أنتي الفُـؤاد ومَا حَـوىٰ

النهايه | The end

-
بعد وقت تجهزوا كلهم ورفع يده غيّاث لسهّم ينطق : عند النياق؟
هزّ راسه سهّم ورفع صوته ينطق : عند النياق
ركبوا سياراتهم وتوجهوا لموقعهم السابق في النفود , نزلوا من سياراتهم بعد وصلوا ونزل نظره جرّاح لبنته ليان اللي نطقت : ابويّ برد!
ابتسم جرّاح : ألبسي جاكيتك
التفت جرّاح من سمع صوت سميّ سهّم وراه ينطق وهو يضحك  : ابويّ هذي ما شافت المربعانيه
جرّاح : إنت اسكت
تقدموا كلهم يتعاونون ويفرشون الفرشه , وففت وجدان بجانب ليال ونطقت تناظر راكان وعزيز اللي يضحكون ويضربون بعض : عزيز وراكان مستحيل يعقلون!
التفتت ليال ونطقت تضحك : نسخة سهّم وغيّاث المصغره
جلسوا كلهم بجانب بعض وكل واحد بجانبه عايلته , وقف راكان ينطق : شرايكم ياعيال نجيب ناقه هنا؟
وقفوا معه العيال عزيز وآسر وهشام وفارس وسميّ سهّم بركضون وراه ورفع صوته جرّاح ينطق : لا تطيّرون النياق بس
التفت حور له تنطق : مابيجيهم شيء من النياق؟
ابتسم جرّاح : لا ماعليك ذيابه
التفتت غرام لهم ونطقت بابتسامه : عادي نروح؟
ابتسم غيّاث ينطق : انطلقوا وانتبهوا لأنفسكم ولا تحارشون العيال عشان مايطلعون النياق عليكم
هزّوا روسهم البنات يوقفون ويمشون للشبك , صرخوا العيال من شافوهم متقدمين ولهم ونطق آسر : وش تبون انتم لاحقينا بكل مكان؟
ليلى : اقول احنا قلنا لابويّ نجي
تنهد آسر وتفرقوا العيال يمشون وبقى بس راكان اللي دخل الشبك للنياق , التفت ريما لأسرار ونطقت : روحي لخطيبك!
هزّت راسها بالنفي أسرار : لا تكفين ماما بتلعن خيري
ريما : يا مامي ماعليك انا ابني لك مسجد واتصدق عنك بس روحي له
ابتسمت غرام بخفّه : حرام اخوي تعب كثير!
التفتت أروى تضرب أسرار بخفّه وتنطق : يابنتي روحي له يناظرنا
تنهدت أسرار ونطقت : شكلي حلو؟
ليلى : يجنن بتطيّحين اخوي من اقصاه
ضحكت أسرار ومشت من عندهم , اخذت نفس تشوفه واقف عند احد الأبل ويناظرها , تقدم يفتح لها الشبك ونطقت أسرار : لا مارح ادخل عند النياق
هزّ راسه وطلع من السبك يوقف بجانبها ونزل راسه لمستواها ونطق : عرفتي ليه امك رفضتني؟ سألتيها؟
هزّت راسها بالنفي أسرار تهمس : اخاف
ابتسم راكان ينطق : انا كلمتها , قالت لي ان ما رفضتني عشاني راكان , رفضتني عشان بعثتك , قالت ماتبي تنخطبين وتروحين وينشغل بالك
رفعت راسها أسرار وناظرته تسكت , لأن فعلًا راكان خطبها لكن ليال رفضت خطبهم وكانت ماهي راضيه تقول السبب , الكل كان يحسبها صادقه بكلامها انها ماتبي راكان بس هي ماكانت تبي أسرار تتزوج وهي للحين ماخلصت دراسه وللحين ماراحت لبعثتها , ابتسمت أسرار وبانت غمازاتها له وابتسم راكان : ترا اقول لابويّ يعجل بالملكه!
ضحكت أسرار ومشت عنه تعطيه ظهرها , ناظرت مكان البنات وعضّت شفايفها ماحصلتهم , مشت للجلسه وجلست بجانب ليال , نزلت عيونها لكف ليال ورفعت راسها من همست ليال : اعرف انك شفتيه , شفتكم مع بعض
نزلت راسها ماتنطق بحاجه وابتسمت ليال تهمس : قالك سبب رفضي؟
ابتسمت أسرار تهزّ راسها ورجعت تهمس ليال : ما ابيك تنشغلين بشيء غير دراستك , وتضيّعين تعب ابوك عليك , أسرار ابوك فعلًا تعب وهو يحصل لك بعثه كويسه لك وتناسبك لأن يبي بنته وبِكره ترفع راسه , لا تصدقين كلام الناس اللي يقولون اني رفضت عشانه من اقاربنا
ابتسمت أسرار وشدت على يد ليال تهمس : اوعدك مارح انشغل بشيء غير دراستي وارفع راس أبويّ وافرّحك
ابتسمت ليال وناظرت أسرار سهّم اللي يسولف ولا عرف باللي حصل كله , اخذت نفس براحه تستشعر الراحه بين اب مثل سهّم وام مثل ليال , حاربوا الكل عشانها هي وعشان تكون افصل الناس وماينقص عليها حاجه , حتى على اخوانها ماقصروا , رفعت راسها من نطق جرّاح يقصدها : الدلوعه سرحانه اليوم وهي مزعجتنا تبي تطلع
جارح : جرّاح بقاموسك محد يفكر بينه وبين نفسه؟
ابتسمت أسرار تنطق : لا بس كنت افكر ببعثتي
ابتسم جرّاح : ايه صيري مثلي مهندس جبت مرتبه الشرف
ضحك غيّاث ينطق : بس مرتبه شرف كم؟
رفع اكتافه جرّاح يمثّل العدم معرفه وضحكت أسرار بخفّه : بصير مثل بابا محاميه
ابتسم سهّم بوسع ثغره : عزّ يابنتي عزّ
ابتسمت أسرار تنزل راسها بخجل , جاو البنات وناظروها والتفتوا على بعض يضحكون , ظنًا منهم ان راكان اخجلها , عدا الوقت وجاء وقت العشاء , تقدمت ليلى تعطي راكان صحون السلطه وغمزت له تنطق : وش قلت لأسرار؟
راكان : عليك بنفسك بالعزابيه
كشرت ليلى تنطق : شوف من يتكلم , حتى ماكتبتوا كتابكم
ضحك راكان وأخذ الصحون يوديها لسفرة الرِجال , جلس بجانب عزيز والتفت عليه عزيز يهمس : شفيك تتبوسم
ناظره راكان يهمس وغمز له : شفت اختك
قبصه عزيز وتآوه راكان بألم , رفع راسه جارح عليه ونطق : شفيك؟
عضّ شفته راكان : لا بس يمكن نمله قرصتني
ابتسم عزيز : متألم من نمله ياولد العميد!
