Loser Ep-8
"ငါ့ကိုကားရပ်ပေး"
ဘာစကားမှမပြောဘဲတိတ်နေရာက
ကားရပ်ပေးဆိုပြီးထပြောလာတော့ ဆောင်းညလဲမျက်လုံးတစ်ချက်စွေကြည့်လိုက်သည်။
ကလေးအဖေမျက်နှာကတော့ ကိုယ့်ဘက်ကြည့်မနေ။
"ဆောင်းည ကားရပ်ပေး"
"မရပ်ပေးဘူး ခုန်ချချင်ခုန်ချလိုက်"
"ရူးနေလို့ငါကခုန်ချရမှာလား
သွားနေတဲ့ကားပေါ်ကမင်းပဲခုန်ချ"
"ကျုပ်ကို dramaတွေလာမခင်းနဲ့ခေါင်ရိပ်သွင်
ငါအိမ်ပြန်မယ်ငါ့မိဘတွေနဲ့ပဲနေမယ်တွေလာမလုပ်နဲ့ မရပ်ဘူး"
"ငါကမင်းကိုဘာပြောနေလို့လဲ
ကားရပ်ပေးခိုင်းတာက ငါဝယ်စရာရှိလို့
ထင်ရာတွေပြောနေတာမင်း ငါမဟုတ်ဘူး"
"ဘာဝယ်မှာတုန်း အိမ်မှာအကုန်ရှိတယ် ခင်ဗျားလိုတာ"
"မင်းအိမ်မှာမရှိတဲ့ဟာ
ငါလိုတာအကုန်မင်းအိမ်မှာရှိရအောင်
မင်းအိမ်က super marketလား"
စိတ်အချည်ပေါက်လွန်းရသည်မို့
ရွဲ့ပြောချလိုက်သည်။
ဝယ်စရာကတကယ်ကိုအရေးကြီးတာမို့
ကားရပ်ပေးခိုင်းတာကိုဒင်းကအရစ်ရှည်။
"ဘာဝယ်မှာတုန်းပြောမှ
ကျုပ်ကလိုအပ်လားမလိုအပ်လားသိမှာပေါ့"
"ရပ်မှာဖြင့်ရပ်စမ်းဆောင်းည
မင်းစကားရှည်နေတာနဲ့ဆေးဆိုင်ကကျော်ခဲ့ပြီ"
"ဆေးဝယ်မလို့လား"
"ဟုတ်တယ်"
"ဘာဆေးတုန်း အိမ်မှာရှိတယ်"
"ကျစ်..ဘာဆေးမှန်းတောင်မသိဘဲ
အိမ်မှာရှိတယ်ပြောရအောင် မင်းကိုမင်းဗေဒင်ဆရာထင်နေတာလား"
"ဗေဒင်ဆရာမဟုတ်ပေမဲ့
ကျောင်းဆရာကတော့ကျုပ်လင်ပဲ"
ကားမရပ်ဘဲစကားရှည်နေတာမို့
ကားစီယာတိုင်အား ခေါင်ရိပ်လှမ်းဆွဲလှည့်ပစ်လိုက်သည်။
ကားကယိမ်းထိုးသွားမှ သူလဲဘရိတ်ကိုဆောင့်အုတ်သည်။
"သေချင်နေတာလားခင်ဗျား"
"မင်းဘာလို့လေရှည်နေသေးလဲ
ကားရပ်ဆိုရပ်လေ"
