بين انياب الزاجر

البارت الثالث عشر

بس رجعي والله كريم اذا مااعيد تربيتج من جديد
اني مو زاجر ولج ما تسوين اضفر من زينه....

تسواج وتسوا راسج عالاقل ما تعصيني وتسمع كلامي
انفجرت بوجهه ابجي كتله كافي موتتني....

الله ياخذك ويخلصني منك حقير سديته بوجهه
اجاني دكتور ضياء شافني ابجي مسحت دمرعي

كال اعذريني عالتطفل بس شكلج مو طبيعي
كتله مابيه شي وامسح بدموعي....

كال تعالي مشيت ورا كعدت وجابلي مي غسلت وشربت ارتاحيت شوي
وهو يباوعلي محتار شيسوي حتى اسكت لان بس ابجي واشهك

كال اجيبلج شي محتاجه شي
هزيت براسي وكمت....

كتله مشكور دكتور من رخصتك
عفته ودخلت يم رنا...

شفت دكتور فوك راسهه ويعلم بيهه
وهي مندمجه بالشغل

علمونه هنا شغلات هوايه حتى خياط المريض علموونه

كملت وانتضرتهه ومشه الدكتور اجت وسلمت عليه
كالت شلونه العمليه.....

كتلهه الحمدلله ناجحه
وسولفتلهه الموقف من الولد لزم ايدي

ماتت ضحك عليه تكول شكلهه حبيته شالعه كلبه
كتله اي مبين مجويه كلبه...

خلصنا الدوام ورجعنا للبيت

مر الشهر الأول بصلام وزاجر عافني بعد مااتصل بيه ابد
ارتاحيت بس خايفه شيسويلي اذا رجعت....

علاقتي بدكتور ضياء صارت قويه بس ضمن الحدود
صار بكل عمليه لازم ويا اني.....

جنه ثنائي ماهر هو بارع بشغله
واني بارعه بشغلي......

جنه طالعين من عمليه صعبه استأذنت اروح اغسل
ورحت اتصل عمي عليه يسالني عن اخبباري

كتله تمام الحمدلله عمو زينه ومشتاقتلكم كومايات
مااعرف يمته اخلص واجي....

كال ان شالله بويه ترجعين بأسرع وكت
انتبهي زين لنفسح وصحتج

كتله ان شالله عمو لا تأكل هم
ردت اساله عن زاجر ب استحيت
خلصت وسديته.....

اتصلت على حيدر كتله بشر الاخبار شكو ماكو
كال الأوضاع مستتبه حاليا......

ورجلج المصون هادئ على غير العاده وضابط اعصابه
كتله يعني ماسئلكم عن مكاني.....

كال غير لزمني تحقيق شطوله وطاني بمبلغ جبير
بس ما جنت اعرف مكانج هضيمه....

لو اعرف جا كتله وأخذت الفلوس ويضحك
كتله شكد خايين لعد...