التفت له راكان ينطق : النمله يبي له تربيه
هزّ راسه غيّاث بالأسف ونطق : تعشى تعشى بس
ابتدوا يسمّون بالله وبدأوا اكلهم وسط طقطقتهم على بعض ..
~ قسم النساء ~
بين ضحكاتهم والأغاني والرقص بينهم , ابتسمت اروى تصرخ : نبي أغنيه تحمس!
ضحكت وجدان : أغاني وبالبر؟ قدينا خير
ريما : هي معي ورد جاف بنلعب زواج
ابتسمت غرام تعضّ شفتها : مين العروس؟
صرخوا البنات ينطقون بنفس الوقت : أسرار
أسرار : لعنه ما لقيتوا الا انا!
مشت ليلى تاخذ الطرحه وتحطها على رأس أسرار ومشت ريما تاخذ الورد الجاف وشغلوا زفه عروسه وابتدوا يدورون كلهم حول أسرار ويرشون على أسرار الورد , ابتسمت أسرار بوسع ثغرها ونطقت ترفع صوتها : خلاص بروح لزوجي تأخرت
ضحكت اروى تغمز لها : اشتقتي للبيبي؟
عضّت شفايفها أسرار تضربها بخفّه , رجعوا يجلسون ونطقت ليال : مين اللي مشغله الأغاني؟ اهنيها على ذوقها
أشرت على نفسها ريما تنطق : انا شغلتها , شرايك بذوقي؟
اروى : زي الزفت مع احترامي
ضحكت ليلى : هو بقى فيها احترام؟
سكتوا من سمعوا صراخ العيال اللي برا ويلعبون كوره , حور : الله يخرشهم
ضحكت سديم تنطق : فرق الثقافات
ابتسمت ريما : احنا رقص واغاني وهُم كوره
وقفت وجدان تنطق : يلا نقوم نشيل الأغراض اكيد بيقولون بنمشي دامهم يلعبون كوره
وقفوا معها البنات يساعدون بعض , جاء بيدخل آسر وناظرهم واقفين يعدلون المكان ونطق : ابويّ قالي تتجهزون عشان نمشي بس اللي اشوفه جاهزين
أسرار : تنكت؟
هزّ راسه أسرار وتقدم يدخلها بحضنه , ابتسمت أسرار تحاوطه ورفع راسه آسر يشوف ليلى المبتسمه وغمز لها , ضحكت بخفّه ليلى وطلعوا كلهم من المخيم يركبون سياراتهم تنتهي ليلتهم ..
~ بعد أسبوعين ~
جهزت أسرار شنطها للبعثه وعضّت شفايفها ماودها تترك القصور وتطلع من السعوديّه , اخذت نفس تخفي عبرتها ووقفت تاخذ شنطها تطلع من غرفتها , ناظرت بعزيز اللي امامها وناظرت وجهه الحزين ونطقت : ما ببعد شهرين وراجعه
اخذ نفس عزيز : شهرين عندنا قرنين , بتروح دلوعتنا؟
ابتسمت اسرار تتقدم له تحضنه ومسحت على ظهره تهمس : برجع واملي غرفتك لوحات وألوان
ابتسم عزيز وغمض عيونه بحضنها , رفعت راسها اسرار من سمعت صوت آسر وراهم ينطق : وانا مالي نصيب من حضنكم؟
ضحكت اسرار من شافته متخصر وهزّت راسها , تقدم آسر يحضنهم , حضن الأخوان اللي بيخلد بذاكرتهم للأبد , ابتسمت ليال من وراهم تشوف تربيتها هي وسهّم والشيء اللي اثمروه بتربية ابناءهم هي حُب العائله , تتذكر موقف لعيالها لمّا كسّر عزيز فازا واسرار وآسر قالوا انهم كسروا الفارا , التفتت لسهّم اللي حط ذراعه على اكتافه وابتسمت تنزل راسها على كتفه , ابتعدت اسرار عنهم ونطقت ترفع سبابتها : يويلكم تبكون!
هزّوا روسهم اخوانها واخذوا شناطها ينزلون , ناظروا بسهّم وليال اللي امامهم وابتسم آسر ينطق : هاوشها يا المحامي وقُل لها تجلس
ابتسم سهّم يهزّ راسه بالنفي : مهما بعدت عننا بتجي رافعه روؤسنا
ابتسموا كلهم وتقدمت اسرار تحضنه وتقبّل خده تهمس : احبّك
مسحت ليال دموعها اللي تورقت على خديها وتقدم لها عزيز يمسح دموعها ينطق : امي ما بتروح للأبد , بترجع
ابتعدت اسرار عن سهّم وتقدمت لـ ليال تنطق : والله برجع شفيكم تبكون كأني بهاجر
ابتسم آسر : لأن ماعندنا الا دلوعتين , وحده منهم بتروح
ضحكوا كلهم لأنه يقصد ليال واسرار , الوردتين الحمراء بين الورد الأبيض , اخذوا شناط اسرار يركبونها السياره , ركبت اسرار مع آسر وعزيز يوصلونها للمطار , طلعت السياره من القصور تحت انظار سهّم وليال , رفعت راسها ليال لسهّم : لمّا تعامل اسرار كذا اتذكر ابويّ
نزل عيونه سهّم لها وهمس : الله يرحمه ويرحم معه عمّتي نوال
ابتسمت ليال تهمس : الله يرحمهم
دخلوا للصاله وجلست ليال بجانبه , رفعت كفها تلمس شيّبه ونطقت : ما تغيّرت
ابتسم سهّم : اشوفك ليال اللي عمرها ثلاث وعشرين عام , اناظرك مثل نظرتي لك بيوم جيت الديره وكنتي امامي
ضحكت ليال بخفّه وانحنى سهّم يقبّل كفها , كبروا مع بعض بالسنين وما زال حُبهم موجود , ومُمكن انه كبر معهم! , هي تنظُر له سهّم اللي مهما صارت له ضغوطات بالحياة بيقى يجي لها بابتسامه ولا يضايقها , وهو ينظُر لها القوّه اللي تزيده كل يوم بمُجرد انها تبتسم له , وثمراتهم وحصيلة افضل ايامهم وزادت ايامهم حلاوه! ..
