اندك الباب بشكل هستيري وقوي
كمنه مفزوعين نشوف شكو واحد يصيح برة
ماخلونا الولد نطلع كالو رجعن جوا
بقينه نباوع من الباب نشوف شكو...
انفتح الباب شفنه شاب مبين بالعشرينات
يلهث ووجهه مخطوف
كال لحمزة الحك الحنطه احتركت
صفن شويه حمزة
كبل طلع يركض ويصيح
طلعنا برة نشوف والجده تضرب بصدرهه وتدعي مايصير شي
شفنه هواي من اهل المنطقه طلعو....
والنار ملتهمه أكثر من نص الحقل يبين اللهيب مالهه
جانت الدنيا ليل ومنضر النار حبيت هالمنضر...
كامت الناس تتساعد ويطفون بالنار
ضلو تقريبا ٣ ساعات يله طفوها
شالو حمزة شيول جان منهار يشوف تعب عمرة يحترك جدامه
صراحه كسر كلبي مايستاهل
بس يبقى السؤال منو سواا هيج
الناس كلهه تفكر محتارة منو ممكن يحرك المحصول....
خلصت السالفه والناس رجعت لبيوتهه
بس الجده كالت اروح اشوفه واطمن على....
بقينه اني والبنات نجمه وسندس
سدينه الباب وكعدنا نصفن
كلت هسه راحت تبارك بعد منو يونسنا
جانت مونستنا والله
ايدن كلامي
باوعت لنجمه ماكو تعابير بوجهه راح تموتني
كتلهه اكلج نجمه
كالت ها
كتلهه طالعه تخبلين اليوم واندس بسندس
كالت مافهمت
ضحكنه وكتله شتريد منج ام محمد من حاجتج
حسيته وجهه اصفر
كالت مااعرف حاجت الجده محجت وياي
ضحكنه اني وسندس....
كلنا ترا واضحه تريد تخطبج طبعا
كالت مااريد لا تجيبين سيرت الزواج كدامي جم مرة كلت
وعافتنه وكامت معصبه
التفتت اشوف سندس متوترة وخايفه
كتلهه ليش هيج تكره الزواج
كالت بسبب ثامر خطيبهه القديم
سئلتهه بفضول وشسوة
كالت يعني اجه تقدم عادي وخطبوهه وهي هم وافقت
جانت فرحانه ومونفس حالهه هسه
كتله اي كملي
كالت ملجو هي ويا بس صراحه مجان راحه ابد يباوعلهه بنضرات مقرفه
بس هي جانت تثق بي هواي وتدافع عنه...
إلى أن بيوم وسكتت
كتله اي كملي
كالت اجه وكال للجده يطلعهه يريد يجيبون الذهب
ومشوا هو وياها
رجعتنه عبايتهه ماكو وشعره طالع وتبجي تخرمش بروحهه
ضربت صدري كلت عزا شصار
نزلت راسهه وكالت حاول يعتدي عليها الحيوان
ونزلت راسهه بقهر
أنت تقرأ
بين انياب الزاجر
عاطفيةقصه جديده مختلفه من نوعهاا انشالله تنال حسن قرائتكم اتمنى الكم قراءه جيده
