عدت ثاني يوم لگيت اسمر نايم يمي واني اگوم واعيط عيطه فز مرعوب يتلفت يمين ويسار
دارين: لك عزاا شتسوي يمي متستحي؟
اسمر: انه شعليه انتِ چلبتي بيه
دارين: شنو چلبت بيك حبيبي
اسمر: الله شو عيديها
دارين: نچب بالغلط
اسمر: شعليه انه ردت اطلع انتِ جريتيني وچلبتي بيه چا شلي دخل
دارين: ايعع ضليت اروح وارجع اباوع عليه واكول ايعع سويتها اكثر من مره
اسمر: انه لازم اگول ايع مو انتِ
دارين: لا والله ضحكتني
اسمر: اي چا انتِ چنتي لازگه بحضني
دارين: يمه يمه
گام وكف واجه بأتجاهي واردف
اسمر: لگيتلچ طريقه حتى طولين بيها
دارين: شنو هيه؟
اسمر: دفني رجليچ بالتراب وصلي اسقي بيهن
دارين: على هذا طولك الي يريد يسلم يحط درج
اردف بضحكه اسمر: چا شسويلچ انتِ قزمه
دارين: عفنه الطول الك
اسمر: ام لسان نچبي
دارين: نچب ابو خشم شفته يحك برگبته كأنو اكو كلام يريد يحچي اردفت اكو شي؟
اسمر: اليوم راح اطلعچ تشوفين مريم
سمعت هذا الكلام رحتله ركض واردفت
دارين: گول والله
اردف بستهزاء: يمكن اغير رئيي؟
دارين: نچب لا والله ما تنرد
اسمر: تمام هسه شوفي انتِ شنو تريدن اجيبلچ
دارين: مثل شنو مفهمت؟
اسمر: انسي انسي
دارين: تمام
طلعنا برا الغرفه اكلنا وخلصنا هو راح يمسح سلاحه ويعدله واني لميت الاكل وغسلت المواعين ورحت يمه وسئلته
دارين: اكولك مريم وين؟
اسمر: بعدين تعرفين
دارين: لا اريد اعرف هسه
اسمر: گلت بعدين
دارين: عمو شبيك
اسمر: تمام حتى بعدين ماكو
دارين: عمو نتشاقه شنو ماكو شقه بيناتنا
ورحت اتوجهت للغرفه وضليت ادردم عليه
اسمر: مو راح اگوم اكفر بيچ
دارين: اوووي
اسمر: تعالي تعالي
ابتعدت وهو يصيح
دارين: ششتريد؟
اسمر: شبيچ اريد كحول انضف بي وينه؟
دارين: هياته وانطيته اله
