ساره
من يوم المحكمه لليوم دارين داخله بغيبوبه من الصدمه عمت عيني عليها ابد لا بچت ولا سوت شي صار الها بالضبط 6 اشهر وهيه بغيبوبه وطول هاي الفتره بالمستشفى اسمر يعتني بيها يمسح وجهها يبدب الها ملابسها ضل يمسح جسمها بالكلينس المبلل ويلبسها ملابسها اسمر تغير مو ذاك اسمر الي نعرفه صار ميحچي ويانه بس گاعد يمها يباوعلها ويدخن وعيونه حمرر راد يبدب الها ملابسها مريم كالت
مريم: ميحتاج خويه اني ابدللها
اسمر: لا هاي زوجتي محد يتقرب الها
مريم: واحنا شگلنه؟
خزرني اني سكتت ضلينه انه ومريم نباوع اله شلون يبدللها كمل گعد على الكرسي بصف السرير رجع رگبته على حافه الكرسي وغمض عينه
ساره: انتَ ليش كل ساعه تبدل الها؟
ابتسم واردف: هيه چانت تتخبل اذا ما تبدل باليوم فد ثلاث مرات اربعه يلا ترتاح
ساره: اها فهمت
سكت مرد عليه شوي ودخل صاحب اسمر سبحان الله نفس النسخه
دامس: السلام عليكم
الكُل: وعليكم السلام
دامس: ها خويه شلون صارت
اسمر: وجه السطل صوتك مگاعد بمل*** انتَ
مريم احتقن وجهه هو شافهه وصار وجهه ينطي الوان
راد يغير الموضوع گال
دامس: شگال الدكتور
اسمر: ممحزوه هل اسبوع تگعد
دامس: ان شاءلله
گام دامس من مكانه راح تقرب على دارين ضل يباوع الها و اسمر ما منتبه لو منتبه چان طارده چلاليق برا المستشفى كلها
دامس: اكلك شو هاي ريحتهه ريحه اطفال شكو
فتح عيونه وگام ضربه على راسه وسحبه بنهايه الغرفه
اسمر: گو** شكو تتقرب الها لا تخليني ادفنك هنا وعلي
دامس: شسوينه بس والله ريحتهه ريحه اطفال
ضربه بنص رجله على ذاك المكان وهو ضل يكمز متوجع
دامس: نعلا على والديك اشتعل جدك الكو** بكبره
اسمر: دمشي لك گواد
مصطفى مؤمل حسنين: السلام عليكم
الكل: وعليكم السلام
مؤمل اندار وشاف مريم غمز الي واردف
مؤمل: منو هاي؟
ساره: بنت خاله دارين
مؤمل: اها مد ايده حتى يصافحها اهلاً وسهلاً
مدت ايدها وصافحته
