بين انياب الزاجر

البارت السادس

كال اريد ككو
ابتسمت وقدمتله الكيكه هز راسه بنفي..
كال اريد منا واشر على حلكي
باوعت لحلكي ملوط ككو عبالك زعطوط شحب وجهي من كلامه

كتله هاك مو تريد اكل من هذا
كال اريد من هذا واشر على شفتي مبتسم

وضليت خازرته
ضجت من تصرفه... ضحك وراح يبدل.... وصلت روحي ليفوك
سمعت صوت قفل الباب عفته ورحتلهه مقفوله

صحت سحر كالت تفضلي كتلهه فتحي الباب وسوالف سعاد بطليهه
كالت مو بكيفي هي كالت خل تبقه يمه
عافتني ومشت
رجعت ضايجه

كل اهل هالبيت مخابيل قسم بالله
بس اريد اعرف شكو تجبرني عالهلشي
يعني إلى متى تضل هيج تسوي
تره تصرفات أطفال هاي
بحجت تضلين يمه

اني مااريد ابقه شكو تسوي هيج
كلت بكلبي هيج
كتله عندك مفتاح
كال ماعندي
حرت شسوي هسه واستحي ادك الباب واصيح عبن متزوجين ثنينا
رجعت افتر واحوس بالغرفه

كال تعالي هنا نامي واشرلي بصفه
كتله باحلامك

شفته كعد تربع وكال
لسانج يرادله كص صاير كلش طويل وصلف

كتله تتجاوز اتجاوز تحترم احترمك
كال شكلت بله

كلت مو تكلي تعالي هنا
كال رجلج قابل غريب

تخصرت وكتله لا تكول هيجي لا رجلي ولا مرتك وزواجنه لااااااا وسكتتت
انتبهت ردت اجفص بس هو فهم مقصدي
شفته عيونه صارن حمر كام من الجربايه
حطيت أيدي على حلكي وضربت حلكي شكلتي يالمصخمه

ما توبين من سوالفج وماتجوزين
اقترب أكثر مني راد يضربني خليت أيدي على وجهيي

دار وجهه وبده يكسر كلشي بالغرفه واني ميته رعب
وابجي بصياح بس اريد يهدا

ماكو ثار ثوران ويضرب بالباب يريد يفتحهه يجي يمي يريد يضربني
ويرجع يروح يلزم اي شي ويركع بالكاع

مابقه شي يتكسر  اتهسترت وكمت اصيح و حسيت كلبي راح يوكف
شافني واجاني كبل

باوع للمكان كال اني سويت هيج
اذيتج وكام يفحص بيه

كتله وخر عني تريد تموتني مخبل وخر واضرب بصدرة
لزمني وحطني على صدرة يهدي بيه

كتله وخر مااريد وخر لا تلمسني تلعب روحي منك
كال ادري  بس اهدي واني اهدج

هديت شويه ودفعته عني رحت بزاويه تكورت عالنفسي ونمت
واني كلساع اشهك بدموعي

كعدت الصبح شفت نفسي بفراشه وهو فارش بالكاع
تطمنت شويه كمت فتحت الباب طلعت مفتوحه
ومشيت لغرفتي
بعد اسبوع تقريبا

رجع الحاجز بيني وبينه مايقبل اروحله ابد
استغربت سعاد وضلت تسأل ليش ما يريدج شسويتي ضوجتي
كتلهه شمدريني كاعده براسه
خزرتني ومشت