Bodyguard (Taekook) ✅

Boss

සතියක් ගත උනේ තේ-හියුන් ට නිදහසේ කාලෙ ගෙවන්න දීලා. ඒත් ජන්කුක් නං හිටියෙ තේ-හියුන් ව කොහොම හරි එලවලා ආපහු ගෙදර යන්න ප්ලෑන් කරන ගමන්. අදත් නවය පහු වෙලා නැගිටපු ජන්කුක් වොශ් එකක් දාන් බැල්කනි එකට ගියෙ තේ-හියුන් එළියෙ පේන්න ඉන්නව ද බලන්න. ගාඩ්න් එකට වෙලා මොනාද බොන ගමන් නිදහසේ ඉන්න තේ-හියුන් ව දැක්කම ජන්කුක් ට ඕන උනා තේ-හියුන් ව ටිකක් මහන්සි කරනවන්න. බොඩිගාඩ් කෙනෙක් උනාම නිකන් කාලෙ කන්න දෙන්න බෑ නෙ. ඒ නිසාම ටිකක් කල්පනා කරලා එළියට යන්න හිතන් ඇදන් ඉන්න ඇදුමට උඩින් ජැකට් එකකුත් දාන් ජන්කුක් පහලට බැස්සා.

"තේ-හියුන්... තේ-හියුන්..."

"ජන්කුක් සර්..."

ජන්කුක් ගෙ කටහඬ ඇහුන ගමන් එළියෙ ඉදන් දුවන් ආව තේ-හියුන් කතා කරද්දි ඒක ඇහුනෙ නෑ වගේ ජන්කුක් තේ-හියුන් ව පහු කරන් එළියට යන්න අඩිය තිබ්බා.

"මට පාර්ක් එකට යන්න ඕන. තමුනුත් එනවා නං ඉක්මනට එනවා."

"හරි ජන්කුක් සර්. මං ඉක්මනට වාහනේ අරන් එන්නං."

"කවුද දැන් කිව්වෙ වාහනේ යනවා කියලා. පයින් යන්න එනව නං එනවා නැත්තං ගෙදර ට වෙලා ඉන්නවා."

තමන් ට ත් සද්දෙ දාලා ඉස්සරහට යන ජන්කුක් ව දැක්කම කේන්ති ගියත් තේ-හියුන් ඉවසීමෙන් ජන්කුක් එක්ක කතා කරන්න තීරණය කරනවා.

"ජන්කුක් සර් මේ සිටුවේශන් එකේ පයින් යන එක භයානකයි. මොකක් හරි ප්‍රශ්නයක් උනොත් මම යි වග කියන්න ඕන. ඒ නිසා කරුණාකරලා කාර් එකේ යමු."

"දැන් මෙතන මං වැඩ කරන්න ඕන තමුසෙ කියන විදිහට ද...??? නෑ මං පයින් යන්නේ පුළුවන් දෙයක් කරනවා."

තමන් ට බැන බැන යන ජන්කුක් දිහා බලන් හිටිය තේ-හියුන් කලකිරීමෙන් හුස්මක් පහලට දැම්මේ කොච්චර කිව්වත් දැන් ජන්කුක් වාහනේ යන්නේ නෑ කියලා දන්න නිසා. මේ වෙලාවෙ තමන් ගෙ සර් ගැන කේන්තියට වඩා තමන් ගැන ආත්මානුකම්පාවක් තේ-හියුන් ට ඇති උනේ. මොකද තේ-හියුන් ට බෑ කිසිම වෙලාවක ජන්කුක් ගෙ වචනෙට පිටින් යන්න.

ජන්කුක් ගෙ පස්සෙන් ටික දුරක් ගිය තේ-හියුන් වටපිට බැලුවෙ හිතට අමුත්තක් දැනුන නිසා. ඒත් ඇස් වලට පේන මානෙ කිසි ප්‍රශ්නයක් නැති නිසා ඔහු ජන්කුක් සමීපයට අඩිය ඉක්මන් කලා.