها تردف بغضب : سلامات ؟ تدورين حرش ؟ تبين أخليك تتبكبكين عند الادارة ؟
لفت عليها ريمان بإبتسامة : ماقصدت شي، وإلي على راسه بطحة يحسس عليها
أردف دُرر بغضب : تدعسين على طرف وتسوين نفسك مجنونة ؟
ميس : خليها هالرخيصة تتمكيج الحين تدور العيال
ضحكت دُرر بسخرية تردف : أي ولله، ماينشره عليها
عقدت حجاجها ريمان بغضب : على الأقل أنحب مو زيك !
رفعت حاجبها دُرر : ما أدور قبول العيال، بعدين العيال مفاشيح يرضون بأي وحدة الأهم أنها رخيصة
صرخت ريمان بوجه دُرر تردف : أقول أسكتي !
قلبت عينيها دُرر : دحدري
إبتعدت ريمان تنظر إلى دُرر بحقد، دق الجرس وبدؤ البنات يخرجون
قبل خروج الطالبات من المدرسة بدقايق، وقف فياض سيارته ونزل مع شلته ولف فياض على يزيد الواقف بجانب سيارته يدخن والواضح عليه أنه جاي بدري قبل خروجهم حتى يتغزل ويمشي، نظر يزيد إلى ددسن فياض وفياض الواقف أمامه وأردف يزيد بسخرية : جاي تغازل ؟ منهي الصاحية إلي بتناظر لوجهك يالطعس ؟
عقد حجاجه فياض بغضب : لا الحمدلله أبوي عرف يربيني زين
رفع حاجبه يزيد : أجل وش جايبك ؟
إبتسم فياض : الطعس هذا جاي يطى على غاربك يلي ماتستحي
ضحك يزيد : بتربيني بعد ؟
هز رأسه فياض : عليك نور
إبتسم يزيد بسخرية : أوف ساطي، ياحليلك بس
أقترب فياض يهمس بأذن يزيد : أنا بطى على بطنك واتوطاك على العادة الواطية هذي
عقد حجاجه يزيد بغضب حواجبه وهمس بأذن فياض : تبيها محارش يعني ؟
أقترب فياض ورفس يزيد بقوة على بطنه، أقترب يزيد يرد الحركة لفياض
دق الجرس وخرجو الطالبات والسيارات مجتمعه حول سيارة يزيد وددسن فياض إلي موقفه الطريق بسبب هوشتهم قدام المدرسة
خرجت دُرر مع ميس مستغربين من صراخ البنات ويسمعون اصوات البنات وهمسهم
' الحقي الحقي، فيه عيال يتهاوشون على بنت قدام المدرسة ! '
' مين سعيدة الحظ هذي ؟ '
خرجت دُرر تعقد حجاجها وتناظر تجمهر البنات والسيارات والحارس إلي يحاول يفرق بينهم، بينما دُرر واقفة مع ميس تناظر الهوشة بذهول
مسك فياض ياقة يزيد بغضب وبجانبه هايف الي ماترك يزيد، أمسك يزيد بثوب فياض ودفعه لكن قوة فياض كانت أقوى منه لذا أمسك فياض ياقة يزيد ودفعه بقوة على الأرض ونزل لطوله يضرب وجهه ويزيد يقاوم إلى أن لمح قطعة زجاجة وأمتسك بها يجرح وجه فياض بقوة من خده إلى شفاته، تألم فياض لكن ماوقف ضرب وحرق أصابع يزيد بدخانه وصرخ يزيد من ألم الحرق وتدخل إحدى الواقفين بين التجمهر يناظر الهوشة وصرخ يجمع كل الأنظار عليه
كاسر : لاتصارخ كأنك أنثى، قاوم وقم أضربه لأنك مارح تقدر عليه
نظر له يزيد المستلقي على الارض وهو ساكت لكن فياض تمكن عليه وسحب الزجاجة يجرح فيها يد يزيد، سحب يزيد الزجاجة بكلتا يديه وانسحبت من يد فياض بقوة ومررها يزيد على ذراعه وجرحت ذراع فياض العارية لأنه رافع أكمامه وجرحت إحدى عروقه
أنتهت الهوشة بدخول الشرطة، الشرطة إلي تسحب فياض ويزيد وشلة فياض لكن صرخت دُرر بصوت عال جمعت الأنظار عليها وأشارت على يزيد تصرخ : هاذا المتحرش ! أنا شفته بعيني يحارش البنات !