~ المطار ~
سمعوا نداء طيارة اسرار وتقدموا يحضنونها , ابتسم آسر : لا تلوّح للمسافر
ابتسم عزيز يكمّل الأغنيه : المسافر راح
ضحكت اسرار تلحن معهم : ولا تنادي المسافر , المسافر راح
ابتسموا يلحنون مع بعض : يا ضياع اصواتنا في المدى والريح!
سكتوا لوهله ونطق عزيز : القطار ماهو وفاتنا بعيد الشرّ , القطار بداية نجاحنا
ابتسمت اسرار ونطقت : انتبهوا لأنفسكم ودقوا عليّ دايمًا وطمنوني
هزّوا روسهم ونطق آسر : وإنتي لا تتأخرين علينا
ابتسمت اسرار تهزّ راسها ومشت لممر الطائره , اختفت من انظارهم وناظروا بعض ونطق عزيز : تعال بعزمك
هزّ راسه آسر : ما اقول لا
مشى وراه يدخلون احد الكوفيهات يغيّرون مزاجهم شوي ..
~ القصر الرئيسي , جناح جرّاح ~
تنهد جرّاح يشوف اروى وهشام يتهاوشون ونطق : وش فيكم؟
اروى : ابويّ قلت له عادي تطلع للمندوب برا وقالي اعطيني فلوس وانا اطلع له
مسك راسه هشام ينطق : كذّابه! قالت لي روح للمندوب واعطيك فلوس وجبت لها طلبيتها وما اعطتني فلوس!
ناظرهم جرّاح واشر لهشام : تعال
تقدم له هشام ومد له جرّاح فلوس ونطق : لا عاد تتهاوشون
التفت على اروى ونطق : وإنتي اوفي بوعدك واعطيه تمام؟
هزّوا روسهم ودخلوا كل واحد غرفته , ضحك من سمع صراخ هشام وهو يلعب بالألعاب الألكترونيه , التفت لحور اللي تقدمت له تجلس بجانبه ونطقت : شفيهم؟
ابتسم جرّاح يرفع ذراعه على اكتافها ونطق : متهاوشين وصلّحت بينهم
هزّت راسها حور واقترب جرّاح ينوي نيّته لكن سرعان ما ابعدته تنطق : جرّاح الشيب مالي راسك وبتسوي حركات مراهقين؟
رفع جرّاح حاجبينه ينطق : وين الشيب ترا عمري اربعه واربعين
ابتسمت حور وميّل راسه يقبّل خدها وابتسم يرفع راسه ينطق : عندي لك مفاجأه الليله
ابتسمت حور تسند راسها على كتفه وهي ساكته تسمع ايش يسولف لها ..
~ القصر الشرقي ~
بعد ما خلص للقصر التغيير وسكنوا فيه جارح وسديم وعيالهم بعد ماطلعوا منه غيّاث ووجدان , ابتسمت سديم تشوف ريما وفارس يتهاوشون باللعبه ونطقت : ماتخلصون هوشات؟
تقدم لها فارس ينطق : امي قلت لها بركب الأدهم وركبت قبلي وانا قايل لها بركبه!
ضحكت سديم : وهذي هوشتكم؟ ابوكم مب شرا لكم خيول وخلاص كل واحد عنده خيل
تقدموا يجلسون امامها ونطقت ريما : ماما بس خيولكم حلوه ومدربه , مالي خلق ادرب الخيل حقي
فارس : وانا الصراحه عاجبني لون الأدهم , اسود مثل الفحم ومثل الليل , يعجني لونه
سكتوا للحظه وابتسمت ريما تنطق : ماما صح لمّا ابويّ فاز بالسباق العالمي كنتوا متزوجين؟
هزّت راسها سديم بالنفي تنطق : خطبني بعد السباق بفتره
ابتسم فارس : تزوجتوا عن حُب؟
هزّت راسها سديم بالإيجاب وبخجل يعتري ملامحها , ضحك فارس وصرخت ريما : واو متزوجين عن حُب! وين زوجي؟
ضحكت سديم : يجيك الخير لا تستعجلين وخلصي جامعه
انتشر صوت الآذان بالحيّ ووقف فارس يروح للحمام يتوضى والتفتت سديم على ريما تنطق : ليه ماتروحين تتوضين؟
نزلت راسها ريما باحراج : امي!
فهمتها سديم ووقفت تروح تتوضى , طلع فارس من الحمام ومشى يلبس ثوبه عشان يصلي بالمسجد كعادتهم , طلع من غرفته وناظر ريما جالسه ونطق : ورا ماتقومين تصلين؟
ناظرته ريما : صليت
رفع حاجبينه ينطق : امداك! توّه مأذن
تنهدت ريما لأنه بينشب لها ووقفت تمثّل امامه انها تروح للحمام , طلع وواجهه جارح وابتسم جارح ينطق : رايح المسجد؟
هزّ راسه فارس ومشوا مع بعض يطلعون من القصور للمسجد , دخلوا المسجد وناظروا بالعيال كلهم موجودين وابتسموا على التربيه المثمره , ابتدأ كل واحد يستغفر ويقرأ قرآن إلى ابتدأ المأذن بالإقامه ..
