صلّوا عالنبي 🤎♡
لا تُلهيكم القراءة عن الصلاة🤎♡
قراءة ممتعة يا حلويات🤎♡
_____________________________________________________________
في منزل زينة ..
كانت زينة و والدتها تجلسان في ردهة المنزل تشاهدان التلفاز( و الذي يعرض مسلسل هندي) بتركيز و تأكلان بعض المكسرات بينما شاهدهما عليّ(والد زينة) أثناء نزوله من الدرج ف رمقمها ب إستغراب ف اردف ضاحكًا :اي مالكم بتبصوا للتلفزيون كدة ليه !؟
اجابته منال(والدة زينة) بإنبهار بينما لم تُزل عيناها من على التلفاز مُردفة :اسكت يا على يا اخويا ده الولا طلع عايش بعد التلت طلقات اللي خدهم و والوقعة اللي وقعها من فوق الجبل دي ،ده انا قولت ان بعد اللي حصله ده هيموت حقيقي مش في المسلسل بس.
ضحكت زينة بينما اردف على متصنعًا الانبهار ف هذه عادة معظم الأعمال الهندية :سبحااانه و ده رجع بأعضائه و لا من غير يا منال يختي ؟
كادت منال تجيبه لكن قاطعتها زينة مُردفة بغمزة و على وجهها ابتسامة خبيثة :سيبك انت بس يا حج من الولا و أعضائه و كِليتُه و قولي بس متشيك كدا و رايح على فين !؟
اجابها عليّ بينما يعدِل من و ضعية ملابسه بتكبر مصطنع :عندي مشوار مهم كدا مع ناس صُحابي .
غمزت له زينه مرة أخرى مُردفة بخبث :و من امتى بتخرج معاهم بالشياكة دي ما طول عمرك يعني عدم اللامؤاخذة بتخرجلهم ب لبس عادي .
اجابها على بينما يستشف ردة فعل منال : اسكتي يبت انا عارفك عايزة توصلي ل أيه ،ما تحاوليش ثقة مانّولتي فيا ما بتتهزش.
ضحكت زينة مُردفة : مانّولتك اممم ،و انتِ رأيك اي يا مانّولته !؟
أزالت منال عينيها من على التلفاز آخيرًا مردفة بحسرة مصطنعه : كان على عيني انكد عليه يا زينة يبنتي بس افتكرت اني كنت عايزة اروح ل اُم محمد اللي على اول الشارع كنت عايزاها في موضوع كدا .
أردفت زينه بحسرة: يا خسااارة
بينما وجّهت منال نظرها ل عليّ مُردفة : خُدني في طريقك يا اخويا استنى اما البس .
نهضت منال بينما ازاحت قدم زينة من أمامها مُردفة :وسعي ،عايزة توقعي امك يا عاقّة .
انهت حديثها و صعدت لأعلى مُردفة : استناني يا عِلوة ما تمشيش مش هتأخر ثواني و اكون جهزت .
جلس عليّ ينتظرها و على وجهه ترتسم ابتسامة انتصار ،بينما نظرت له زينة من اعلى لأسفل تتصنع الازدراء مُردفة :والدين آخر زمن .
ضحك عليّ ،و عادت زينة لمشاهدة المسلسل ،و بعد دقائق ترجّلت منال و كانت قد تجهزت بالفعل و اردفت:يلا يا اخويا انا خلصت .
نهض عليّ و قبل أن يخطو تجاه منال اردفت زينة : طب و انا! ؟
منال : انتِ اي !؟
