مريم
مريم: دامسسسس ماتتتتتتتتت
اجه يركُض عليها شافها وشالها ركض من نزل كُلها شافتنه بهاي الحاله تخبلو صعد دامس يسوق ويا مصطفى واني وساره ودارين بحضني ورا وجهها صار اصفر خفت حيل نزف هواي دم ضليت ابچي
مريم: دامسس فدوه استعجل
ساق بكُل سرعه وصلنا المستشفى جابو سديه وحطو دارين بيها اخذوها من حضني راحت روحي وياها وضلو يركضون بيها دخلوها لغرفه ردت ادخُل بس گالو ممنوع احد يدخُل وسدو الباب كُلها واكفه خايفه شوي واجو مؤمل وحسنين اني بس ابچي واكل بأضافيري اجه دامس حضني ويمسح على شعري
دامس: اشششش بويه مابيها شي
وخرت من حضنه وگلت
مريم: بس وجهها اصفر حيل يخوف
ضليت ابچي رجع حضني ويمسح على راسي
شوي وطلعت ممرضه وحدها بدون احد وياها
:- المريضة فاقده هواي دم نحتاج احد يتبرع الها بس يكون نفس الزمره
مريم: اني دكتوره نفس زمرتها
اخذتني واجه وياي دامس چنت خايفه بس لخاطرها حيل اخاف عليها دخلنا لغرفه وگعدت على كُرسي واجت بدت تسحب دم كملت اني دخت حيل اجه لزمني
دامس: ها بويه دختي
مريم: اي
دامس: ضلي هنا هسه اصيح لوحده تجي يمچ راح اجيبلچ عصير واجي ما اتأخر
باسني من راسي وراح شوي واجتلي ساره
ساره: ها شبيچ
مريم: مابيه شي بس دخت من سحبولي الدم
اجه دامس يركُض حط العلگه بصفي وفتح العصير وبلش يشربني شربته نصه وشبعت وراح الدوخه هم
مريم: كافي
دامس: مشربتي بعده ممخلص
مريم: اخذني لدارين
دامس: اصبر بويه تعبانه انتِ هسه نص ساعه واخذچ
مريم: گتلك هسه
دامس: لا تعانديني
ساره: مريم شوفي حالتچ مو مال تگومين
مريم: اخذووووووني لدااااااارييييييين
دامس: استغفر الله امري لله
اجه سندني
دامس: تگدرين تمشين لو اشيلچ؟
مريم: لا اگدر
مشيت لحد ما وصلت هناك چان الدكتور تره طلع ديحچي وياها
الدكتور: الحمد لله على سلامتها متشوف شر حالتها جيده بس يُرجى مراجعه حالتها لدكتور مختص هسه تطلع الممرضه دتگدرون تدخلون
