فلانه
گعدت على صوت الباب تفلششش گمت مخترعه
ادور امي ماكو گمت ركض فتحت الباب و اني الهث
فحطانه فتحت الباب لگيتها دارين واگفه و متخصره
دارين: گُعدي عيني ورانا طلعه
فلانه: وين؟
دارين: غير ندور فساتين بنفس الاسبوع العرس
فلانه: اهوووو خليها غير يوم
دارين: ما ضل شي يلاا گومي تريگي ورا الغده
نطلع اني وياچ و البنات
فلانه: تمام زين امي وينها نست عندها بنيه؟
دارين: والله خاله گاعده يم بيبي
فلانه: اها خوش
راحت و اني حضرت ملابس و دخلت اسبح لبست
لبس حلو لونه كُحلي صوف و شبشب ابيض رحت
استشورت شعري فتحته و لميت كم خصله و حطيت
قراصه بيضه بشعري و حطيت بس مرطب و اتعطر
و نزلت جوه رحت للمطبخ چنت حيل جوعانه فتحت
باب الثلاجه طلعت جبن و سويتلي لفه و چاي طلعت بالگراج اريد اگُعد على المرجوحه طلعت لگيت حسنين
موجود حچيت بصوت ناصي
فلانه: اهوووو
درت ردت اروح سمعته حچه
حسنين: شايفتلچ جني
درت عليه
فلانه: ما حاچيه وياك
حسنين: محد هنا اذا ما حاچه وياي يعني انتِ خبله
فلانه: هاا لا نو خبله
رجع على اللابتوب ضل يضحك
حسنين: چا عليه
فلانه: انتَ منو يمك مو عليك اهووو هسه الچاي برد
حسنين: گعدي
فلانه: ها؟
حسنين: گعدي ما مضايقچ گعدي نسولف
ترددت بس وراها گعدت همَ مسوين مثل گعده
بالحديقه حاطين تخم گعدت بالتخم يلي مقابيله
كُلش گعدت ضليت اكُل و اشرب بالچاي هو يباوعلي
و يبتسم
فلانه: خير؟
حسنين: شگد عمرچ؟
فلانه: 16
حط رجل على رجب و اخذ الكوب مالته و ضل يشرب
و يباوعلي من فوگ لتحت
حسنين: بعدچ صغيره
فلانه: اي ادري
حسنين: يا صف؟
فلانه: خامس
حسنين: حلو شتردين تصيرين
فلانه: الله كريم
حسنين: صيري مهندسه حتى اعينچ بشركتي
فلانه: اشكرك
حسنين: شگد شايفه نفسچ لخاطر الاسلام
فلانه: مشايفه نفسس انتَ مغرور فـ تشوف
كُل الناس مثلك
