بين انياب الزاجر

البارت السابع

حسيت بثكل فضيع فوكي كمت اصيح وادفع بي
اخر شي فزيت اتلفتتت بخوف....

ماكو شي بس اني الغرفه فارغه
كمت عالسريع فتحت الضوا ماكو اي شخص

زاد خوفي وعركت كام يدير عبالك مي
من الخوف والتوتر...

هاي ثاني مره احلم بهيج شي ومجاي الكا اي تفسير منطقي لهلشي
قريت قرآن ولفيت راسي ونمت

كعدت ثاني يوم التسعه تقريبا الصبح
اتصلت على رنا اسولف وياها واحضر بالريوك

بوسط كلامنه سمعت خرخشه وراي لو احس كلبي كمز من مكانه
باوعت شفت بزونه بيضه منفوشه

كلش حلوة وعيونه زرك بس يخوفن
رحت قريب منهه صورتهه لرنا

كلتلي فدوة كمشيهه اجي اخذهه اليه
بس لو تقبل امي

ولج تنفوشه تخبل بوسيهه مكاني
كتلهه ايعع تالي عمري ابوس بزازين

هاي الناقصه ضحكت وردت كمشهه شردت مني وركضت
سريع برة...

عفتهه مفاجأه هذذا النوع ميشرد شعجب شردت هاي
كملت من رنا وخلصت ريوكي

طب حيدر عليه سلم وكالي سويلي ريوك وياج
كعد وسئلته عن هالبزونه
أول مره اشوفهه بلبيت

كال امس شفتهه بالبيت همين ماادري منين اجت صراحه
ماشفت احد اجه وسئل عليهه ودورهه

كتله عادي اخذهه الي
كال اخذيهه بيلما يجي احبهه...

فرحت حيل اقضي وياها وقت فراغي خلصت الريوك
كعدنه نسولف وناكل

خلصت شلت المواعين وغسلتهن وادندن ويه روحي
شفت البزونه واكفه عالشباج خازرتني

خفت اول شي شويه بعدين دنيت منهه بس ماشردت
اخذتلهه قطعه لحم صغيرونه

اخذتهه مني واكلتهه شو اني كيفت
رحت طلعته سمجه بايته

وطيتهه الهه كلهه تاكلهه ضليت اصور بيهه وهي تاكل
تخبل تنفوشه وترفه مدبدبه. َ

خلصت وردت كمشهه شو هاي شردت من جديد
ثاري عالمصلحه اجت مو محبه بيه

ضحكت وكمت متوعدتلهه اصيدهه
اتصل عمي علي استغربت

شعنده اول تالي يدك
فتحت الخط وسلمت علي جان كلما يتصل  يريد فلوس
لان دخل بصفقه شغل وفشل بيهه

والطرف الثاني خذا الفلوس وفلت وطاحت براسي
لازم كل شهر اطي فلوس لان اخواني يمه

اطي فلوس علموهم مو علموده بس لو الله يهدي زاجر
ويخليني اجيبهم يمي اخلصهم من عمي
بسببه بعت ميلاده ذهب عندي واطي فلوسهه