دازت يومين، الضرابي بداو يبراو، واليوم الاثنين، طفات المنبه لي دارتو مع الثمنية وناضت كاتشوف فالساكوش لي جمعات بالليل، دخلات للحمام هزات سطلها ومستلزمات الدوش ديالها ونزلات كاتسلت باش ما تفيقش بيها يماها ... مع وقفات فالدروج لقات ناصر ونعمان كايشوفو فيها !
ناصر : غادة لشي بلاصة ؟ نوار : غادة للحمام ! توصلني فطريقك ؟ ناصر : فهاد الوقت ؟
هزهزات راسها وقالت: - هذا هو الوقت فين كايكون خاوي .. ناصر : بالصحة ! جلسي فطري ونمشيو ! نوار : لا غير ياله ما بغيتش نتعطل ! ناصر : ياكما بغيتي نجي نهزك من سخفانة ! نوار : وناصر ! ناصر : جلسي، كولي ويكون خير !
ناصر : زعما ما فراسك ما يتعاود ! نوار : ههههه لا لا باينة فيك طايح ... وهي اكثر بالحق منين ما قلتي والو خليتك على خاطرك ! حتى وكان يطلقوك جنونك ! ناصر : ماشي جنوني، غير ندير علاش نرجع وارا برع .. نكمل ديني
قاطعاتو بالزربة : - وبداه بعدا !
قهقهات بصوت عالي خلاتو يضحك حتى هو فرحان حيت هي فرحانة، ديال بالصح الموود ديالها كايأثر فيه ولو هو ما يكونش باغي !
حبس قدام الحمام لي قالت ليه عليه، باست خدو وعنقاتو فنفس الوقت وقالت : - سير الله يفتح بيبان الخير فوجهك !
ناصر : اللهم امين ! (شد فيديها) لي قلناه يبقى بيناتنا ! خليها تسمعها مني ! نوار : شكون انت؟ كانعرفك ؟ (حطات يديها على فمها) ناصر : يرضي عليك !
طبطب على يديها وقال ثاني : - الى تعطلتي فالحمام، صوني ليا وقت خروجي ندوز عليك !
نوار : لا لا ما محتاجش ! ناخد طاكسي الى ما قدرتش نرجع على رجلي ما تخممش ! ناصر : تمام في امان الله !
نزلات وقفات قدام باب الحمام وتنهدات...
نوار : هذه فرصتي رقم جوج، ان شاء الله ما تضيعش بشي بلان ثاني !
دخلات حيدات حوايجها جمعاتهم فرزيمة ولبسات كسيوة بلا كمام وقصيرة ساترة بيها مناطقها الحساسة، بطبعها قليل فين كاتجي للحمام ما كاتبغيش الناس يشوفو فيها ولا تشوف فالناس ... حطات حوايجها فالبلاكار ودخلات الساروت ديالها معاها وسط لاتروس ديالها !
كانت سماح باقي ما وصلات، اختارت بلاصة خاوية وهي متأكدة غير تدخل وتشوفها غادي تجي ناحيتها ! وداكشي لي كان ! غير لمحاتها، دارت راسها ما شافتهاش وكملات غسيل شعرها حتى وقفات قدامها سماح !
سماح : انا بان ليلي طريئنا فيها بزاف ديال اللئاءات !
زيرات على شفايفها محاولة ما تضحكش، بالرغم من انو لكنتها حلوة ما مولفاهاش وجاياها عجيبة، ما كرهاتش تقولها قولي : - جرادة طاحت فالبرادة وقالت فر، ولا - مش حبش خبشة فخشبة ولا قرقارة ...
نوار : جيت نكمد عظامي ورا ديك العصا لي كليت !
شافت فيها ونطقات وهي متألمة على حالها : - اه اه، يعطيهم ربي الݣغض، هاد اللحيمة الصافية تطبعات باطل !
#𝑇𝑜_𝑏𝑒_𝑐𝑜𝑛𝑡𝑖𝑛𝑢𝑒𝑑 اراؤكن
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