عقد حجاجه الشرطي يلف على دُرر : يعني فيه شهود ؟ تقدرين تروحين معانا المركز وتدلين بشهادتك
ركبت دُرر سيارة الشرطة تسبقهم ورمت شنطتها على جنب تلوح للشرطي إلي يسوق أنه يشغل المكيف
أردف كاسر يناظر الشرطة إلي مستعدة تتحرك : أنا بروح، المركز
لف عليه الشرطي : وبصفتك مين؟
أشار كاسر باصبعه على فياض : ولي أمر هالسربوت
هز رأسه الشرطي : ياسلام ماتعبتنا، تقدر تركب سيارتك وتلحقنا
'
« المركز »
الشرطي : يعني تقولين يزيد معروف وسمعته سيئة ؟
هزت رأسها دُرر : أي، لحقني برمضان هالداشر
بينما دُرر تتكلم عن فضايح يزيد كان فياض كلما نطقت دُرر بفضيحة ليزيد يضرب فياض كتف يزيد بقوة وأردف الشرطي : فيه شهود غيرك ؟
دُرر : أي، أقدر أتصل عليها الحين
هز رأسه الشرطي يعطيها هاتف المركز : اتصلي
كاسر : أنا شاهد،  بس تقدر تسجنهم كلهم غلطانين
لف فياض عليه : يبه ؟
أردف كاسر بدون مايلتفت على فياض : كلها سنتين تقدر تصبر
الشرطي : باقي شاهد واحد بحقه ويسجن يزيد تمامًا بعد النظر إلى الكاميرات
صرخ يزيد بوجه دُرر مردفًا : يابنت الكلب !
دخل عوض عليهم وأردف : السلام عليكم، الكلب قدامك
أخفض رأسه يزيد يردف : وعليكم السلام .. محشوم
بعد شهادة ميس، فعلًا كانو ينظرون للكاميرات بينما والد يزيد يهاوش يزيد
بينما كاسر يتكلم مع عوض، مشى فياض وأمامه دُرر متوجهة لسيارة أبوها ونظر لها فياض يردف : عز الله يعزك
أردفت دُرر بينما متوجهة للباب وما ألتفت له : مسوي نفسك ماتعرفني ؟
عقد حجاجه فياض : أعرفك ؟
هزت رأسها دُرر : أي، أنا نفسها إلي قلت لك غض البصر
توسعت أعين فياض بالصدمة : أنتي نفسها قليلة الحياء ؟ الدنيا صغيرة، تستري
رفعت حاجبها دُرر : مو كنت قبل شوي تشكرني ؟
صد عنها فياض : تستري بس
ضحكت دُرر تخرج من المركز بينما فياض واقف ينتظر أبوه
طول كاسر وأخذته السوالف مع عوض، أستسلم فياض من الانتظار ومشى يحرك سيارته للاستراحة لأن العيال بعدما خرجو من المركز توجهو للاستراحة، وصل فياض الاستراحة ووقف الددسن ينزل ودخل الاستراحة ورحبو فيه العيال وإبتسم فياض يجلس في صدر الاستراحة كالعادة وأردف همام : ولله يا أنك وكلته تراب، كفو
فياض : أفا عليك، كفوك
همام : بس ولله ياولد ماقدرت أشوف شي، الناس مجتمعين وهايف الدلخ لاصق بك ولاصق بيزيد
ضحك مشعل : ياحليله، يحسب يزيد بيطير
هز رأسه فياض : عاد ليت راسه صغير
لف عليه هايف بغضب : وش تقصد ؟ محد فزع لك غيري
عقد حجاجه فياض : وش فزعته ؟ تقل ورع مضيع أمه ويقول فزعه أي فزعه ياشيخ
ضحكوا العيال بسخرية وضحك وضاح يردف : عاد إلا بونايف ياعيال لا يزعل
ضحك فياض : أمه وأنا ما أدري
ضحكوا وتعالت ضحكاتهم الأستراحة ..
'
نجمة وتعليق لا هنتم ⭐️