بين انياب الزاجر

البارت الاول

ريلاس ٠٠٠٠٠

رجعت من الدوام هلكانه تعب مابيه حيل احرك ايد ولا رجل
طبيت للبيت وكبل لغرفتي كمزت على فراشي
تغطيت ونمت

كعدت العصر راسي مصدع بس لازم
ادرس هاي اخر سنه واخلص وارتاح
كمت طلعت ملازمي توني اريد اقرا

ندفر الباب بقوة دخلت مرت عمي تصيح
ريلاس كومي نضفي المطبخ وسوي العشا

ماجايبتج هنا بس اكل ونوم ردت اتعارك
وياهه بس ادري شحتسوي
كمت افرك بوجهي حيل لميت شعري ليوره ربطته ورحت

ادري بيهه بس تريدني مااقرا وطلع اي
حجه واذا ما نفذت اوامرها اعرف شحيصير
نضفت المطبخ اجت
سحر بتهه حطت المواعين بالمغسله وتضحك بشماته
يله خدامتنا اشتغلي وغسلي زين

ردت اكوم املخهه من شعرهه استغفرت ورجعت كملت الغسل الماعين
خلصت التعزيل وبديت اطبخ بالعشا

وروحي بخشمي حسيت بشي يجرني جوة
دنكت وابتسمت من شفتهه ملاك

ها يروح اختج شتردين
ملاك جوعانه اريد نم

كمشهه ابوس بيهه واجعص بيهه وهي تضحك
جان عمرهه ٧ سنين

كتله هسه يروح اختج اكمل اسويلج احلى نم
شويه وطبت خلود مرت عمي

خزرت ملاك وكالت بسرعه امشي كملي واجباتج
كالت ملاك اريد ابقه يم ريلاس

تسويلي نم جوعانه
كالت خلود شكلت اني بسرعه لا هسه اجويج بالنار مثل ذاك اليوم

ذبيت البيدي وعطت شلج علاقه يهه اني اكمل واخذهه
واطلع شقارهج وحارك كلبج

كالت حيوانه ترفعين صوتج عليه اني اعلمج
صاحت رعد وينك تعال بسرعه

كمت اطكطك من الخوف خاف يكسر أيدي مثل يج المرة
اجه بسرعه تانيهه تصيحه مبين

كال ها يمه خير
كالت شوف بت عمك العرمه تصيح وتنتر بوجهي
يباوعلي بخزر جان ضخم ويخوف

واسمر حيل وشواربه عبالك مكناسه للشارع
اجه واقترب رفعني من شعري واني اصيح

كال تعلين صوتج على امي لج وركعني
راجدي وركعني بالكاع مو ايد طابوكه
كمت اتكلب من الألم ورجع يرفس ويضرب بيه برجله

وملاك واكفه على صفحه وتبجي
اجت خلود وسحبتهه وتغلط وتسب

ورة شويه تركني رعد ولازمه بطني تكطعت من الالم
رفعني من جديد حطني بحضنه جعصني جعص

كال اذا ما توافقين عليه هيج اسوي واكثر وهاي لويت اذن هالمره
دفعته من صدره وطلعت بره اناشغ

ودموعي تنزل عالخدي
رحت لغرفتي شفت عباس لسه نايم بسته براسه امسح بشعره
طاحن دموعي على وجهه مسحتهن بايدي