مؤمل: ش شنو شبيها؟
دامس: حسنين بسرعه سويچ السياره بسرععههههه
اسمر: ماتت؟
مصطفى: مابيها شي كافييييييي
شلناها ورحنا للمستشفى لو عندها لسان چان حچت شگد نجيلها اخذوها چان وجهها ازرق ومتتحرك گعد اسمر على احد الكراسي متوتر يهز برجله
مصطفى: كله من ورا هذا لو مطلگها
اسمر: لا تخليني امطلك هسه بالگاع
دامس: هيووو كافي مزعطه انتووو كافيييي
مؤمل: كافي الناس جتي تباوع
اسمر: خرا بالناس
دامس: اگعد لا انعل ابوك
سكتو وضليت اروح منا واجي منا طلع الدكتور وگال
الدكتور: وين اهل المريضه؟
اسمر: احنا گول دكتور شبيها؟
الدكتور: الحمد لله على سلامتها بالاول والشي ابثاني شنو السبب يلي خلاها تصير عدها جلطه بالدماغ؟؟
مصطفى: شنو شنو دكتور شنو جلطه ليش؟
الدكتور: اطمئنوا مصار بيها شي بس جلطه اذا تنجلط مرا ثانيه حلگها ينعوج وايدها كذلك انتبهو للصحتها ولعلاجاتها لازم تلتزم بيها
مؤمل: دكتور يعني هسه ما بيها شي صح؟
الدكتور: اي
دامس: چا دكتور ليش نگطع نفسها؟
الدكتور: اثر الجلطه انتبهو عليها بالأخص هيَ مرا چبيره بالعمر سلامتها ما تشوف شر ان شاء الله
دامس: مشكور دكتور
دخلنا لگينها گاعده رحنا يمها ضلت تبچي
كِناز: ليش ليش هيچ تسوي بيها البت يتيمه تطلع حوبتها بيك
اسمر: جده متوازي والله
كِناز: لا تچذب ولك فصخت البت اليتيمه علمود هاي البر***
اسمر: جده مجبور مجبور
كِناز: لا تگول مجبور گول عشگتها
اسمر: عشگيش رحمه لمحمد كافي بعد لا تفتحون الطاري
كِناز: عساك بالبهذله وياها
اسمر: شسالفه جده تحبيها اكثر مني؟
كِناز: اي
اسمر: اشكرچ
رجعنا للبيت
دارين
گعدت جسمي مكسر من الألم البنات مو يمي حاولت اگوم بالگوه سندت نفسي فتحت الباب ونزلت جوه لگيتهم گاعدين بالمطبخ چنهن متوترات
دارين: شكو؟
فزت مريم: هاي شگعدچ دودي
دارين: شبيكم؟
