هزات حاجتها من الكوفر وخلات بغاسلي ديالها طايحة تماك عن قصد، تبسمات لعدنان لي عاونها باش تهزهم ولوحات بيديها لسماح ...
نوار : شكرا على التوصيلة وسمحو ليا حيت عذبتكم عدنان : على الراس والعين !
دخلات لدارهم وغير سدات الباب جلسات ساندة ظهرها عليها ... وقفات عند راسها نعيمة وهي تبدا فالنݣير !
نوار : يدي، كتافي، صدري، ظهري، فخاضي، ركابيا، رجلي، كـــايـــضـــرونــي ! وميمتي الوجع لي كانحس بيه دابا فين يبان وجع العصا، مشيت نكمد الدقة جيت بما اكثر ! نعيمة : مالك حكيتي حيوط الحمام ؟ نوار : كفس ! خالتي سماح استحلات الحكان، وحكيت ليها ثلاثة ديال المرات، حتى كانقول صافي كاتدخل ترقد فالسخون وتخرج لعندي نعاود ليها ! نعيمة : ايه يا كرشي ولدي وكبري وقري وتتخرج باش فاللخر تخدم كسالة لخالتها سماح ! على قبل سلوم الجيارة ديال ولدها ! سرك ! نوار : ماما كانشكي عليك ماشي باش تزيديني ! نعيمة : وشنو بغيتيني ندير ليك ؟ انت انا لي مك عمرك حكيتي ليا شي قنت من غير ظهري ! نوار : نحك لي مليون مرة وماشي ليها ! نعيمة : وانت كاتوريها حنة يديك وباغاها تزوجك ولدها ! نوار : ايوا ؟ نعيمة : عولي عليها كل سيمانة تحكي ليها !
سكتات لوهلة باغا تستوعب فين حطات راسها، وهي تجي بين عينيها التبسيمة ديال عدنان ... ضحكات بلا هواها وقالت : - هانية ماشي مشكيل ! الى كنت غادي نصبح على ديك العوينات وديك التبسيمة نحك حتى كل نهار !
جالسة فبيتها كاتعاود لمجدولين العذاب لي دازت منو بالتفصيل والتدقيق والثانية كاتموت عليها بالضحك ...
مجدولين : وشفتي هاد البغو غادي يطيح منك الكيلوات ! نوار : ولكن على الاقل سولات عليا دينا وجبنا فالهضرة، وواخا على حبك خليتيني نكون عليها فكرة خاطئة ! مجدولين : انا نوار : صعيبة وخايبة وما نعرف اش ! مجدولين : ياك حتى انت قلتي شعوانة ! نوار : طبيعي، راه اول مرة تشوفني ونشوفها ! بالحق والله حتى حسيتها ظريفة وخاصها غير معامن، خايفة تخسر ولدها الوحيد ومن حقها، انا لو كان عدنان ولدي نسد عليه فقرعة ! مجدولين : والرب العالي، هاد البنت هذه عمرها بغات ونهار حبات كرهات جدي الاول فالحب ! نوار : وناصر ؟ مجدولين : لا انا حالة خاصة ! وواخا عليك حتى انت الفرطة لي درتي لي فالصبح ! نوار : وهو لي نقز ! مجدولين : اهاه شنو قال ورا ما قطعت ؟ نوار : كون بغيتي تسمعي كون بقيتي علىى الخط ! وبيني وبينك لاباس لي قطعتي !
شهقات بخوف وقالت : - علاش ؟
نوار : حيت بغيت ! (تفوهات) ياله تصبحي على خير ! انا عييت نمشي نرتاح ! مجدولين : نوار ! نوار : ارتاحي وما تخمميش بزاف ما كاين غير لي كون الله ! مجدولين : ان شاء الله، غذا خارجين فالعشية ياك ؟ نوار : اكيد ! مجدولين : تمام، النيت باش نشريو الحلافي وشي برودويات ناقصين باش نخملو ؛ نوار : انا جيبي ليا غير النهار مع المجية ديال خالتي سماح عندكم للدار ونقدر نعاود ليكم حتى الدار بالصباغة هانية !
#𝑇𝑜_𝑏𝑒_𝑐𝑜𝑛𝑡𝑖𝑛𝑢𝑒𝑑 اراؤكن - اشهاراتكن - توقعاتكن تصبحن على خير/ النهاية غذا 🤍
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
