السفاح

" البارات الأول "

من كثر ما حابك واعشڪ عيونك "
وياڪ التفت لمنً يصيحونڪ " 💫

" السفااح "

للكاتبه // ياقوت 806 🐅☄️.

____________________________________.
احدى محافظات العࢪاق الساعه 7:50 صباحاً 🌤.

:- رياحيننننننن ويننن الريوووك ؟ 

التفت بفزه واني اسمع صوت خالي يلي رج المكان عفت الخاشوكه يلي جنت اقلب بيها الطماطه مسحت اديه بلوصله وركضت طلعت اشوف خالي  .

:- ها خلوو هسه حيكمل  .

:- انتي بس ثول الله ذاب عليج ابوج ومات وامج وشردت وي حبيبها كح** انتي شطلعين مثلاً؟

دنكت راسي ساكته ما اعرف شرد لن فعلاً  امي شردت وي حبيبها بعد وفات ابوي بأيام قليله وانهزمت سكتت ورحت للمطبخ اكمل ريوك كملت ريوك حطيته بصنيه واخذته ياكل اكل وخلص وطبع لدوامه غسلت الاماعين .

ونضفت البيت غسلت الطارمه وخالتي ونور نايمات كملت ورحت اخذت الريمون وكعدت ع البلازما اشوف اي شي يطلع كدامي   .

" تعريف:: اسمي رياحين وعمࢪي 18 سنه للاسف تاركه دراسه بسبب خالي هوه يلي بطلني من المدرسه لما جان عمري 10 سنوات للأسف فقدت ابوي مات بحادث سير الله يرحمه بقينه بس اني وامي يلي اصلا متنكال الها كلمه يمه امي يلي اول ما مات ابوي وراها بأيام قليله انهزمت وي حبيبها اي نعم جانت اتخون ابوي وي شخص وبعد ما مات ابوي هيه اجتها الفرصه وعافتني ورا ضهرها وانهزمت للاسف  ...  عشت عند خالي الاوسط اسمه حمزه مزوج وعنده بنيه وحده وولد الولد اسمه امير كليه مرحله اولا قانون والبنيه نور  عمرها 19 سادس علمي لن راسبه وزوجته  اسمها حور فد وحده مسمومه ومتحب الخير  وامير كاضيها بس يتحرش بيه فد واحد سكير ويشرب اما خالي الاكبر ف ما اعرف عن اخباره اي شي....  اني بنيه لطيفه متواضعه فرفوشه احب الحياه رغم الضروف يلي اني بيها بس دائما متفائله حساسه طولي 155 وزني 50 "

بعد وقت صارت الساعه بـ 1 الضهر تقريباً كمت صليت ورحت سويت الغده ومرت خالو هستوها كعدت وكلعاده صياح وأوامر مر اليوم حاله حال باقي الايام صياح وأوامر......كعدت ع الفراش يي مخلي بلمخزن هاي غرفتي المخزن جو بارد اتغطيت بلحاف خفيف غمضت عبوني بتعب وي ما اجيت اغفى واسمع باب المخزن ينفتح فتحت عيوني ع وسعها من شفته هوه نفسه؟؟؟
.
.
.
" في مكان اخر وتحديداً مستود؏ بعيد عن المدينه "

قبض ع كف ايده بهدوء وبرود وجكارته بشفته وكدامه طاوله عليها كأس من النبيذ وباكيت الجكاير مع الجداحه وتلفونه ملابسه يلي كلها بلون الاسود قمصله جلد سوده بنطال اسود تيشيرت اسود ساعه سوده  ساند ضهره ع الاريكه ويناضر للشخص لكدامه يلي مربوط وتقريباً نص وجهه ممبين من أثار الضرب ملابسه كلاها دم ومشوهه تماماً تكلم صديقه يلي هوه  صديق طفولته  أدهم    .