~ القصر الرئيسي , بعد وقت ~
دخل راكان القصر وناظر خواته اللي يرتبون الصاله عشان يتابعون افلام , تقدم لهم ونطق : وش بتسون؟
رفعت راسها غرام : بنسولف , تجي؟
جلس ونطق : اكيد
رفعت سبابتها ليلى تنطق : شوف إذا بتحوس الصاله اطلع برا
رفع يدينه راكان : لا ما عليك بكون مؤدب
ليلى : نشوف يا المؤدب
جلست غرام وناظرهم راكان ينطق : متى بتخلصون جامعه؟
ليلى : ثلاث سنوات
ابتسمت غرام : سنه
ابتسم راكان : ادععس بتتخرجين السنه الجايه
هزّت راسها غرام تبتسم ونطق راكان : هديتك عندي
رفعت حاجبينها ليلى : هي تراني جالسه معكم
سد خشمه راكان يضحك : اوه في ناس تدرس السنه الجايه
ناظرته ليلى تصغر عيونها ونطقت غرام : هي حتى انا ادرس معها السنه الجايه
ضحك راكان : معليش آسفين
ناظر الساعة ووقف ينطق : ودي اجلس معكم بس وراي دوام
مشى لغرفته ونطقت ليلى : هذا جاي يسولف معنا ولا يتعرف علينا؟
ضحكت غرام : بيجيك يفرشك بالأرض
ليلى: للحين اتذكر سالفه ياكنترول والتصفيق اللي كنت اتصفقه , كنت معنفه
غرام : تصفقتي فداءًا للوطن
وقفت ليلى تدق تحيّه وضحكت غرام تنطق : كيف عرفت ان ابويّ واخوي عسكريين
ضحكت ليلى تجلس واخذت كوب قهّوتها وهي تستمع لسوالف غرام ..
-
نزلت من الطياره وهي تسحب شنطتها الصغيره وابتسمت من شافت اهلها واقفين يستقبلونها , ابتسم سهّم من شافها مقبله عليهم وسرعان ماحضنته , مسح على ظهرها ينطق : حمدلله على سلامتك وأهلًا بك من جديد
ابتسمت اسرار ونطقت : الله يسلمك
ابتعدت عنه وتقدمت تحضن اخوانها ونطق عزيز : اخيرًا يا الغايبه
ضحكت اسرار ونطق آسر : المسافر ماعاده رايح , المسافر رجع
ابتسم عزيز : يلا يا قلبي تعبنا من الوقوف
آسر : ما بقى باللّيل نجمه ولا طيوف
ابتسم سهّم يلحن معهم : ذبلت أنوار الشوارع وانطفى ضي الحروف
اسرار : يلا يا قلبي سرينا ضاقت الدنيا علينا
رفع صوته عزيز : القطار بدايتنا!
ضربه آسر ينطق : فشلتنا
ضحك سهّم ونطق : يلا لا نتأخر عليهم
تقدموا ياخذون شنطها وطلعوا من المطار راجعين للقصور , تنهدت اسرار براحه لأنها رجعت لموطنها يحتضنها من جديد , وقفوا ونزلت اسرار تشوف الترتيب بالحديقه وتقدمت تحضن ليال وهي تنطق : وحشتيني وحشتيني!
ابتسمت ليال ترفع ذراعيها على ظهرها وهمست : ما اقدر اعبر عن شعوري من الشوق
ابتعدت عنها اسرار وغمزت لها : شريت لك اشياء تحفه
ضحكت ليال ومشت اسرار تسلّم عليهم , ابتسم غيّاث ينطق : وش احلى السعوديّه ولا امريكا؟
اسرار : طبعًا السعوديّه!
ضحك غيّاث وتقدموا يجلسون مع بعض , ابتسم جرّاح : وين الهدايا؟
وقفت اسرار تنطق : موجود
وزعت الهدايا عليهم ووقف عزيز يرفع حاجبينه ينطق : لحظه وين لوحاتي؟
ابتسمت اسرار : مافي مكان احط فيها اللوحات نشتري من هنا
ابتسم عزيز يتقدم يحضنها تحت انظار راكان لهم , يتمنى لو هو بحضنها الآن مثل عزيز , يتمنى او يرجع فيهم الزمن وتحضنه وهُم صغار , قاطع هواجيسه فارس اللي وقف ينطق : مين يلعب كورة سله
وقفوا العيال يمشون ورا بعض للملعب وابتسم جارح ينطق : كنا مثلهم قبل , الحين بنص اللعب يتهاوشون مثل غيّاث وسهّم
ضحك سهّم ينطق : وش قصدك؟
رفع اكتافه جارح ينطق : مابقصدي شيء
وقفت ليلى لاسرار تنطق : امشي صار شيء بغيابك
وقفوا معها البنات ودخلوا القصر الرئيسي , ابتسمت اسرار بوسع ثغرها من شافت قطوتها بغرفة راكان ونطقت غرام : كان يهتم فيها
رفعت راسها اسرار ونطقت اروى : ابي واحد فيه صفات اعمامي
ريما : كنت بقول بالجنّه بس يمكن عيالهم يكونون نفسهم
انحنت اسرار تاخذ قطوتها وناظرت غرفته الفوضويه شوي , ناظروا ببعض البنات وطلعوا من الغرفه تاركينها , تقدمت تشوف لوحه مثل لوحة سهّم اللي فيها صورهم , ابتسمت من شافت صورة لها وله وهُم صغار بنفس اللبس , ناظرت في صورة من تخرجه من الأبتدائيه وهي بجانبه , ابتسمت والتفتت تطلع وناظرت بسندس وبراكان اللي دخلوا , اشر راكان على غرفته ونزل يده من شافها بنص غرفته والتفتت لسندس ينطق : لو طلعت من غرفتي قولي للخدم يرتبونها تمام؟
هزّت راسها سندس تطلع من الغرفه تاركتهم , تقدم لها وابتسم ينطق : تنتظريني؟
اخذت نفس بتوتر من تواجدهم لحالهم بغرفته وهمست : جابوني البنات هنا عشان قطوتي
هزّ راسه راكان وهمس : حمدلله على سلامتك
ابتسمت اسرار : الله يسلمك
تقدم خطوه راكان يبتسم وهمس : اعطوك القرار تقررين
رفعت عيونها تشوف وجهه واخذت نفس من قُربه , ناظرت فيه لأنه يقصد هي اللي تحدد موعد ملكتهم , بلعت ريقها تنطق : مثل ما قال بابا الكتب الكتاب مع الزواج
ابتسم راكان يميّل راسه يوترها ونطق : ومتى الزواج؟
تقدم خطوه وترتجعت بخطواتها لورا , وقفت من حست بالجدار وراها , غمضت عيونها من شافته امامها بس لابس بنطلونه وعاري الصدر , مشت تطلع من المسافه اللي توترها ونطقت : هُم يحددون
طلعت من غرفته وضحك راكان لأنه يحب توترها ويهوى خجلها , اخذ منشفته يدخل دورة المياه ياخذ شاور ..
