Loser Ep-11
သမီးကတော့ ပထမဆုံးအကြိမ် အခုလိုလူအများသွားရမည်မို့ပျော်နေသည်။
သူကလဲသမီးကိုစကားတွေပြောနေသည်မှာစီကာပတ်ကုံး။
ခေါင်ရိပ်ကိုတော့ကားထဲပါတယ်လို့ပင်မထင်။
မလိုက်ချင်သော်လည်း အဖေနဲ့အမေတို့ပါထိုပွဲသို့တက်မည်ဆိုတာကြောင့် လိုက်လာဖြစ်ခဲ့သည်။
ပေကပ်ပြီးအိမ်မှာနေလဲရမှာမဟုတ်တာကတစ်ကြောင်းပင်။
ဘယ်လိုပဲမလိုက်ချင်ဘူးပြောပြော ဒီအယုတ်တမာဆောင်းညက မိမိအားရအောင်ခေါ်မှာဖြစ်သည်။
မီးတွေလင်းထိန်နေသောခြံဝန်းကြီးတစ်ခုရှေ့တွင်ကားရပ်တော့ အပြေးအလွှားတံခါးဖွင့်ကြသည်။
ခြံပြင်တွင်မီဒီယာသမားများကိုလဲတွေ့ရသည်။
ခေါင်ရိပ်တို့ကတော့နာမည်ကြီးတွေလဲမဟုတ်တာမို့ဓာတ်ပုံအရိုက်ခံရတာမျိုးမရှိ။
တခြားကားတွေထဲမှအနုပညာရှင်များထွက်လာလျှင်တော့အလုအယက်ပင်ဓာတ်ပုံရိုက်ကြသည်။
နာမည်ကြီးမော်ဒယ်မင်းသားနှစ်သစ်ကူး၏ပွဲမို့ဒီလိုလူစည်ကားတာကိုတော့အထွေအထူးမအံ့သြမိတော့။
ခေါင်ရိပ်ရဲ့မိဘတွေပါလာမည်ဆိုတာကြောင့်မာဖီးယားဂိုဏ်းခေါင်ဆောင်ဦးမာန်ဟုန်ခွင်းဆိုသူ၏အာဏာစက်သည်လဲမသေးလှ။
"အထဲဝင်မယ်"
"သမီးကိုအောက်ချလိုက်"
"ကျုပ်ချီခဲ့မှာ"
ကလေးသေးသေးလေးလဲမဟုတ်တာမို့လမ်းလျှောက်ခိုင်းတာပိုအဆင်ပြေမည်ဟုခေါင်ရိပ်ပြောချင်သော်လည်း မရမှန်းမသိတာမို့မပြောတော့။
သမီးကိုချီကာရှေ့ကနေဦးဆောင်သွားတာမို့
နောက်ကနေအမှီလိုက်ရပြန်သည်။
"ရောက်လာပြီးဆရာသမား
နောက်ကျသားပဲ"
အရင်ရောက်နေကြသည့် ဒီနွေကလက်လှမ်းပြပြီးနှုတ်ဆက်လာသည်။
သူ့အနားရောက်တာနဲ့ဆောင်းညလက်ထဲကသမီးကိုတန်းဆွဲချီတော့တာပင်။
"ငါ့အသဲလေးကွာ လွမ်းနေတာဦးဦးက"
ပြောလဲပြောသမီးကိုနမ်းပြန်သည်။
ခေါင်ရိပ်ကထိုင်ခုံမှာဝင်ထိုင်ပြီးပေမဲ့သူကတော့မထိုင်သေးဘဲ ဟိုဒီကြည့်နေသည်။
