Loser Ep - 23
ဒီနွေနဲ့ ဆောင်းဦးအခြေအနေက လှေကားမှာဆက်ရပ်နေရမှာလို ဆင်းပဲဆင်းသွားရမှာလိုဖြစ်နေသည်။
ဆောင်းညတပည့်တွေကတော့ သတိမရှိတော့သည် အဖိုးကြီးနှစ်ယောက်အားနေရာမှသယ်ထုတ်သွားနေပြီဖြစ်သည်။
အမောင်ဆောင်းညက သူ့ယောကျာ်းကိုခါးကနေဆွဲပြီး ပယ်ပယ်နယ်နယ်ကိုနမ်းနေတာ။မသိရင်လူတစ်ကိုယ်လုံးသူ့ပါးစပ်ထဲဝင်တော့မည့်အတိုင်းပင်။
မိမိနည်းတူ ပါးစပ်ကလေးဟလို့ရပ်နေသူအား လက်မောင်းသွားဆွဲရသည်။
"ဘာလဲ"
"ပြန်မယ်လေ ဘေဘီရဲ့"
"သူ့အခြေအနေက ဒါအတွက်အဆင်သင့်ဖြစ်မနေဘူး
တားမှရမှာ"
"အခုအချိန်သွားတားရင် ဆောင်းညသတ်မဲ့လူက ခင်ဗျားဖြစ်သွားမယ် ဒီဆောင်းဦးရဲ့"
ဒီနွေဆွဲခေါ်ရာကိုမလိုက်ချင်လိုက်ချင်ပါလာသည်။
သူများလင်မယားကိစ္စကိုသူကလိုက်ပူနေတယ်။
ဒေါက်တာတွေများ အတော်လဲစိတ်ပူကြရန်ကော။
ဒီနွေတို့ ခြံအပြင်ရောက်တော့ အကိုခေါင်ရိပ်အမေလဲရောက်နေသည်။
"အန်တီ ဟို ကျနော်ဆောင်းညသူငယ်ချင်းပါ"
ဆောင်းညတပည့်တွေကိုတော့ မတွေ့ရတော့။
ဒီကောင်တွေကလဲလျှင်လိုက်တာ။
"အန်တီတွေ့လိုက်တယ်"
"ဗျာ"
"အန်တီ့အမျိုးသားနဲ့ကိုနှင်းမောင်ကိုပြောတာပါ...သူတို့သေသွားတာလား"
"မသေပါဘူးအန်တီ"
"ဆောင်းညနဲ့အန်တီ့သားရော
သူတို့နဲ့စကားပြောဖို့လိုတယ် ခေါ်ပေးနိုင်မလားမောင်ရင်"
"ဟိုအန်တီ အခုတော့မရလောက်သေးဘူး
အန်တီအိမ်ကပဲစောင့်ပါလား
ကျနော်ခေါ်လာပေးမယ် နည်းနည်းတော့ကြာအုံးမယ်ဗျ သူတို့ကိစ္စလေးလဲရှိလို့"
"အော် မင်းတို့ရော လိုက်ခဲ့လို့ရတယ်
အန်တီ့အိမ်ကဒီမှာပဲ"
"ဟုတ် ကျနော်သိပါတယ်ဗျ၊
ဘေဘီ လိုက်သွားမလား ကားထဲကစောင့်တာထက်စာရင် အိမ်ထဲသွားတာကပိုအဆင်ပြေမလားလို့"
