ـ ضليت انتضرها لحد ما اجت سلمت عليها ومن ردت اطلع لزمت قلبي
مريم: شبيج دارين شبي قلبج؟
دارين: ما اعرف حاسه راح يصير شي اليوم
مريم: استهدي بالله وخلينا نطلع ميصير الا كُل خير حبيبتي لا تخافين
- فتحت الباب نريد نطلع الا شفت ثلاثه دوريات شرطه محوطين الباب رجال ضخمين يخوفون
دارين: ش شكو منو انتم؟
احد الضباط: هذا مو بيت فلان الفلاني؟
دارين: اي عمو ليش؟
احد الضباط: فتو فتشو البيت
- دخلو هواي من رجال الشرطه اني ضليت صافنه شوي واجه واحد سحبني من ايدي وطلع الكلبچات وكلبچ ايدي
دارين: ليش والله ممسويه شي شكو؟
احد الضباط: البيت مشبوه عليه شبهه
دارين: شبهه شنو؟
احد الضباط: اسكتي بلا لغوه
دارين: اريد افهم
احد الضباط: هاي هم كلبچوها
مريم: اني شعليه ولك شنو شمسوين
- ضلينا صافنين الا شوي وطلعو امي مربطين ايديها
دارين: فكو امي شبيكم تخبلتوا فكوها داكول
- شوي وشفت واحد اجه من بعيد لابس بدله عسكريه ضخم وطويل وشواربه ثخان اسمر كُلش
اسمر: حلو يعني هم تجار بالمخدرات وهم لسانها طويل
دارين: انتَ شدتحجي؟
اسمر: يا ليش متعرفين على اساس
دارين: ممكن احد يفهمني عوفو ماما عوفوها
اسمر: اسكتي لا اربط حلكج
اسمر: شلونج خاله
صفا(ام دارين): هلا وليدي
اسمر: طببوهن للبيت خلي نتفاهم وياهن
- طببونه اني ومريم وماما واني على راسي الف علامه استفهام
اسمر: اي خاله بلشي احجيلي شوكت بلشتوا بأمور المخدرات؟
دارين: انتَ تفهم عقلك بي شي داكول محد يشتغل هاي الشغله يمعود شبيك افهم افهم
اسمر: سدي حلكج دنحجي ويه الوالده اي خاله احجيلي
صفا: والله يا ابني ما اعرف شحجيلك
دارين: ماما شبيج احجي شبيج توترتي كوليله انو احنا مالنه علاقه بهذا الشغل
اسمر: خاله تكدرين تتصلين بزوجج وابنج ييجون هسه حتى نلقي القبض عليهم؟
دارين: اطلع منا اطلع يريد يلقي القبض عليهم كال فكو ايدي خلي اطرده فكوها
اسمر: اهدئي يلي ديحجي وياج بالدوله مو حبيبج تحجين ويا هيج
