بين انياب الزاجر

البارت الرابع

سمعت صوت تكسير يخوف طلعت
من الغرفه باتجاه الصوت معقوله محد يسمع الهوسه
سمعت خطوات وراي التفتت بفزع
شفته تميم اخو زاجر

كتله شنو هالصوت فدوة ترة خفت
كال شكو طالعه رجعي لغرفتج احسلج

كتله بس والصوت
دار وجهه يريد يروح بعدين تعرفين ليش مستعجله ومشه٠٠٠٠٠
لطمت على وجهي خايفه عزه وين جبت روحي اني
رجعت لغرفه نمت والصوت اختفى

كعدت الصبح بدلت اروح للجامعه كالعاده
كعدت شفتهم مجتمعين

عالطاوله صبحت عليهم
كال عمي صباح النور تعالي تريكي
اجيت كعدت اكلت شويه
ردت اسئل زاجر وين فضولي موتني
كعدت اكل سمعت عمي يحجي ويه مرته

يكللهه اليوم يطلع الدكتور كال وضعه مستقر
وراح اجيب الاجهزه اللازمه بعد
مايروح للمستشفى تعب علي
ريلاس تتكفل بعلاجه
سمعت ممرضه هيه
هزيت راسي بنعم

وكمل
ردت اسئل بعد بس تأخر الوقت عالجامعه
منو هذا وشبي

مَشيت لجامعتي ضايعه مااعرف شسوي
طبيت للجامعه بوجهي لقسمي٠٠

طول المحاضرات عقلي مو ياي افكر بي وشبي
انتبهت رنا لوضعي بس َما حجت

كال الدكتور باباتي هاي شدتهه بس هالشهر وتتخرجن وتصيرون ممرضين
شدوا حيلكم ورفعوا روس أهلكم وخلوهم فخورين بيكم

نزلت دمعه من عيني ومسحتهه
خلصنا اليوم ورجعت للبيت

تلكتني عمتي بالباب مبينه مقهوره حيل
لزمتني من ايدي

وكالت احنا شكو جبناج هنا ها بس اكل ودراسه

هديت أيدي منهه وكتلهه لعد شتردين
كالت امشي لرجلج كعدي يمه سوالفي ويا اخذيله اكله
توة اجه من المستشفى امشي اطي علاجه

هو من اليوم ورايح مسوليتج انتي تعنين باكله بشربه
بعلاجه بملابس كله عليج وااااضححح

تحركي
كتله شنو مربيته انه٠٠٠

خزرتني بغضب رحت ذبيت ملازمي وتوجهت للمطبخ
كالت عمتي سحر طي الاكل ريلاس هي تودي

طتنيا ومشت قبلي جانت غرفته اخر طابق فوَك
تفاجأت ليش معزول مو وياهم

مشت وكفت يم باب مبين مكسر ومنتهي كله
كالت هاي غرفته دخلي احجي ويا وقنعي ياكل وطتني علاج كالت خل يشرب

كتلهه ليش هو شبي تطي مهدئات مريض نفسي
كالت سدي حلكج وسوي الكتلج علي

دكيت الباب محد فتح ولا اكو صوت رجعت دكيتهه
ودخلت كانت الغرفه سوده كلهه