گعدتني مامي الصبح تصيح گعدت منزعجه ضليت
اتگلب بالفراش
فلانه: هيَ شنيه اريد انااممممم
الام: اي من الصخام اللازمته الليل كُله
فلانه: يبووووو غير اخذتي
الام: اي و اني شدراني يلا گومي
گمت و اني فاتحه نص عين رحت للحمام
الام: اسبحي بس مو تتأخرين
فلانه: اي
سبحت و طلعت لبست كوت لونه بيجي طويل و هاينك ابيض و بنطرون جينز و حزام اسود مشطت شعري و
ستشورته كُله اني شعري حيل طويل عفته مفتوح دخلت
مامي
الام: ولچ يلا
فلانه: مامي تعبانه اصبري
الام: لا يتگطع شعرچ
فلانه: لا ما يتگطع
طلعت و هيَ ادردم
الام: بر*** البراسها براسها
ضليت اضحك عدلت شعري و لبست تراچي و گلاده
و حطيت مكياج خفيف حيل لبست حذاء ابيض و رحت نزلت رحت يم مامي
ضليت افتر اراويها البس
فلانه: وش رايچ؟
ابتسمت
الام: حبيبتي انتِ يا هو ييجي بجمالچ ابنيتي انتِ
حيل فرحت بكلامها رحت گعدت حتى ننتظر مدري منو؟
فلانه: مامي منو راح ييجي؟
الام: واحد ييجي ياخذنا
فلانه: يا هو؟
الام: واحد من جماعه اسمر
فلانه: منو اسمر؟
الام: شبيچ من الصخام كلشي متيهه زوج دارين
فلانه: اهاااا زين انطيني الصخام اريد الزمه
انطتنيا اخذته ضليت اگلب بالمقاطع دگ تليفون امي
ردت عليه
الام: اهلاً وسهلا، اي، طالعين طالعين
گمت و گفت
الام: يلا بنيتي يلا خو مناسيه شي
فلانه: لا مامي
الام: لعد يلا جيبي جنطتچ
اخذت جنطي ضليت اسحب بيها لحد ما طلعنا مامي راحت سلمت على رجال شاب جميل و وسيم ذو هيبه
مبين عليه سلم على امي چان واگف لابس رسمي و نضاره سوده و ابتسامته الي ما فارقت وجهه
حسنين: هلا خاله شخبارچ
الام: هلا وليدي
حسنين: اسمر يعتذرلچ و يگول ما گدر ييجي ما يگدر يعوف دارين وحدها دزني انه و ان شاء الله اكو گد المسؤوليه