~ الصاله الملكيه ~
رفعت كفها على قلبها وهي تاخذ نفس وهمست : جريئ!
ناظرت بالبنات اللي جو لها وناظرتهم تتخصر : مين استشار عليكم تطلعون برا الغرفه وتخلونه يجي؟
ضحكت ليلى تلتفت لريما تنطق : شفتي قلت لك دخل الغرفه
غرام : بعيدًا عن كل شيء متى تحددون الملكه؟
اسرار : بابا قال الملكه مع الزواج وقالوا لي حددي موعد الزواج
ابتسمت اروى تنطق : يوم عشره عشره!
عضّت شفايفها ريما : تاريخ مميّز وباقي له شهرين!
غرام : ويمديك تجهزين نفسك
ميّلت شفايفها اسرار تنطق : افكر
مشت تطلع اسرار من القصر تروح للقصر الغربي , دخلت غرفتها وارتمت على سريرها بتعب , اعتدلت وناظرت السقف تفكر بزواجها , تنهدت تقفل الأنوار وحضنت المخده تغمض عيونها ..
~ ظُهرًا ~
دخل عزيز بعد ماخلص من دوامه وناظر ليال اللي جالسه لحالها بالصاله وتقدم يقبّل راسها ونطق : محد صاحي؟
هزّت راسها بالنفي ونطقت : تبي غداء؟
عزيز : اكلت بالمكتب
جلس وابتسم ينطق : اسرار ماحددت الزواج؟
ابتسمت ليال تهزّ راسها بالنفي ورفع راسه على دخول اسرار , جلست بجانب ليال ونطقت : اوف في ناس تداوم
ضحك عزيز ينطق : ماعليك شهرين وتداومين معي بالمكتب
ابتسمت اسرار ونطق عزيز : ماحددي زواجك؟'
صدت عنه بنظرها ونطق عزيز يضحك : الناس ينتظرون
بلعت ريقها تنطق : عشره عشره , بعد العيد
وقف عزيز يجلس بجانبها ويحضنها ينطق : مابغيتي الحين راكان بعد الأيام
ضربته ليال على كتفه تنطق : اتركها
عضّ شفته عزيز : الحين بيجي زواج يلبييه
ليال : ليه ماتتزوج إنت؟ عمرك اربع وعشرين وجاهز للزواج
هزّ راسه بالنفي ونطق : بعيش حياتي وبعدها اتزوج وبحضر حفله لرابح صقر وبعدها اتزوج
التفتت اسرار لـ ليال تنطق : امي مب عزيز يشبه رابح؟
ضحكت ليال تهزّ راسها : جبتيها
هف على شعره عزيز : ياحظه دامني اشبهه
ضحكت اسرار تنطق : لحظه مسوي تان؟
ضحك عزيز يهزّ راسه ودخل آسر ينطق : يعني ما لاحظتي لونه الغامق
اسرار : بس خطير اللون , سويته بجِده؟
عزيز : ايه بس الشمس يا انها سلخت ظهري , الرياض اهوّن من جِده
آسر : هناك رطوبه يالطيّب
رجع ظهره لورا عزيز ينطق : ما افرق بينهم
جلس آسر ينطق : عشان كذا ساقط بالعلوم
رمى عليه عزيز المخده : والله اني اشطر منك
ليال : لا تضربون بعض
سكتوا لوهله ووقف عزيز : هي هي تيشيرتي سارقه ليه؟
تنهدت ليال تسمع هواشهم لبعض الين جلسوا يسولفون طبيعي ..
~ القصر الغربي ~
دخل فارس بعد ما ركب الخيل ودخل دورة المياه ياخذ شاور , طلع ولبس واخذ عطره يتعطر , طلع من غرفته وناظر ريما اللي تركض ولابسه عبايتها وتقدم يمسكها : شفيك؟
ريما : اتركني بروح اشتري شتلات ورد
ضحك فارس ينطق : وتركضين بعبايتك كأنك باتمان , تعالي معي اعزمك ومنها نشتري شتلات
ابتسمت ريما ترفع نفسها تقبّل خده وتنطق : الله يزوجك اللي تحبها
عضّ شفته فارس ونطق : امشي بس
اخذ مفتاحه ومشت وراه يركبون سيارته , , وقف عند احد الكوفهيات واخذ طلبه درايف ثرو , مد لها قهّوتها وابتسمت تعضّ شفايفها : اعشق القهّوه السوداء , اشكرك
ابتسم فارس : بالعافيه بس لا تكثرين منها مُضره
كشرت ريما تنطق : نسيت انك تدرس تمريض
ضحك فارس وحرك يمشي لمحلات الورد , نزلوا واختارت انواع الشتلات اللي تبيها ريما , ابتسمت من شافت ورد واخذت ورده والتفتت لفارس تنطق : انحني شوي
انحنى باستغراب وثبتت الورده باذنه ونطقت : بصورك لا تشيلها
تأفف فارس : ريما شيليها
هزّت راسها بالنفي ورفعت جوالها تصور ونطقت : ابتسم طيّب
ابتسم فارس والتقطت صوره لها , نزع الورده وثبتها بشعرها ونطق : عليك احلى
ابتسمت ريما واخذوا الشتلات يرجعون للقصور , ركبت السياره والتفتت عليه تنطق : فارس إنت تحب؟
ناظرها فارس ونطق : بشبع فضولك واقول ايه
ضحكت ريما : مين؟
فارس : لا عاد هذي بيني وبين قلبي
مسكت ذراعه ريما تنطق : تكفى مين؟
التفت لها بعيونه ونطق : اقولك بس بيني وبينك!
هزّت راسها ونطق : اروى
صرخت ريما تنطق : اروى!!
رفع حاجبينه فارس ينطق : ليه فيه شيء؟
هزّت راسها بالنفي : لا بس غريب , تحب واللي تحبها اروى اللي اربع وعشرين ساعه تتهاوشون
ابتسم فارس : نصيب
تنهد يسمع تساؤلاتها الأخرى اللي تدور حوله ..
-
ناظرت بفستانها الأبيض واخذت نفس تفكر بحياتها الجايه مع راكان , التفتت للبنات اللي دخلوا وصرخت اروى : الفستان يجنن!
