دارين
مرت فتره طويله تقريباً حوالي 3 اشهر الحَمدُ لله الوضع كُلش زين من كُل النواحي بيوم چنا گاعدين اني و مريم دنتغده
مريم: اگولچ هسه شصار عليهم؟
دارين: واللهما اعرف ولا اريد اعرف اصلا
مريم: هيچ تكرهي؟
سكتت ما اعرف اذا اني احبه او لا
مريم: تحبي لو لا؟
دارين: ما اعرف چنت بالبدايه احب لطافته و حنيته بس هسه نچلب
مريم: ههههههههه حتى دامس
دارين: الله كريم
مريم: شبيچ؟
دارين: ما اعرف بس احس روحي دايخه و راسي يوجعني
مريم: سلامتچ شبيچ؟
گمت من الغده اريد اشيل المواعين لانو خلصنا اكل دخت حيل چلبت بالميز ردت اوگع اجت مريم لزمتني
مريم: تعالي امشي گُعدي
سندتني و رحت گعدت بس احس روحي مختنگه گعدت مقابيلي مريم تكتفت و ملامحها واضح عليها الجديه
مريم: لشوكت انتِ تضلين تشردين من المراجعه
دارين: اهووووو ما اريد هيَ گوه اووووف
مريم: اي گوه بعدين العصر نحجز و نروح
دارين: والله ما اروح
مريم: العليه گلته
دارين: مااااا هيَ شنيه
مريم: حبيبتي والله على مودچ
دارين: خوش
اجت باستني و راحت ضلت تشتغل و اني اخذتلي شوي نومه چنت حيل نعسانه گعدت عليها هيَ تهز بيه
مريم: يمعوده يلا گُعدي شنو السالفه
ضليت اتگلب
دارين: امممم تعبانه اريد انام
مريم: گومي حجزت و اجيت
رأساً درت عليها چانت مبدله و كاشخه بكامل اناقتها چانت لابسه قاط كامل باللون الاسود و قميص ابيض فاتحه اول دگمتين و جنطه ماروني و كعب ناروني و حمره ماروني ضليت صافنه عليها
دارين: يا خايسه ليش اطلعين وحدچ؟
مريم: چا شنو
دارين: بله عيدي؟
مريم: شنو؟
دارين: عيدي شنو گلتي؟
مريم: شنو؟
دارين: القبلها
مريم: چا؟؟
دارين: شنو حنيتي گمتي تحچين بصراوي؟
مريم: ههههههه دگومي يلا گومي روحي سبحي اني اطلعلچ ملابس فوتي يلا
دفعتني دفع للحمام سبحت و خلصت طلعت و هيَ واگفه تباوع بساعتها و تهز برجلها
