« دُرر »
بعد الهوشة بـ فترة لا زّالت تطلع أشاعات أن دُرر هي البنّت الي يتهاوشون عليها لكّن هي ما طقّت خبر لـ الأشاعات ، كانتّ جالسة نهاية الدوام تتنظر أبوها يجي ياخذّها ، بينما عوض جالسّ فـ المجلس مع زوّجته مشاعل دخل وضّاح المجلس سّلم وباس راس عوض ومشّاعل وأردف عوض
عوض : وضّاح ، سيارتي بالورشة معاك سيارة أنت وشلون جيت هنا ؟
وضّاح : جيت بـ سيارة خويي ، ليه ؟
عوض : باخذها عندي مشّوار على السّريع وبرجع الحين
وضّاح : زيّن حلالك ، تراها ددّسن
وقف عوض وهو ياخذ المفتاح من يّد وضاح ويتوجه للخارج ، رّكب السيارة وحرّكها متوجه لـ مدرسة دُرر يرجعها لـ البيّت ، وضّاح أتكى بـ جنبّ مشاعل وهو يسّولف عليها إلى أن جاه أشعار ، فتح الأشعار وهو يّلمح أسم "فيّاض" إلي مرسّل له فويس ، فتّح وضّاح الفويس ورفع الصوت حتى تسمع أمه معاه الفويس
كلام فيّاض :
"أقسم بالله الواحد الاحد أن ما رّجعت الددسن وتبّت عن سرّقتها بدون علّمي اني بكسّر رجولك ! "
وضّاح ضحك وأردف : سمعتي يّمه سمعتي الفاظه ؟
مشّاعل ضحكت وأردفت : من حقه بعد..ليه تسّرق سيارته بدون عّلمه ، رجع سّيارته
وضّاح : وشّلون أرجعها ؟ أبوي أخذها
مشاعل : رجعها بعد ما يرّجع أبوك
وضّاح بـ ضحكة : يمكن أرجع السيارة وما أرجع
ضحكت مشّاعل وهي تتأمل ملامّح وضاح ولمعة عُيونه
وقف عوض الددّسن ونزل من السيارة وهو يتوجهه لـ الحارس حتى ينادّي أسم دُرر وتطلع له ، طلعت دُرر وإبتسمت من قابلت وجهه أبوها بعد يّوم طويل بالمدرسة ، رّكبت السيارة مع أبوها بأستغراب وأردفت
دُرر : بس ذي مو سيّارتك ؟
عوض : سيّارة واحد من أخوياي ، اليوم تغدي معاي ومع مشّاعل بعدها أرجعك البيّت ، موافقة ؟
دُرر بإبتسامة شقت مبسّمها : ما أقول لا !
ضّحك عوض وتوجه لـ بيّته ، وقف السيارة بعد حّكي وسوالف دُرر بالسيارة نزلو وسّبقت أبوها وهي تركض لـ المجلس وتضّحك بس وقفت وتجمدت مكانها يوم ناظّرت الشخص الي جالس جنب مشّاعل لفت بسّرعه وهو غضّ بصره تظن أنه شخص غـريب !
وقف عوض عند الباب وهو يناظر دُرر الي متغطية ، دخل عوض وخلّاها عند الباب وأردف
عوض : دُرر ، أدخلي
دُرر : يـبه كيف أدخل وفـ..
عوض قاطع كّلامها بـ : دُرر ، أدخلي وبسّ
دخلت دُرر وهي منزلة رأسها ومستغربة من أبوها ، جلست جنب أبوها ولا زال وضّاح منزل عُيونه ولا رفع رأسّه من يوم دّخلت
عوض : وضّاح ، هذي أختك دُرر ، دُرر هذا أخوك وضّاح
دُرر تجمدت مكانها وأردفت بـ هدوُء مفاجئ
دُرر : وليـه توني أدري ؟
عوض : مشّاعل ووضّاح ما أستقرو بـ حايل إلا الآن ، بما أنهم أستقرو راح تقابلين وضّاح كثير فـ الأفضل تعرفين الآن
لفّت دُرر على وضّاح وهي تناظر بـ جمود وتّوسعت عيونها من لاحظت ردة فعله أنه لّف عليها وهو يّبتسم وما سأل ولا عصّب أكتفى بـ الإبتسامة مع عيّونه إلي تلمع ، إبتسمت دُرر وأردفت
دُرر : يعني عندي أخ غير ذيك المصـرية ؟
ضحّكو على ردة فعلها ، إبتسم عوض وأردف بإستغراب
عوض : إحدى توقعاتي أنكم تعصبون علي أني توني أقول لكم ، بس ساكتين غريبة
وضّاح : كنت عّارف أن عندك بنت من طليقتك ، بس ما كنت أعرفها
دُرر إبتسمت إبتسامة تّوضح ردة فعلها ، إبتسامة شقت مبّسمها إحدى أحلامها أنها تشوف أخوها الي من مشّاعل وإحدى أحلامها أنه يكون عنّدها أخ يفهمها وتّفهمه .. كانت سعيدة جدًا سعادة تّفوق الخيال
وقف وضّاح مكانه وأردف بإبتسامة : بّروح أرجع السيارة لـ صاحبها ! يا أختي
إبتسمت دُرر من نّطق " أختي " ، توجه وضّاح لـ السيارة وهو يرّكبها وكل تفكيره بـ أخته كان يّعرف أنه عنده بنت بس مايعرف مين هّي ودائمًا يأكله الفضّول يعرف مين هي ! وأخيرًا تحقق مُرده إلي دايم يفكر فـيه ..
توجه لـ الإستراحة متاكد أن فيّاض ينتظره هناك ، وقف السيارة عند الإستراحة وناظر فيّاض إلي واقف عند باب الإستراحة وينتظر بـ فارغ الصّبر
نزل وضّاح من السيارة و بإيده المفتاح ، أقترب فيّاض منه وهو يسّحب المفتاح ، صفق فيّاض ظهر وضّاح ووضّع وضّاح يدينه على ظهره وهو يتألم
وضّاح : ظهري ظهري
فيّاض منّقهر وعيَونه تبين قهره ، أردف فيّاض بـ غضب
فيّاض : أن خذّيتها بـ أكسر يدك ، سمّعتني ؟
وضّاح بـ ضحكة : عُلم ..
وضع وضّاح يدينه على كتف فيّاض لكن إبعد يده من أحس بـ حرارة جسّم فيّاض بسبب عصّبيته وقهره
..
آنتهى