ابتسمت اسرار بخجل ونطقت ليلى : الله يعجل بزواج بكرا
عضّت شفايفها ريما : يونس بكرا كتب كتابين وزواج!
ليلى : ياحُب هدف عكسي , بكرا كتب كتابك إنتي وهشام
تنهدت ريما تنطق : اعرف بس يونس مناسباتين بنفس الوقت
وقفت اسرار تنطق : يلا عاد اذلفوا برا بنام عشان زواج بكرا
ارسلت غرام لاسرار قبله بالهواء وضحكت اسرار , طلعوا البنات من عندها وتنهدت تناظر الساعه ومن هاللحظه عرفت ان العد التنازلي بدأ ..
~ عصرًا ~
اخذت حور البخور ومشت لغرفة النوم , ابتسمت من شافت جرّاح يتعطر ونطقت : المهندس
التفت لها وابتسم من شافها متقدمه له بفستانها الأحمر وبيّدها البخور ونطق : عيون المهندس
رفع اطراف شماغه على اكتافها وابتسمت من حركته المعتاده وهمست : احبّك يالمهندس
انحنى لها يهمس : والمنهدي يحبك يالمهندسه
قبّل ثغرها لثواني وابعدت عنه تنطق : ما تعقل؟
هزّ راسه بالنفي يضحك ونطقت : دقنك ماعجبني , احلقه
جرّاح : وين المكينه؟
ضحكت ودفته عنها من مسك خصرها ونطقت : اطلع برا
طلع من عندها يتركها تتجهز على راحتها وناظر بسهّم اللي يقرأ كتابه ونطق : ماتطفش من الكتب؟
رفع راسه سهّم ينطق : مستحيل اطفش
جرّاح : جهزت الحمدلله واخوك اللي بيتزوج للحين يلاحق الخدم بكوّي ثوبه
ضحك سهّم ينطق : هو هشام وانا سهّم
ابتسم جرّاح : تعال معي ننتظره برا
وقف سهّم يسكر كتابه وتركه على الطاوله يمشي ورا ابوه , فتح جرّاح باب المستودع وابتسم سهّم من شاف مكتبه فارغه من الكتب ورفع راسه من نطق جرّاح : قلت لي تبي مكتبه تحط فيها كتبك لأن الرف اللي عنده انكسر , لك 
تقدم سهّم يقبّل راسه ونطق : ماتقصر يالمهندس عمرك طويل ان شاءالله
ابتسم جرّاح : إن شاءالله , بس ها لو خلصت كل الكتب اللي قريتها بزوجك بعد اخوك
ضحك سهّم ينظق : لاحقين على الزواج
جرّاح : يلا عشان ما نتأخر على عمّك
هزّ راسه سهّم يقفل باب المكتبه ومشى ورا جرّاح يدخلون القصر الرئيسي ..
~ القصر الرئيسي ~
ابتسمت وجدان من شافت غيّاث يعبي سلاحه رصاص وتقدمت له تنطق : لا تطلق تمام؟
رفع راسه وابتسم ينطق : لا تخافين بس اعبيه كذا
هزّت راسها وابتسمت من قبّل راسها ينطق : وش هالزّين الشيخه ام راكان؟
ضحكت وجدان ونطق غيّاث : اشكر خالي عبدالعزيز وخالتي دلال يوم جابوك على الدنيا لي
وجدان : غيّاث خلاص!
هزّ راسه يقترب يقبّل خدها وهو ينطق : احبّك ياوجداني
ابتسمت وجدان ودخلوا غرام وليلى وتقدموا لهم ونطقت ليلى : ادععس يا ابويّ وش هالرومانسيه؟
ضحك غيّاث : وش عرفك فيها يالعنقود؟
ابتسمت ليلى تنطق : اعرف ماعليك
مشى من عندهم غيّاث ينطق : بروح للرِجال قبل لا يكتبون الكتاب
هزّت راسها وجدان لين طلع من الغرفه وناظرت بغرام اللي نطقت : امي شوفي فستاني مب راضي يضبط
تقدمت وجدان تعدل لها الحزام ونطقت : بس خلاص
ابتسمت غرام تقبّل خدها ونطقت : مدري كيف بعيش من دونك!
ضربتها بخفّه وجدان تنطق : يويلك تقولين هذا الكلام
هزّت راسها غرام والتفتت وجدان لـ ليلى تنطق : وإنتي؟
ليلى : لا انا جيت فزعه طال عمرك
وجدان : طيّب اطلعوا برا بكمّل تجهيز
طلعوا من عندها تحت انظارها لهم وتنهدت تجلس على السرير , ابتسمت من فكرت بأن العمر يمشي بسرعه وان راكان كان امس عمره سنه والحين سته وعشرين عريس , وغرام اللي كانت كل ذكرى سعيده معها ومع اكبر بناتها , غرام اللي تسمت بأغنيه غيّاث ووجدان " اسمحي لي يالغرام " تتذكر كلام غيّاث لمّا جابتها وجدان « نعيش الأغنيه بمنظور سعيد » ابتسمت من تذكرت هوشه التوأم مين يسمّي ليلى ووقع الأختيار واتفقوا مابينهم يسمونها ثنينهم , وقفت تاخذ طرحتها تحطها على شعرها وطلعت تنزل لتحت ..
