مريم
گمت من مكاني اريد استوعب هاي ليش هنا؟
و شلون دامس رضه تصير المساعده مالته؟
مايا: على كيفك حبيبي أذيتني
دفعها و ضل يروح و ييجي يفرك بوجهه و اني واگفه
ما حچيت ولا شي بس ساكته بس دموعي تشرح كُلشي
دار عليه و شافني و اني دموعي تنزل اجه عليه يريد يشرحلي
دامس: مريم مريمي لا تفهمين غلط
مايا: لا حبيبتي انه اشتغل هنا من اليوم و باچر
رگع المير بأيده بكُل قوته وصاح
دامس: اطلعيييييي برااااااااااااا
مايا: مااااا اطلعععععع
دامس: اطلعيييييي لا تخلينيي اصيح الامن يشحتوچ براااا
مايا: ما اطلععععععععععغعععععععع
راحت يمه تدلع و اني دخت و گعدت على القنفه الي موجوده بمكتبه حطيت ايدها على صدره هو دفعها
اتصل بألامن اجوي و اخذوها و هيَ تصيح هذا حبيبي
هذا حبيبي اجه دامس يمي يهز بيه
دامس: مريم مريم و الحسين وحگ العباس ما ادري هاي هيَ ما ادري احتاجيت سكرتيره و طلبت و اختاريت هاي بدون لا اسوي مقابله شغل وياها والحسين مو غير شي ادري هيه انتِ تفكرين انه اخونچ بس وداعت عيونچ الما عندي غيرهن ما اچذي هذا الحچي گبل هسه بالگلب بس انتِ
انتظرته يخلص حچي و اني حتى ما اباوع بعيونه
مريم: اوكِ اريد ارجع
دامس: وين ترجعين انتِ مريضه و متأذيه
مريم: اريد ارجع
دامس: ماكو رجعه
مريم: راح اطلب تكسي
دامس: مو اكو هنا طرطور يحچي وياچ بنت السطل
مريم: لا تغلط على اهلي
دامس: ايباخ اغلط اسب افشر انتِ محد يمچ
مريم: اكرهك
باوع بعيوني و گام تحول هذا مو دامس يلي اني اعرفه مستحيل هذا دامس؟؟؟؟؟ هذا مو بشر الي سوا بيه الحيون ما يتجرأ يسوي يخاف
گام ضل يهز براسه و يضحك بصوت عالي و دموعه تنزل كُل هذني سوا بنفس الوقت اجه ايديه حاوطت رقبتي خنگني بأيدي
دامس: انتِ تحبيني اي اي انتِ تحبيني
بعدت ايده بقوتي منه و دفعته من صدره هو رجع بقوه.
مريم: اكرهك اكرهك انيييييييييييي ما احبككككك
تخبل انجنن من گلتله هيچ ضل لازم راسه راح يم المكتب بحركه وحده من ايدي وگع المكتب كُله و صرخ صرخه لحد هسه اسمعها بهذاك اليوم تمنيت الموت ولا يلي صار بيه!!
