بين انياب الزاجر

البارت التاسع

كال هالمرة كسرتهن لاصابيعج
وااشر على أيدي.....

المره الجايه اكصهن بيدي وابترهن اصبع اصبع
اذا تجاوزتي لو نرفع صوتج عليه
او خالفتي اوامري افتهمتي ******

ضليت صافنه علي مصدومه على مامستوعبه شكال
ضحكت وكتله مخبل انته مو صاحي والله العضيم تخبلت
رجعت لك الحاله مو بس ابشرك صرت سايكو فد مره
هاك كصهه لايدي فد مرة......

كمشني من عكس أيدي ولوا ليورة
كال صوتج لا تخليني اطيح لحضج هسه واضح لو لا
ماتحملت وصحت بأعلى صوتي واصيح بهستيريه
وباقوى ماعنديييييييي

دخل عمي وسعاد وشافوا وضعنه
اجو ركض وخروا مني...

وصفكه عمي براجدي ويصيح علي
كاله شبيك صاحي انته

توهه جبناهه من ورة عملتك الناقصه تريد تعيد مسرحيتك بعد مرة
كال زاجر بكل برود مرتي وشريد اسوي بيهه اسوي شكو دخلون نفسكم
راد عمي يركعه براجدي بعد

بس زاجر كمش ايده ضلينه صافنين شلون يتجرا يكمش ايد ابو
دفعه عمي وطلعه خارج الغرفه وفاير وصاير اعصاب

طلعت سعاد وراهم واسمع بس الصايح يعلى ضليت خايفه
واكل بروحي هاي سويتي وجه البومه
هسه وجت بينهم كله بسببجججججج

مرت ساعه والوضع هدا
طلعت المفكرا مالتي حتى اقرا قصتي الأبديه من جديد
بدون ملل وجزع

وارجع ابلله الدفتر بالدموع مثل كل يوم اذا مااقراهه منام براحه
اذا ماباجيه ومبلله الدفتر بالدموع

بيهه تفاصيل علاقته اني ومحمد كامله
كتبتهه بدايه علاقتي بمحمد مافوتت اي ذكرى حلوة منه
كلشي يصير اسجله تعرفون ليش بعدين
كاتبه بالبدايه
تعرفت على محمد مرحله أولى جامعه

جان زميل وياي بالجامعه مجان اي علاقه بيني وبيني
مجرد زملاء وشويه شويه...

بده يفتح مواضيع وياي نسولف سوا  جان ماياكل اذا ميجيبلي اكل
وكل يوم الصبح ببدايه الدوام يجي يشوفني ويطمن عليه يله
يرجع لقسمه صرنا أصدقاء بمرور الوكت

وقوت علاقتنا واذا تسولني حبيتي اكلك اي حبيته
لان بطبيعه الامر طفله وعايزة حنان اكيد تتعلق بالي يقدمه الهه
جان روحي من الدنيا مااذاني بكلمه ولا تجاوز حدوده
بمرة وياي جان ملتزم بحدوده وميعبرهن

صرنا مرحله ثانيه جامعه وعلاقتنا قوة أكثر بس ابد محاول يطلب رقمي
ولا مراسلات ولا نلتقي سوا

جان كلشي بالجامعه محترم وياي
لحد ماافاتحني بموضوع الزواج

جنت طايرة شريد من الله بعد انسان مثل محمد لو اموت مااحصل
طبعا كال كلشي يتم رسمي ومشيه وخطبه