~ القصر الشرقي ~
دخل فارس لغرفة ريما وبيّده العقد , ابتسم من شافها واقفه بكامل زينتها ونطق : لحظه كل هذا لهشام؟
ضحكت سديم تضربه بخفّه وتقدم لها ينطق : وقعي
اخذت القلم منه ووقعت , مد لها البصمه ونطق : حطي سبابتك
مدت يدها تثبت اصبعها وصورتهم اروى بطلب من ريما , رفع راسه من شافها تصور وابتسم وتقدم يقبّل رأس ريما ينطق : مبروك والله يبني بيتكم على السعاده
ابتسمت ريما بخجل تنطق : الله يبارك فيك وعقبالك
ضحك فارس ينطق : وإنتي حاضره
طلع من عندهم يرجع لمجلس الرِجال , رجع العقد وجلس بجانب سهّم الصغير وهمس : ورا ماتزوجت قبل اخوك؟
ناظره سهّم يهمس : خلني اخلص جامعه وبعدين يصير خير
ضحك فارس لأن سهّم يدرس طب وهمس : تخلص الناس وتتزوج وإنت للحين تدرس
سهّم : احسن انا ما ابي اتزوج لين ألقى لي وحده
ضحك بخفّه فارس وناظر براكان اللي يوقع ووقف آسر ياخذ العقد ويروح للقصر الغربي , دخل وناظر اسرار بفستانها الأبيض ونطق : الدلوعه بتتزوجين؟
رفعت راسها اسرار وهمست : ايه
تقدم لها يقبّل راسها ونطق : مبروك يالدلوعه واهم شيء جيبي لنا حفيد بسرعه
ضربته ليال بخفّه تنطق : ماهمّك غير البزارين , تزوّج إنت وجيب حفيد
هزّ راسه بالنفي آسر : لا يالغاليه بتزوج بعدين
وقعت اسرار ونطقت : في شوفه؟
آسر : لا , بتشوفينه بعد الزفه
هزّت راسها اسرار تسحب علبه المويه اللي بجانبها تشرب منها , ناظرت بـ ليال اللي نطقت : اسرار ابويّ انا بروح شوي وبرجع لك
اسرار : تمام
طلعت من عندها ليال ومشت لغرفتها تاخذ عطرها , توقفت عن حركتها من حاوط خصرها يقبّل رقبتها من الخلف , التفتت له تهمس : سهّم!
ابتسم سهّم ينطق : آيه من الجمال يا ام العروس
ابتسمت ليال ترفع ذراعيها على اكتافه وهمست : احبّك
ضحك بخفوت وقبّل ذقنها ينطق : إنتي فؤادي
ابتعدت عنه بخجل ومشت تطلع لاسرار , ضحك سهّم لأن خجلها ما تغيّر لكنه مُغرم فيه , اخذ حزامه يلبسه وطلع يروح لقسم الرِجال ..
~ القصر الشرقي ~
دخلت المجلس ريما بعد ما قالوا لها فيه شوفه وناظرت فيه واقف ومبتسم , تقدمت له بخجل وزفر هشام براحه ينطق : إذا ما كنتي عيني فـ إنتي نورها , أو ما كنتي قلبي فـ إنتي حبيبه!
رفعت عيونها له وابتسمت وابتسم هشام ينطق : نظره منك حياه
ابتسمت بخجل واقترب يحاوط خصرها ينحني يقبّل خدها وهو ينطق : الله يبني لنا السعاده بكل دربٍ لنا
ريما : إن شاءالله
ابتعدت عنه ونطق هشام بابتسامه : اشوفك بعد الزواج
هزّت راسها وطلعت من عنده , مسكت قلبها وضحكت تنطق : حيلو
زفرت ومشت تاخذ عبايتها تمشي للقصر الغربي ..
-
طلعوا راكان واسرار بعد الزفه وابتسم ينطق : اخيرًا
ابتسمت اسرار وركبوا السياره يتوجه للمكان غير الفندق , عقدت حجاجها من وقف عند محل ملابس مقفل والتفتت عليه باستغراب ونطق : بنسافر
ابتسمت بوسع ظهرها ونزل يفتح بابها يساعدها , دخلوا المحل حقه ونطق : اختاري ملابسك انا ببدل انتظرك
هزّت راسها ومسكت فستانها تمشي لغرفة التبديل , اخذت ملابس ولبستها تطلع , ناظرته تنطق : وملابسنا؟
ابتسم راكان : ماعليك بخليهم يرجعونه
مد لها عبايه وابتسمت تاخذها منه تلبسها , ركبوا السياره وتوجه للمطار , نزلوا ونزل الشنط وضحكت من شافته مجهز كل حاجه ولا ناسي شيء , مسك كفها ودخلوا المطار , وقفت تنتظره يخلص الإجراءات ونزلت عيونها لرسالة ليال « لا تنسين تحطين كريمك قبل لا تطلعين بالشمس وانبسطوا مع بعض بالنمسا» ضحكت بخفّه تكتب لها , رفعت راسها له من جاء ينطق : نداء طيارتنا
مسك كفها يمشون للممر الطائره , جلسوا الركاب بمقاعدهم وابتسمت اسرار تعضّ شفايفها ما كانت تعرف عن السفره او بالأصح محد كان يعرف عن السفره غير راكان وليال وعزيز , ناظرت الشباك وشافت ان الطياره بدت تقلع , غمضت عيونها ترجع ظهرها لورا تنام من تعبها ..
~ ليل اليوم الثاني ~
وقف عزيز مع سهّم وآسر يمشون وراه للكراج , حط شنطه سهّم وشنطته هو وآسر وركب السياره ينطق : الحين بعزمكم احلى عزيمه لين نوصل للديره
سهّم : هي عشرين دقيقه غمض عين وافتح عين تلقنا واصلين
ضحك عزيز وحرّك يطلع من القصور , اخذ نفس يردد دعاء السفر وناظر آسر اللي نطق : ابويّ ديرتكم صغيره ولا كبيره؟
سهّم : وسط
ابتسم آسر : احس مافيها احد
التفت عزيز لسهّم ونطق : احنا ليه رايحين لها؟
التفت عليهم سهّم ينطق : رايحين عشان شغله بسيطه بتأكد منها
هزّوا روسهم ونزلوا بعد فتره , ناظر سهّم الديره اللي ما تغيّرت ابدًا من خمس وعشرين سنه , ناظر مدرسته الثانويه ورجعت له الذكرى لمّا كان توّه متخرج وركض لبيت هِمام وجاته الطامه الكُبرى , ناظر بالدكّان اللي كان لهم وتقدم يدخله ووراه عياله , ابتسم من شاف مساعد الصغير اللي جاه بيوم زواجه , تقدم له سهّم وابتسم ينطق : سلام عليكم
رفع راسه مساعد ووقف ينطق : وعليكم السلام , آمر وش بغيت؟
سهّم : اخبارك يا مساعد؟
ناظره مساعد باستغراب ونطق : بخير ياعمّ
تقدم له ينطق : ماعرفتني , انا سهّم اللي افصحت سرّك له , انك تحب ساره
ناظره مساعد وسرعان ما ابتسم : يا هلا حيّاك , المعذره توني اعرفك
ناظروا بعض عزيز وآسر وابتسم عزيز من نطق مساعد : حيّاكم ادخلوا
هزّ راسه بالنفي سهّم : لا احنا جينا نشوف بيت العسكري عبدالعزيز , هتوه؟
مساعد : لا موجود للحين , وحتى محد سكن فيه , مالكه ما باعه لأحد
ابتسم سهّم وربت على كتف مساعد ينطق : ماقصرت يامساعد
هزّ راسه مساعد : ماسويت شيء
طلع من عنده سهّم ووراه عزيز وآسر ونطق آسر : ابويّ مين هذا؟
التفت له سهّم : هذا مساعد , جاني بيوم زواجي من ليال
ابتسم عزيز : اخس يا ابويّ للحين تتذكر التفاصيل
آسر : قُل ماشاءالله
عزيز : ماشاءالله ماشاءالله
تقدم سهّم لبيته سابقًا , فتح الباب وناظر المكان مغبر والواضح له محد دخله من خروجهم من الديره , تقدم للجلسه الخارجيه وابتسم من تذكر انه نام فالجلسه لمّا كانت ليال زعلانه منه وببيت متعب , طلع من البيت وناظر آسر الكتابه على احد الجدران « التاجر هِمام انعدم » , التفت لابوه ونطق : ابويّ هِمام كان جدك صح؟
هزّ راسه سهّم : جدي
مشى يدخل بيت هِمام السابق ومشوا وراه ونطق آسر : ليـ..
