دارين
فتحت عيني واني گاعده بحضن الجده تقرأ عليه صوتها چان كُلشي مريح اريد اضل
كِناز: ها حبيبه شلون صرتي
گمت من يمها والانظار كُلها عليه رحت فتحت الباب وطلعت للحديقه رحت گعدت على المرجوحه وضليتاهز نفسي شوي واجه وراي اسمر
اسمر: حبيبي لا تتمرضين الجو بارد
مرديت عليه والدموع دتنزل هو مشاف الدموع لانو چنت منزله راسي اجه گعد ركبه ونص شاف الدموع شالني من المرجوحه وحضني وضل يمسد على شعري
اسمر: ليش ليش هل دموع اللؤلؤ لا تنزلي
ضليت ابچي فرغت كلشي بداخلي بوقتها حضتنه بكُل قوتي وضلست ابچي
دارين: ليش ليش خليتهم يعدمون بابا ليش خليتهم يسجنون اعز ما املُك ليش ليش يعني بابا عدموا تعرف شنو اعدام؟ حتى چنت فرحانه اريد القاضي يخلص كلامه حتى اروح احضنه حتى لو هو بأخر فتره تغير عليه بس اني احبه هيچ تعدموا بهل سهوله
وخرت من حضنه وضليت اضرب بصدره
دارين: انتَ اي انتَ السبب بهذا الدمار انتَ عمري وحياتي مراح اسامحك چنت عليشه حياه حلوه جميله اجيت انتَ خربتها شمسويتلك اني هاا؟
سكت
دارين: جاوبني
اسمر: كافي بويه ابوچ هذا مصيره شنسوي
اجه حضني واني ادفع بي
دارين: شنو هذا مصيره يا حقير انتَ تعرف شتحچي شگد اكرهك اني
اسمر: اششش بويه كافي كافي
شالني واني ضاله ابچي شفتهم چانوا ديباوعولنا من الشباك شالني واني محاوطه رقبته بأيدي ودموعي تجري دخلني وصعدني فوگ نومني على الچربايه وراح سد الضوه وشغل تيبلام ووخر الغطه وجه حضني لصدره محاوط خصري ودافن وجهه بركبتي ويحچي
اسمر: وداعت عيونچ الما احلف بيهن چذب
مو بيدي والله مو بيدي لو چان بيدي مچان اخليچ هيچ تعبانه ومريضه يا نضر عيني انتِ لا تبچين دموعچ غاليه
وخرت من حضنه ورفعت راسي ضليت اباوع بعيونه وهو يباوعلي
دارين: بس اني تعبت
اسمر: ذبي تعبچ عليه انه اسحبه منچ
دارين: تعبت ياربي تعبتتتتت
حضتنه ضليت ابچي وهو يبوسني ويحچي كلام حلو
الا ان نمت
مريم
فتحت عيوني وادور بالمكان هاي اني وين؟ يا تذكرت اني مو ببيتنا گمت چنت ما منتبهه نفسي شلابسه طلعت افرك بعيني طلعت دخلت للحمام غسلت وكملت طلعت واشوف بوجهي دامس عيونه بقصته
