Loser Ep-9
"ထိုင်..ထိုင်ပါအုံး
တစ်ခုခုသောက်ကြမလား ကျနော်ဝယ်ခိုင်းပေးမယ်"
"မလိုဘူး"
ဒီ့ရဲ့အသံပြတ်ကြောင့်ဒေါက်တာလေးတုန်သွားတာမြင်လိုက်သည်။
ဘောင်းဘီရှည်အနက်နှင့်အပြာနုတီရှပ်ဝတ်ထားပြီးဂျူတီကုတ်ထပ်ဝတ်ထားသည့်ဒေါက်တာ့ပုံစံကကြည့်ရတာမျက်စိအေးသည်။
သူ့လက်ဖဝါးတွေကိုပေါင်မှာနှစ်ချက်လောက်ပွတ်သုတ်နေပြီးပြုံးပြလာသည်။
"ရတယ်ဒေါက်တာ ကျနော်တို့မသောက်တော့ပါဘူး ဒေါက်တာလဲထိုင်ပါ
ကျနော့်သူငယ်ချင်းကစကားပြောချင်တယ်ဆိုလို့"
"အော်...အင်း"
ဒေါက်တာဒီဆောင်းဦးက ခြိမ်းတို့ရဲ့မျက်နှာချင်းဆိုင်မှာထိုင်ပြီး ဒီ့ကိုမဝံ့မရဲလဲကြည့်နေသေးသည်။
"ဟို..ဒီက ညီဘာပြောချင်လို့လဲဟင်"
"နာမည်ပဲခေါ် ကျနော်ခင်ဗျားညီမဟုတ်ဘူး"
"အာ..sorry
အန်တီက မင်းကျနော့်ထက်ငယ်တယ်ပြောထားလို့ပါ"
"ခင်ဗျားအဖေနဲ့မာမီ့ကိစ္စသဘောမတူဘူး"
"အဲ...အဲ့ဒါကျနော်ဘာမှလုပ်ပေးလို့မရဘူးလေ
ဖေဖေနဲ့အန်တီရွေးချယ်တဲ့လမ်းပဲကို"
"ခင်ဗျားကိုယ့်အဖေကိုတားလေ"
"ဒီနွေဦးလဲအန်တီ့ကိုတားလေ
ဘာလို့ကျနော့်ကိုလာပြောနေရတာလဲ"
ဒေါက်တာလေးကနည်းနည်းတော့ကြောက်နေပုံပေမဲ့ပြန်ပြောတာကတော့ချက်ကျသည်။
စကားပြောတာကလဲယဥ်ကျေးသည်။
ဒီ့မျက်နှာကခံရခက်သွားဟန်။
"မာမီကလုပ်ငန်းရှင်မို့ ခင်ဗျားကအမေတော်ချင်နေရင်တောင် ကျနော်ကတော့အမျိုးမတော်နိုင်ဘူးခင်ဗျားတို့ကို"
"ဘာ..."
ဒေါက်တာဒီဆောင်းဦးမျက်နှာကတင်းခနဲ။
ပန်းရောင်ပြေးသောအသားအရည်က ချက်ချင်းနီရဲကာမျက်ရည်တွေပါဝေ့တက်လာတာမြင်လိုက်ရသည်။
ဒီ'ကတော့သူ့စကားမှန်သွားလို့ ဒေါက်တာဒီဆောင်းဦးမခံမရပ်နိုင်ဖြစ်သွားသည်ဟုယူဆကာခပ်မဲ့မဲ့ပြုံးသည်။