سكت من ناظر عزيز يأشر على شفايفه بمعنى يسكت واقترب منه يهمس : بعرف ليه انعدم!
ناظره عزيز يهمس : اقولك بعدين
التفت لهم سهّم ينطق : تعالوا ساعدوني
تقدموا له وناظروه ياخذ المجرفه يحفر بالحوش , تقدم له عزيز ينطق : عطني اساعدك
اخذ عزيز منه المجرفه يحفر بالأرض وعضّ شفته سهّم من شاف صندوق ورفع راسه يأسر لعزيز : خلاص وقف
انحنى ياخذ الصندوق وناظر الأوراق وقرأ اول ورقه , ملكيه البيوت والحلال لعبدالعزيز وانتقالها لسهّم بعد وفاته , وقف ونطق : يلا نرجع
اخذ آسر الصندوق من سهّم ومشوا يرجعون يركبون السياره , آسر : ليه اخذنا الصندوق؟
سهّم : عشان الأملاك اللي كانت بأسم جدكم عبدالعزيز واللي صارت باسمي بعد ماتوفى , وانا مب نقلتها لجدكم متعب ويوم توفى رجعت لأسمي وجيت آخذ الأوراق الأصليه
هزّ راسه آسر ونطق : بس ليه حاطينها بصندوق ودافنينها بالأرض؟
سهّم : هِمام دفنها عشان يزوّر كل شيء باسمه ولكن فشل
سكتوا لوهله ونطق سهّم : بس ما يُخفى شيء على ابوكم
ابتسم عزيز ينطق : ابويّ والله انك داهيه
ضحك سهّم بخفّه ينطق : صيروا مثلي بالمحاماة شاطر
هزّ راسه بالنفي آسر : لا انا ابي اصير مُدعي عام , اسرار وعزيز يتبعون خطاك بس انا ابي امشي يمين
ضحك سهّم ونطق : اللي ودك يا الأسر
وصلوا القصور وقفل سيارته عزيز ينزلون , ناظروا بالقصور الهاديه , دخلوا القصر الغربي وكل واحد دخل غرفته , دخل سهّم الصاله وابتسم من شافها جالسه وتقدم لها يقبّل راسها ونطقت ليال : رحتوا للديره؟
هزّ راسه بالايجاب ونطقت ليال تبتسم : اكيد انها عجبتهم وازعجوك يبون يجلسون فيها
جلس بجانبها ورفع ذراعه على اكتافها ينطق : معجبتهم بس ما ازعجوني نجلس
ابتسمت ليال ونطق سهّم : وش كنتي تسوين؟
ليال : كنت احط ادور فيديو زواجنا
ابتسم سهّم ينطق : تعيدين الذكرى بنفس اليوم
هزّت راسها وقبّل خدها ينطق : كل عام واحنا مع بعض لحد الممات
ابتسمت ليال وضربت ظهره بخفّه وضحك سهّم , حطت راسها على كتفه واشتغل فيديو زواجهم يعيدون الذكرى من جديد , انتهى الفيديو وناظرها ينطق : ما حبيتك كشخص فقط , حبيتك كوطن ما يبي الأنتماء لغيره!
ابتسمت بوسع ظهرها : احبّك ياسهّمي
ضحك بخفوت ودخلوا عيالهم , التفت سهّم لـ ليال يفهم شعورها بان عيالهم هُم الذخيره لبعض , اكتمّلت حياتهم بثمراتهم .
ابتسمت ليال تناظر لأعظم رجل بحياتها بعد ابيها وناظر لها سهّم بنفس نظراته لها بشبابه , انتهت حكاية السهّم والطاووس ومحارتبهم لأشخاص كانوا ضدهم , انتهت حكاية الحرب من زمنٍ طويل وعاشوا حياةً هنيه مع اطفالهم ..
-
| انتهى الإبحار |

الذنب القديم لا يُفارقنا .. حتّى وإن دفناه أو سكتنا عنه وتوقفنا عن استذكاره , لا أحد ينسى ..
يمكنك إن تتناسى , لكنك لا تنسى ابدًا , خاصةً تلك الذكريات المحفوره في ضمائرنا والمنحوته على جنبات عقولنا بريشة الألم ومحبرة الظُلم , لذلك نحاول ننسى الماضي ونعيش الحاضر ونثمّر للمستقبل , نعيش اللحظه وكأننا نموت بعد دقيقه , لذلك ننسى الماضي ونعيش الحاضر بأكمل وجه وننجز للمستقبل ..

تمّ بحمدلله ختام روايتي الأولى ~ إنتي الفُـــؤاد وما حـوى ~
نُسجت على خيوط الخيال إن وجدتم تشابه مع الواقع فـهو مقصود .
١٢/١٢/١٤٤٥هـ
١٨/٦\٢٠٢٤م
أحُبكم💙
~ جُمان ~