Loser Ep-10
ဆောင်းညအလုပ်သွားရအုံးမည်မို့
အချိန်အနည်းငယ်စောထလိုက်ရသည်။
နိုင်ငံခြားကဧည့်သည်ကိုသွားကြိုရမည်မို့မင်းမောင်ကိုလဲညကတည်းက ကားအဆင်သင့်ပြင်ထားရန်ပြောထားရသည်။
အိပ်ယာပေါ်ဝေ့ကြည့်တော့ သမီးရော ကလေးအဖေရောရှိမနေတော့။
ကိုယ်ပေါ်ကစောင်ကိုဖယ်ပြီးအမြန်ထရသည်။
နောက်ကျလို့ကမဖြစ်။
"မင်းအဲ့ဒါဘယ်လဲ"
"အော်...ခင်ဗျားအောက်ထပ်မှာထင်နေတာ
သမီးကိုရေချိုးပေးနေတာလား"
"မဟုတ်ဘူး ရေချိုးဖို့စောင့်ခိုင်းထားတာ"
"အော်"
ဆောင်းညလဲအလျင်လိုနေတာမို့ဘာမှထပ်မပြော။
"မင်းကဘယ်လဲ သမီးကိုရေချိုးပေးလိုက်"
"ဟမ်"
"မကြားလို့လား ရေချိုးပေးပြီး
ကျောင်းသွားဖို့ပြင်ပေးလိုက်
ငါအောက်ထပ်သွားမလို့"
"အဲ့ဒါတွေကခင်ဗျားလုပ်ရမဲ့တာဝန်လေ
ဘာလို့ကျုပ်ကိုပြောနေတာလဲ"
"သမီးကငါတစ်ယောက်ထဲမွေးထားတာမို့လား
မင်းလဲအဖေပဲ မင်းကျတော့တာဝန်မရှိဘူးလား"
"အိုခေ အိုခေ...နောက်ရက်ကျကျုပ်လုပ်ပေးမယ်ဒီနေ့တော့အချိန်မရလို့ အရေးကြီးလုပ်ငန်းရှင်နဲ့တွေ့ဖို့ရှိလို့သွားရမယ်"
"အဲ့ဒါတွေငါမသိချင်ဘူး
မင်းဟာမင်းသွားတာ မသွားတာမင်းအပိုင်း
ငါပြောတာကသမီးကိုပြင်ဆင်ပေးဖို့ပဲ"
ရေချိုးခန်းအဝတွင်သမီးကအိပ်ချင်မူးတူးဖြင့်ရပ်နေသည်။
ခေါင်ရိပ်သွင်ကတော့ ပုခုံးတစ်ချက်တွန့်ပြပြီးအခန်းပြင်ထွက်သွားသည်။
"ခေါင်ရိပ်သွင်...ဟိတ် ခင်ဗျားဘယ်လဲ"
တံခါးတောင်သေချာပိတ်ပေးသွားသေးသည်။
ဆောင်းညဆံပင်တွေထဲလက်ထိုးဖွကာ ခပ်ရေးရေးပြုံးလိုက်မိသည်။
"ဒီလူကတော့ကွာ"
သမီးကိုလှည့်ကြည့်တော့ရေချိုးခန်းတံခါးကိုမှီကာအိပ်နေတော့သည်။
