دارين
ـــــــــــــــــــــ
اسمر: انتِ شلون هيج تسوين ضليتي ساكته ها بنت الكلب طالعتلي بهيج لبس تريدهم ينزلون عيونهم بنت الكلب قسم بالله اذا تلبسين هيج لبس اشكه عليج اني راح اربيج من جديد سهله سهله
ساق السياره واني بس ابجي ما حجيت شي لانو اذا احجي يطيح حضي فسكتت ورا شوي اردف
اسمر: راح نوصل
فتحت جنطتي اخذت تنت ومسكره كلت خلي اعدل روحي اروح هناك لازم يشوفوني مرتبه مو باجيه وعيوني مورمه فتحت المرايه وفتحت المسكره حطيتها على عيوني فتحت التنت خليت على خدودي وخليت على شفايفي ضليت ادمج باصبعي التفتت على اسمر لكيت ديباوعلي اردفت
دارين: اكو شي؟
اسمر: سلامتج
شوي ووصلنا كدام قصر حيل كبير وحرس بالباب د-ت عليه واردفت
دارين: هنا عايش؟
اسمر: اي بويه يلا تعالي ننزل
فتحت باب السياره ونزلت هو راح يجيب جنطتي لزم ايدي ودخلنا للحديقة بعدين بالبيت
دارين: ليش ما جبت ملابسك؟
اسمر: عندي هنا ملابس
دارين: اها
وصلنا للداخل فتح الباب ودخل شفت المكان كبير واثاثه يجنن وبكل مكان ورود سوينا تسجيل دخول ودخلنا للصاله نداروا علينا كلها تباوع بصدمه اردف اسمر
اسمر: السلام عليكم
الكل: وعليكم السلام
همس اسمر: ولج سلمي
اني استحيت صار وجهي احمر رفعت وجهي واردفت
دارين: هلو
كلها ضلت تضحك اني عصبت واستحيت درت عليه واردفت
دارين: كلت شي غلط؟
اسمر: بعدين هسه راح تنفجر القنبله
باسمه: يمه مني هذي؟
اسمر: يما هاي زوجتي
الكل باوع النا بصدمه وعلامه الذهول على راسهم اني شددت القبضه مال ايدي وايده جنت حيل خايفه
باسمه: شوكت تزوجت وانه ما اعرف ومني هذي المتزوجها مو من ثوبنا
اسمر: لحد يتدخل زوجتي وبكيفي فهمتوا هذا الحجي الموجه للكل
باسمه: من وين انتِ؟
دارين: عمه اني من بغداد
ازهار: ما لكيت الا بنت بغداد
اسمر: شلج دخل انتِ
ازهار: عمه احنا موعودين لبعض من جنا أطفال شو هسه متزوج هاي الطفله الما معروف أصلها من فصلها
دارين: عفوا بس اني مو طفله
ازهار: اكلي خر** طفله بربو** لو ما بربو** ما جان اخذتي مني يا النا متربايه اهلج ما عرفوا يربوج
