Bodyguard (Taekook) ✅

Silwester

නවය ත් පහු වෙලා නැගිටපු ජන්කුක් වොශ් දාන් පහලට ආවෙ තේ-හියුන් ව බලන්න. කලින් දවසෙ උන දේට සමාව ඉල්ලන්න ඕන උනත් තමන් ගෙ ඇස් ඉස්සරහ තිබ්බ ඒ කින්ග් සයිස් හුරතලා ව මතක් උන නිසා ජන්කුක් තේ-හියුන් ව මුන ගැහෙන එක අමතක කරලා kitchen එක පැත්තට යනවා. කන්න දේකුත් එක්ක කිරි එකක් ඉල්ලන් ජන්කුක් ආවෙ සිල්වෙස්ටර් ව හොයන්.

"සිල්වෙස්ටර්... සිල්වෙස්ටර්..."

"ජන්කුක් සර්... කාවද හොයන්නේ...???"

සිල්වෙස්ටර් ව හෙව්ව ජන්කුක් ගැස්සුනේ පිටි පස්සෙන් ඇහුන තේ-හියුන් ගෙ කටහඬට. ඒ කටහඩේ අයිතිකාරයා ගෙ මූණ දිහා බලන්න ඕන උනත් තමන් ගෙ අකීකරු ඇස් ඒ කකුල් දෙක මැද්දට යන නිසා දැන් ජන්කුක් හිටියෙ නං ලොකු අපහසුතාවකින්.

"සිල්වෙස්ටර් කොහෙද බලන්න තේ-හියුන්. බැරි උනොත් Kitchen එකේ අයගෙන් අහන්න කොහෙද කියලා."

"හරි ජන්කුක් සර්."

සිල්වෙස්ටර් කියන්නෙ කවුද කියලා නොදන්න තේ-හියුන් kitchen එක පැත්තට ගියෙ ගාඩ්න් එක ක්ලීන් කරන කෙනා කොහෙද කියලා අහන්න හිතන්. අනික ජන්කුක් උනත් දැන ගන්න එපැයි කෙනෙක් ගැන කියනවා නං හරියට කියන්න.

"සිල්වෙස්ටර් ව දැක්ක ද?"

"ස්ටෝ රූම් එක පැත්තට යනවා දැක්කා සර්. ඒකෙ මීයො ඉන්නව නෙ. උන් ව අල්ලන්න යන්න ඇති."

කිචන් එකේ වැඩ කර කර හිටිය තරුණ මේඩ් තේ-හියුන් ගෙ උඩ ඉදන් යටට බලන ගමන් කියද්දි මේඩ් ට රැව්ව තේ-හියුන් එළියට ගියෙ ස්ටෝ රූම් එක හොයන්. මුළු රෑ පුරාම වොශ් රූම් ගිය අමාරුවයි ජන්කුක් ඉස්සරහ උන ලැජ්ජාව නිසයි තේ-හියුන් හිටියෙ හිත වගේම බඩත් රිද්දගෙන. ස්ටෝ රූම් එක හොයන් ඒක ඇතුලට ඔලුව දැම්ම තේ-හියුන් වටපිට බැලුවෙ කිසිම මනුස්සය පරානයක් ඒකෙන් පේන්න නැති නිසා. ඒත් තේ-හියුන් ට හොදටම මතකයි එයා එතනට එද්දි රූම් එක ඇතුලෙන් සද්දයක් ඇහුනා කියලා. ජන්කුක් ට තියෙන ජීවිත අවදානම නිසා ඉනේ තිබ්බ පිස්තෝලය අතට අරන් තේ-හියුන් හිමීට කාමරේ ඇතුලට අඩිය තිබ්බා.

"තේ-හියුන්..."

පිටි පස්සෙන් ඇහුන ජන්කුක් ගෙ කටහඬ නිසා තේ-හියුන් කලබල උනත් ජන්කුක් දිහාට හැරිලා සද්ද කරන්න එපා දොර වහන්න කියලා අභිනයෙන් කියන්න තේ-හියුන් ට පුළුවන් උනා. මොකක් හරි ප්‍රශ්නයක් කියලා තේරුන නිසා වචනයක් වත් නොකිව්ව ජන්කුක් තේ-හියුන් ඇතුලෙ ඉද්දි ස්ටෝ රූම් එකේ දොර වහලා ලොක් එක දැම්මේ ගැහෙන හදවතින්. පණ්ඩිතකමට තමන් ව බලා ගන්න පුළුවන් කිව්වත් තේ-හියුන් ගෙ මූණ දැක්කම ජන්කුක් ට තේරුනා ප්‍රශ්නෙ හිතුවට වඩා දරුණුයි කියලා.