اني كلعاده كَاعده يم اهلي نسولف ونشري چاي اني وامي و ابوي فجئه ندكَ جرص الباب.....
دارين: منو جاينه بهيچ وقت؟
صفا(ام دارين): شوفي يمكن اخوج
دارين: اهوو مالي خلك اكوم اروح
صفا(ام دارين): كومي ولچ هسه اخوچ ييجي تعبان فتحيله الباب
دارين: خوش گمت
دارين: منو بالباب؟
سيف: انه فتحي بسرعه لچ
ـ فتحت الباب شفت سيف دايخ يمشي چنه شارب شي
يمشي ويغني ويرگص بس چان شكله يضحك
دارين: شبيك سيف هيچ شكلك يضحك
سيف: امشي منا لا انعل والديچ
دارين: شبيك سيف؟
ـ مندمج يغني ويرگص ويطك اصبعتين عفته وطبيت
صفا (ام دارين): منو بالباب؟
دارين: سيف يعني متعرفي
صفا (ام دارين): صعدي فوك انتِ ولا تنزلين
استغربت دارين: صار ماما
ـ صعدت فوك حطيت راسي على المخده نمت كعدت
على صوت صريخ بالبيت اريد الحكَ اندل دربي ماكو
نزلت ركض حالتي حاله
دارين: شكو شبيكم؟
محمد(ابو دارين): بويه اتقدملچ ابن عمچ وامچ رافضه
دارين: ياهو منهم؟
محمد(ابو دارين): حمد
دارين: ايعع لو مدري شيصير ما اتزوج ولد اخوك هذا
محمد(ابو دارين): تاخذينه وغصب عنچ فهمتي
صفا(ام دارين): حرام عليك طفله توها متخرجه خلي تعيش حياتها شبيك
محمد(ابو دارين): العندي كلته تاخذه لا ولله جامعه متدخلها
احجي والدموع بعيني دارين: ماا ما اخذه ماريده ولله ما اخذه اكرها شبيك بابا ليش هيج تتصرف وياي اني بنتك ما اقبل بي شيصير خلي يصير
ـ ما احس الا راشدي اجه على خدي من قوته وكعت بالكاع و دموعي شلالات
محمد(ابو دارين): تاخذينه و يوم الاربعاء خطوبتكم فهمتي ابن اخوي هذا راح اطلع وارجع اذا بعده راسچ يابس ومقابله بي اكسرلچ راسچ
دارين: لازمه خدي وهزيت راسي بقبول وطلع
ـ صعدت ركض فوك جبت تليفون ونزلت
دارين: ماما انطيني تلفونچ
صفا(ام دارين): هاچ بس لا تسوين مصيبه
ـ اخذته وصعدت فوك سجلت رقم حمد بتلفوني واتصلت عليه مره مارد مرتين مارد الثالثه يلا رد
حمد: الو
دارين برجفه: الو حمد
حمد: منو وياي؟
