أكثرْ صلاتَك والسلامَ على الّذي
بهداهُ ترتاحُ النفوسُ المُثْقَلَةْ
فبها تزولُ عن الفؤادِ هُمومُهُ
وتنالُ عند اللهِ أعلى مِنْزلَهْ
صلّى عليه الله ما دَمْعٌ جرى
شوقاً على خَدّ المُحِبِّ فبلّلهْ
💐اللهم صَل وسلم على نبينا محمد 💐
🌹🌺ﷺ
______________________________________
كان زيد و عمرو في السيارة ، اردف زيد :انا هروح للمقّر و انت كمل طريقك .
عمرو :اي ده ليه مش هتروح تاكل و تناملك ساعتين كدا ، انت صاحي من 5 الفجر يا شق .
زيد :لا عندي كام حاجه كدا هخلصهم و ارجع البيت .
عمرو : والله مُراعي روح العامل اللي جواك بس لازم تاكل يا زيزو ..صمت قليلًا ثم اردف بإستنكار:هو انت اكلت اصلا من لما سبتك الصبح .
زيد بينما يتابع القيادة :اها .
عمرو :كذاب ..طب أكلت اي اصل انت ممكن تكون شارب قهوة بس و تقولي فطرت .
زيد بضحك: اها شربت قهوة و ميمي فطرتني الصبح قبل ما اخرج .
عمرو بريبة:بس كدا!!!؟ و انت مش جعان حاليًا .
زيد بابتسامه راضية :لا الحمدلله مش....
قاطعه عمرو بحنق :طب اتوكس ،ده انا فطرت تسع مرات و لما رجعت من عندك الصبح روحت آكلت في ماك وحاليًا جعان و بسألك عشان تحس على دمك و تقولي تعالى نطفح في اي مطعم .
أوقف زيد السيارة و وجّه نظره لعمرو مُردفًا بجديه :هي 'تسع مرات 'دي تعبير مجازي ولا انت عملت كدا فعلًا .
عمرو ببلاهه :عملت كدا فعلًا .
كاد زيد يتحدث ليقاطعه عمرو مُردفًا :هفهمك ، اصل انا كنت كل ما اخلص لبس حاجه بروح اعمل ساندويتش و ارجع ،مثلًا خلصت لبس القميص بروح اجيب ساندويتش و ارجع و هكذا لحد ما اخلص ،اصل بفرهد .
زيد :اممم و خاصةً الكوتشي بيفرهد اوي اصل لسه هتقعد و تلبسه و بعدين تميّل تربطه و كدا .
عمرو :اه والله يا جدع حتى لسه كنت هقولك ان في جزئية الكوتشي دي جبت توو ساندويتشز.
زيد بإنبهار مصطنع: توو ساندويتشز!! و ده ليه ده يا عموري.
عمرو بتوضيح: كل ما بخلص رجل باكل واحد.
زيد بهدوء: امممم و انت جعان حاليًا.
عمرو: هموت من الجوع ي......
صاح زيد مقاطعًا له: اخرسس مش عايز نأكلك مال اليتيم يمكن يسد جوعك.
عمرو بإستفزاز: والله لو انت جربته و حسيت انه حلو ف إشطا يلا بينا.
نفخ زيد بضيق ثم خرج من السيارة و اغلق الباب خلفه بعنف.
